SHAKAWN KUNGDAWN 27:9 - Jinghpaw Common Language Bible 2009

⁹ “Nang gaw ngai kaw na hkum makoi nga et!,” Ngai hpe masin hkum pawt et; Na a shangun ma wa hpe hkum n dang kau et; Karai Kasang, ngai hpe hkye hkrang la ai wa e, Nang gaw ya du hkra, ngai hpe karum la ai wa rai nga ndai majaw, ngai hpe hkum kau da et, ngai hpe hkum kabai da nga et.

Jinghpaw Hanson Version Bible

⁹ Na a myi man ngai kaw na hkum makoi kau u; Masin pawt ai hte na a mayam wa hpe hkum kau da et: Ngai hpe karum ai wa nang rai nga nit dai; Ngai hpe hkye hkrang la ai Karai Kasang e, Ngai hpe hkum gang kau et, ngai hpe hkum jahti da et.

SHAKAWN KUNGDAWN 27:9 ပူးပေါင်းရင်းမြစ်များ

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

SHAKAWN KUNGDAWN 102:2

Ngai nni nkri hkrum nga ai shaloi ngai kaw nna hkum kayin mat wa et! Ngai shaga ai shaloi, nye a ga hpe madat ya nna, tin tin htan ya e!

SHAKAWN KUNGDAWN 102:3

Nye a asak gaw wan hkut zawn hkoi mat wa nna; nye a hkum hkrang mung wan zawn hkru nga ai.

SHAKAWN KUNGDAWN 119:121

Ding man ai hte mai kaja ai amu ni hpe ngai galaw se ai; nye a gumlau hpyen ni a lata de ngai hpe hkum kau da et!

SHAKAWN KUNGDAWN 13:1

Madu e, nang gaw galoi aten du hkra ngai hpe malap kau na ngu n ta? Htani htana du hkra kun? Nang gaw galoi aten du hkra ngai kaw na makoi nga na n ta?

SHAKAWN KUNGDAWN 143:7

Madu e, ngai hpe ya jang, htan ya e! nye a myit mada ai lam yawng htum mat sali ai. Na a myi man ngai kaw nna, hkum kayin kau nga et; shing rai yang, nsung hku kata de shang mat wa ai ni hta ngai lawm wa na ring ngai.

SHAKAWN KUNGDAWN 24:5

Dai Madu shanhte hpe shaman ya nna, shanhte hpe hkye hkrang la na ra ai; Karai Kasang gaw shanhte hpe mara n kap ai ni ngu nna tsun na ra ai.

SHAKAWN KUNGDAWN 44:24

Nang gaw hpa rai anhte kaw na makoi nga n ta? Anhte a nni nkri hte ru tsang lam hpe hkum malap kau ya mi.

SHAKAWN KUNGDAWN 51:11

Na a myi man kaw nna ngai hpe hkum shaden kau et; na a chyoi pra ai wenyi ngai kaw na hkum dawm la kau ya e.

SHAKAWN KUNGDAWN 69:17

Ngai gaw ru tsang kaba hkrum nga nngai majaw, nang hkum nan na a mayam wa kaw nna hkum makoi nga et; ya jang, ngai hpe htan ya e!

SHAKAWN KUNGDAWN 69:18

Ngai hpe hkye hkrang la na matu, sit sa wa rit; nye a gumlau hpyen ni a lata kaw na, ngai hpe mawai la e.

SHAKAWN KUNGDAWN 88:1

Ngai hpe hkye hkrang la ai Madu Karai Kasang e shani tup ngai nang hpe hpyi jahtau nna; shana e mung, na a man de du sa nngai.

ESAIA 50:1

Dai Madu gaw, “Lasha gaw shi a madu jan hpe jahka kau ai zawn, ngai gaw nye a amyu masha ni hpe jahka kau ni ai ngu, nang myit nawn n ni? Dai rai yang, dinghku jahka ai laika ni kanang rai nga a ta? Lasha gaw shi a kashu kasha ni hpe mayam hku dut kau ai zawn ngai mung nang hpe bawng dung na matu dut kau nga nngai ngu myit nawn da wu ni? N rai law, nang galaw ai yubak mara ni a majaw nang bawng dung hkrum nga ndai; nang galaw ai ru hka amu ni a majaw na a kanu gaw gawt shapraw kau hkrum nga ai.

ESAIA 59:2

Dai gaw nanhte a yubak mara ni a majaw nanhte a nsen hpe shi n na nga ai. Nanhte Karai Kasang hpe nawku na shakut myit dai shaloi, dai nanhte a yubak mara ni gaw nanhte hpe Karai Kasang kaw na jahka kau ya nga ai.

YEREMIA 32:40

Ngai gaw shanhte hpe htani htana prat dingsa na ga shaka tawn da na nngai. Shanhte a matu mai kaja ai amu galaw nga ai hpe ngai galoi mung jahkring kau na n rai. Ngai gaw shanhte hpe shanhte a myit masin mahkra hte ngai hpe hkrit hkungga shangun na nngai, shanhte gaw ngai kaw nna galoi mung n kayin mat wa lu na mara ai.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.

1 SAMUELA 7:12

Dai hpang, Samuela gaw nlung langai la nna Mizpa hte Shen lapran e jung tawn nhtawm, “Dai Madu gaw lam htum hkra anhte hpe karum la mani ai,” ngu nna tsun wu ai. Dai rai nna nlung dai hpe “Karum la Nlung” ngu nna shamying wu ai.