SHAKAWN KUNGDAWN 27:8 - Jinghpaw Common Language Bible 2009

⁸ “Ngai hpe nawku daw jau na sa rit,” nga nna nang tsun ndai shaloi, “Madu e, ngai sa wa na nngai,” ngu nna ngai htan ni ai.

Jinghpaw Hanson Version Bible

⁸ “Nye a myi man hpe tam mu,” nga nna, nye a myit masin hpe tsun ndai majaw, Yehowa e, na a myi man hpe ngai tam nga nngai.

SHAKAWN KUNGDAWN 27:8 ပူးပေါင်းရင်းမြစ်များ

2 SAMUELA 21:1

Dawi up hkang nga ai laman, masum ning tup laja lana re ai hkuwa byin wa sai. Dai rai nna Dawi gaw dai hte seng nna dai Madu hpe san yu wu ai shaloi, dai Madu gaw, “Shawlu hte shi a dinghku masha ni masha sat ai amu shut kau ai mara lu nga ma ai. Shi gaw Gibeon masha ni hpe sat kau nu ai,” ngu nna tsun wu ai.

2 HKAWHKAM LABAU 7:14

shanhte galaw shut kau sai n hkru n shawp ai amu kaw nna myit malai ai hte kayin wa nhtawm ngai kaw akyu hpyi mu ai rai yang, sumsing lamu hta madat mara ya na nngai. Shing rai shanhte a yubak mara ni hpe raw dat kau ya nhtawm shanhte a mungdan hpe bai ngamu ngamai shangun na we ai.

SHAKAWN KUNGDAWN 105:4

Karum hpyi na matu, dai Madu hpang de sit shang wa mu, shi hpe n sim n sa nawku daw jau nga mu.

SHAKAWN KUNGDAWN 119:58

Na a ga sadi hte maren, ngai hpe matsan dum la na matu, nye a myit masin mahkra hte nang kaw ngai hpyi nem nga nngai.

SHAKAWN KUNGDAWN 24:6

Dai zawn re ai masha ni gaw Karai Kasang hpang de sa ai ni rai nna, Yaku a Karai Kasang man e, du ai ni rai nga ma ai.

ESAIA 26:16

Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

ESAIA 45:19

Ngai gaw machyi shim ai hku n tsun yu nngai, nye a yaw shada ai lam hpe makoi magap n galaw yu nngai. Katsi katsang re ai shara hta ngai hpe tam na matu, Israela amyu masha ni hpe ngai n lajin yu nngai. Ngai gaw dai Madu rai nga nngai, ngai gaw teng man ai ga hpe tsun nngai; Teng man ai amu hpe ngai chye shangun nngai.”

HOSEA 5:15

“Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

YAWHAN 11:29

Mari dai ga na jang, alawan rawt nna Yesu hpang de sa wa ai.