SHAKAWN KUNGDAWN 27:6 - Jinghpaw Common Language Bible 2009

⁶ Shing rai, ngai gaw ngai hpe wang shinggrup da ai nye a gumlau hpyen ni hpe dang kau nngai; shi a Nawku Htingnu hta kabu gara jahtau garu nhtawm shagu hkungga ni hpe nawng jau na ring ngai. Ngai gaw Madu hpe mahkawn mangoi let shi hpe shakawn na ring ngai.

Jinghpaw Hanson Version Bible

⁶ Ya shi gaw, grup yin e nga ai, ngai hpe gumlau ai ni a ntsa e, Nye a baw hpe, sharawt ya ni ai. Shi a sum hta pahtau dum let ngai hkungga jaw na nngai. Ngai Yehowa hpe mahkawn mangoi nna, tingse dum na nngai.

SHAKAWN KUNGDAWN 27:6 ပူးပေါင်းရင်းမြစ်များ

NINGPAWT NINGHPANG 40:13

Masum ya rai jang, hkawhkam wa nang hpe shapraw dat nna mara dat ya na ra ai. Dai sha n-ga, na a aya hta nang hpe bai dang da na ra ai. Shawng de nang shi a man e, sabyi jau yu nit dai hte maren, shi a gawm hte shi hpe nang jau lu na rin dai.

NINGPAWT NINGHPANG 40:20

Masum ya nhtoi lai jang, hkawhkam wa shi a shangai nhtoi shani hta, shi a du salang ni yawng hpe lusha poi galaw daw wu ai; dai hpang sabyi jau ai wa hte muk kabaw ai agyi yan hpe shi a du salang ni a man de woi shapraw dat wu ai.

2 SAMUELA 22:1

Dai Madu gaw Dawi hpe Shawlu hte kaga shi hpe gumlau ai hpyen ni a lata kaw nna hkye mawai la ai shaloi, Dawi gaw ndai mahkawn ga hte dai Madu hpe mahkawn mangoi wu ai:

2 SAMUELA 22:49

nye a gumlau ni a lata kaw nna ngai hpe hkye mawai la nga ai. O Madu e, nye a gumlau hpyen ni hpe dang kau lu na awng padang nang ngai hpe jaw ya nga ndai hte kashun kashe du daw sai hkaw amu galaw shapraw ai masha ni a lata kaw nna makawp maga la nga ai.

2 SAMUELA 7:9

Nang hkawm sa ai shara shagu hkan, ngai nang hte rau nga nga nna, nang naw rawt lung wa yang pyi, na a gumlau hpyen ni yawng hpe ngai gasat dang kau ya nngai. Mungkan ga na galu kaba htum ai ningbaw ni zawn ngai nang hpe mying dan hkung galu kaba shangun na nngai.

2 HKAWHKAM 25:27

Babelon Hkawhkam Ewila-merodak hkawhkam tai wa ai shaning hta, shi gaw Yuda Hkawhkam Yehoiahkin hpe htawng e sharen da ai kaw na shalawt dat let matsan dum ai myit madun dan wu ai. Dai gaw Yehoiahkin a bawng dung ai sumshi sanit ning a shata shi lahkawng a hkun sanit ya shani e byin ai lam rai nga ai.

1 HKAWHKAM LABAU 22:18

Shi gaw, “Dai Madu na a Karai Kasang gaw nang hte rau rai nga nna, shara shagu hkan ngwi pyaw sim sa lam nang hpe jaw da nga sai. Shi gaw ngai hpe ndai mung na amyu masha ni yawng hpe up hkang shangun nga ai; ya chyawm gaw shanhte gaw na a npu hte dai Madu a man e taw nga ma ai.

SHAKAWN KUNGDAWN 107:22

Shanhte gaw shagu hkungga ni hte shi hpe chyeju shakawn lu na rai mu ai; kabu gara ai mahkawn mangoi ga hte shi galaw dan sai ni yawng hpe tsun hkai dan lu na rai mu ai.

SHAKAWN KUNGDAWN 110:7

Dai hkawhkam wa gaw lam makau e lwi ai hka shi hka hpe lu na ra ai; shing rai, shi gaw n-gun rawng wa nna, awng padang hta rawt tsap wa lu na ra ai.

SHAKAWN KUNGDAWN 119:108

Madu e, nye a chyeju shakawn akyu hpyi ai ga hpe hkap la ya nna, na a hkang da ai lam, ngai hpe sharin ya e.

SHAKAWN KUNGDAWN 138:5

Nang galaw dan sai amu ni hte, na a galu kaba ai hpung shingkang a lam hpe shanhte mahkawn mangoi wa na mara ai.

SHAKAWN KUNGDAWN 21:1

Madu e, nang gaw hkawhkam wa hpe n-gun atsam jaw ya nit dai majaw, shi kabu gara nga ai; nang gaw shi hpe padang ninglaw lu shangun ndai majaw shi kabu gara nga ai.

SHAKAWN KUNGDAWN 21:13

Madu e, na a galu kaba ai n-gun atsam a majaw, anhte nang hpe shakawn ga ai! Anhte gaw na a daru magam n-gun atsam hpe mahkawn shakawn nga na ga ai law.

SHAKAWN KUNGDAWN 3:3

Rai ti mung, Madu e, nang gaw hkrithpa shara kaw na tut nawng makawp maga la ai ninggang rai nga ndai, nang gaw ngai hpe awng padang jaw ya ai hte nye a share shagan ai myit masin hpe bai jaw ya nga ndai.

SHAKAWN KUNGDAWN 3:4

Karum la na matu, Madu hpe ngai shaga nngai; shi ngai hpe shi a chyoi pra ai Bum kaw nna htan ya nga ai.

SHAKAWN KUNGDAWN 47:1

Masha amyu yawng hte e, kabu gara ai hte lahpawk dum mu! Nsen sharawt ai mahkawn mangoi ga ni hte Karai Kasang hpe shakawn mu!

SHAKAWN KUNGDAWN 57:8

Nye a wenyi e, dum hprang u! Nye a tingse hte sumpyi e, dum hprang u! Jan hpe mung ngai jasu na nngai!

SHAKAWN KUNGDAWN 81:1

Anhte a dahpran shara Karai Kasang hpe kabu gara jahtau nga mu; Yaku a Karai Kasang hpe mahkawn shakawn nga mu!

SHAKAWN KUNGDAWN 95:1

Wa marit, Madu hpe anhte shakawn ga! Anhte hpe makawp maga ai Karai Kasang hpe kabu gara mahkawn shakawn ga!

ESAIA 12:6

Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

YEREMIA 31:7

Dai Madu gaw, “Amyu baw ni hta galu kaba htum ai Israela a matu kabu gara ai hte mahkawn mangoi nga mu. ‘Dai Madu gaw shi a amyu masha ni hpe hkye hkrang la nu ai hte, naw ngam nga ai ni hpe mawai la nu ai majaw, mahkawn shakawn kungdawn nga mu.’

YEREMIA 33:11

nang gaw kabu gara garu jahtau nsen, mani pyaw ai nsen hte kabu gara ai hkungran poi lusha sha ai nsen ni hpe kalang mi bai na lu na rin dai. Shanhte gaw nye a Nawku Htingnu de mahku hkungga ni la sa let mahkawn shakawn ai nsen hpe nang na lu na rin dai; shanhte gaw, ‘Shi gaw mai kaja nga ai hte shi a tsaw ra myit htani htana prat dingsa agrin nga ai majaw, Chyahtum Chyalai N-gun Rawng ai dai Madu hpe chyeju dum mu,’ ngu nna tsun na mara ai. Ngai gaw ndai mungdan hpe shawng na hte maren, ngamu ngamai shangun na nngai. Dai Madu ngai nan tsun ni ai,” nga nna tsun wu ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

HEBRE 13:15

Dai rai nna anhte gaw shi hpe anhte a Madu re ai ngu nna yin la ai n-gup ni hte chyeju shakawn ai anhte a hkungga hpe Yesu a gawp e Karai Kasang kaw tut nawng e nawng ya nga ga.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!

SHINGRAN 5:9

Shanhte gaw, “Nang gaw dai laika shabawn hpe la na hte, dazik ni hpe gaw kau na ging dan nga ndai. Hpa majaw nga yang, nang sat kau hkrum nit dai rai nna, na a nawng jau si hkam ai hte, amyu bawsang shagu hta na mung, ga amyu shagu hta na mung, Karai Kasang a matu masha ni hpe nang mari la nit dai rai nga ai, nga nna mahkawn ningnan mahkawn ma ai.