SHAKAWN KUNGDAWN 27:5 - Jinghpaw Common Language Bible 2009

⁵ Ru tsang hkrum ai aten ni hta, shi gaw nye a shingbyi shara tai ya na ra ai; shi gaw ngai hpe shi a Htingnu kata hta shim ai hte bau sin na ra ai hte, tsaw ai lunghkrung ntsa e, ngai hpe shim nga shangun na ra ai.

Jinghpaw Hanson Version Bible

⁵ Shi gaw ruyak ai nhtoi hta shi a npan e ngai hpe makoi da ni ai; Shi sum a shingbyi shara hta ngai hpe magap da nngai: Lunghkrung ntsa e, shi ngai hpe shadun da ni ai.

SHAKAWN KUNGDAWN 27:5 ပူးပေါင်းရင်းမြစ်များ

2 HKAWHKAM LABAU 22:12

Num Hkawhkam Ahtalia up nga yang, shi gaw dai yang e kru ning tup makoi nga wu ai.

SHAKAWN KUNGDAWN 10:1

Madu e, nang gaw hpa rai tsan tsan e nga nga n ta? Anhte ru tsang hkrum nga ga ai shaloi nang hpa majaw makoi nga n ta?

SHAKAWN KUNGDAWN 119:114

Nang gaw nye a dahpran shara hte ngai hpe makawp maga ai wa rai nga ndai; na a ga sadi hpe ngai myit mada nga nngai.

SHAKAWN KUNGDAWN 138:7

Ru tsang ai hte gawan da ai ngai hkrum nga ai shaloi, ngai hpe nang makawp maga da nga ndai. Nye a gumlau hpyen ni a sindawng kahtet ai hpe nang hkap shingdang ya nna, na a daru magam n-gun hte ngai hpe hkye hkrang la nga ndai.

SHAKAWN KUNGDAWN 17:8

Tara n lang ai ni a gasat gala ai hte law la ai hpyen ni ngai hpe wang shinggrup nga ai kaw na na a myi sha ni hpe nang makawp maga ndai zawn ngai hpe na a singkaw ni a shingnip a npu e makoi da e.

SHAKAWN KUNGDAWN 18:33

Shan nga lagaw gaw ngang ai zawn, shi gaw ngai hpe shangang ya nna; bum ni a ntsa e, ngai hpe shi bau sin makawp maga ya nga ai.

SHAKAWN KUNGDAWN 31:20

Masha ni a maw mawn ai kaw na nang shanhte hpe na a man na shim lum ai shara hta makoi da nna; shanhte a gumlau hpyen ni roi rip ai kaw nna mung shim ai shara hta nang shanhte hpe makoi da nga ndai,

SHAKAWN KUNGDAWN 31:21

Dai Madu hpe shakawn kungdawn mu! Ngai gaw wang da ai hkrum nna gasat hkrum nga ai shaloi, ngai hpe shi a tsaw ra myit madun dan ai gaw kade wa mauhpa rai nga a hka!

SHAKAWN KUNGDAWN 40:2

Shi gaw ngai hpe hkrit hpa nhkun hta na mung, lup si shangun ai nawng wam hta na mung gang shaw la nhtawm; lunghkrung ntsa e, shim hkra ngai hpe tawn da nna makawp maga da ni ai.

SHAKAWN KUNGDAWN 40:3

Shi gaw ngai hpe mahkawn ga nnan mahkawn shakawn na matu sharin ya ai, dai gaw anhte a Karai Kasang hpe shakawn ai mahkawn langai mi rai nga ai. Law law wa dai hpe mu nna hkrit maja let, Madu hpe shanhte kam hpa nga ma ai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai; ru tsang hkrum ai aten ni hta karum la na, tut nawng jin jin rai nga ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

SHAKAWN KUNGDAWN 61:2

Dum nta hte tsan gang nna myit htum nga yang, ngai nang hpe shaga nngai!

SHAKAWN KUNGDAWN 61:3

Nang gaw ngai hpe makawp maga ai wa hte gumlau hpyen ni hpe ninghkap lu ai nye a ngang kang ai dahpran shara rai nga ndai majaw, ngai hpe shim ai shingbyi shara de woi wa e.

SHAKAWN KUNGDAWN 77:2

Ngai gaw Ru tsang hkrum ai aten ni hta, Madu hpe akyu hpyi nngai; shana tup ngai gaw nye a lata ni hpe sharawt nna akyu hpyi ai, rai ti mung, shalan shabran ai lam hpe ngai n mu lu nngai.

SHAKAWN KUNGDAWN 83:3

Shanhte gaw na a amyu masha ni hpe gumlang na matu mayun hpaji daw nga ma ai; nang e makawp maga da nga ai ni hpe mung, shanhte gumlang na maw mawn nga ma ai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

SHAKAWN KUNGDAWN 91:15

Shanhte ngai hpe shaga yang, ngai shanhte hpe htan ya na nngai; shanhte ru tsang hkrum yang, ngai shanhte hte rau nga nga na nngai. Ngai shanhte hpe mawai la nna; shagrau sha-a na mawe ai.

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

ESAIA 26:16

Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

ESAIA 26:20

Nye a amyu masha ni e, nanhte a dum nta kata de shang nna chyinghka la mu. Karai Kasang a pawt sindawng ai kawp mat ai aten du hkra, tinang hkum nan loi hkring mi makoi nga mu.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

KOLOSE 3:3

Hpa majaw nga yang, nanhte gaw si mat sai ni rai nna, nanhte a asak gaw Hkristu hte rau, Karai Kasang hta kyem makoi da nga sai.