SHAKAWN KUNGDAWN 27:3 - Jinghpaw Common Language Bible 2009

³ Hpyen luksuk ni ngai hpe wang gawan da ti mung; ngai hkrit na nngai n rai, gumlau hpyen ni ngai hpe gasat yang pyi Karai Kasang hpe naw kam hpa nga na nngai.

Jinghpaw Hanson Version Bible

³ Luksuk ni nye a man e dap jung nga ma timung, Nye a myit hpa n hkrit li ai; Majan pru wa nga timung, Dai hta she nye a myit grin nga na ra ai.

SHAKAWN KUNGDAWN 27:3 ပူးပေါင်းရင်းမြစ်များ

2 HKAWHKAM LABAU 20:15

Yahaziela gaw, “Madu hkawhkam hte Yuda, Yerusalem mare masha ni yawng hte e, dai hpyen luksuk kaba hte hkrum na myit hkum daw myit, hkrit mung hkum hkrit nga myit. Dai hpyen gasat ai gaw nanhte a amu n rai; Karai Kasang hte she seng nga ai.

YOBA 4:6

Nang gaw Karai Kasang hpe nawku ndai, na a asak hkrun lam gaw mara shagun shara n nga nga ai; dai rai nna nang gaw kam hpa ai hte myit mada shara lu la ang nga ndai.

SHAKAWN KUNGDAWN 112:7

N kaja ai shiga hpe na yang, dai hpe shi n hkrit nga ai; shi a makam masham n-gun ja nga ai hte dai Madu hpe kam hpa nga ai.

SHAKAWN KUNGDAWN 3:6

Nye a gumlau hpyen mun sen ni ngai hpe jut man grup wang shinggrup da ti mung, ngai n hkrit nga nngai.

SHAKAWN KUNGDAWN 3:7

Madu e, sa rit! Nye a Karai Kasang e, ngai hpe hkye hkrang la e! Nang gaw nye a gumlau hpyen ni yawng hpe ari jaw ndai, ngai hpe machyi shangun lu ai shanhte a n-gun atsam hpe nang shadaw kau ya nga ndai.

SHAKAWN KUNGDAWN 52:6

Ding hpring ai masha ni dai lam hpe mu nna hkrit wa na mara ai; shaloi shanhte nang hpe mani ashu let, tsun ai gaw,

HPILIPI 1:28

Dai hta kaga nanhte gaw hpyen ni hpe; hkum hkrit nga myit, tut nawng e nden marai rawng nga mu. Dai gaw shanhte sum hkrum nna nanhte awng dang wa na sakse kumla tai na ra ai; hpa majaw nga yang nanhte hpe awng padang jaw ai gaw Karai Kasang shi nan rai nga ai.

1 PETRU 3:14

Rai ti mung lama rai nna teng man ai lam hpe hkan sa galaw nga ninglen nanhte nni nkri hkrum myit yang gaw, kabu lu nga na rai myit dai. Kadai wa hpe mung hkum hkrit nga myit; myit mung hkum ru myit.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

1 SAMUELA 19:8

Hpilisti masha ni hte majan byin wa ai rai nna, Dawi gaw shanhte hpe htim gasat nhtawm tsep kawp dang kau wu ai hte shanhte mung hprawng htaw mat wa ma ai.