SHAKAWN KUNGDAWN 27:12 - Jinghpaw Common Language Bible 2009

¹² Masu magaw ga ni hte jahkrit shama ai lam ni hte, ngai hpe htim anut nga ai nye a gumlau hpyen ni a lata hta ngai hpe hkum kau da nga et.

Jinghpaw Hanson Version Bible

¹² Kashun kashe maw ai ni hte, N teng n man ai sakse ni nye a man e rawt nga ma ai majaw, Gumlau ni ra ai lam hta ngai hpe hkum ap kau da et.

SHAKAWN KUNGDAWN 27:12 ပူးပေါင်းရင်းမြစ်များ

SHAKAWN KUNGDAWN 140:8

Madu e, tara n lang ai wa a ra ai lam hpe hkum jaw ya et; shanhte a n hkru ai maw mawn lam ni hpe mung, hkum hkan ya nga et.

SHAKAWN KUNGDAWN 25:19

Ngai hta gumlau hpyen ni kade law nga ai hpe mu ya e; shanhte ngai hpe kade wa n dawng nga ma ai hpe mung chye ya e.

SHAKAWN KUNGDAWN 31:8

Nye gumlau hpyen ni ngai hpe rim la na, nang ap ya nga ndai n rai; ngai sa mayu ai shara de ndut ndang hkawm sa lu na lam, nang lajang ya nga ndai.

SHAKAWN KUNGDAWN 35:11

N hkru n shawp ai masha ni gaw ngai hpe nhtan shai ai hku sakse hkam ya nna; ngai hpa mung n chye lawm ai ru hka amu ni hte ngai hpe mara shagun ma ai.

SHAKAWN KUNGDAWN 35:25

“Shi hpe anhte jahten kau lu sagaw ai! Dai gaw anhte myit ra ai lam nan rai sai,” nga nna shanhte hpe shada da hkum tsun hkat lu shangun et.

SHAKAWN KUNGDAWN 38:16

Nye a gumlau hpyen ni, nye a myit ru myit tsang ai lam hta hkum yu kabu shangun nga et; nye a hkrat sum mat ai lam hta mung, shanhte hpe hkum gumrawng shangun nga et!

SHAKAWN KUNGDAWN 41:11

Shanhte ngai hpe dang kau lu na mara ai n rai, nang ngai hpe ra sharawng nga ndai gaw ngai chye lu na ring ngai.

SHAKAWN KUNGDAWN 41:2

Dai Madu gaw shanhte hpe makawp maga ai hte shanhte a asak hpe kyem mazing da ya na ra ai; shi gaw dai lamu ga hta shanhte hpe kabu gara shangun nna, shanhte a gumlau hpyen ni a lata hta shanhte hpe shi kau da na wu ai n rai.

PRU MAT 20:16

“Kadai hpe mung n teng n man ai hku mara hkum shagun et.

KASA 26:11

Tara jawng ni hta shanhte hpe law law lang ari jahkrum nhtawm, shanhte a makam masham nyet kau mu ga galaw shakut se ai. Shanhte hpe ngai nachying pawt bu ai hte maigan mare kahtawng du hkra pyi, hkan zingri mase ai.

KASA 9:1

Dai aten ladaw hte yang Shawlu gaw Madu a hpang hkan nang ai ni hpe jahkrit shama ai hte sat kau na nga masin pawt bu nga ai. Shi gaw hkinjawng agyi kaw sa nhtawm,

TARA JAHPRANG 19:16

Masha kaga wa hpe machyi shangun na nga, shi a ru hka amu hpe n teng n man ai hku mara shagun ai rai yang,

1 SAMUELA 26:19

Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.