SHAKAWN KUNGDAWN 27:1 - Jinghpaw Common Language Bible 2009

¹ Madu gaw nye a nhtoi hte hkye hkrang la ai wa rai nga ai; kadai hpe mung ngai n hkrit na nngai. Dai Madu gaw hkrithpa shara yawng kaw na ngai hpe makawp maga la nga ai rai nna; ngai galoi mung hkrit na nngai n rai.

Jinghpaw Hanson Version Bible

¹ Yehowa gaw nye a nhtoi hte hkye hkrang la ai lam rai nga ai, Kadai wa hpe ngai hkrit nga n ta? Yehowa gaw nye a asak shingbyi shara rai nga ai, Ngai kadai wa hpe hkrit kajawng na rai nga a ta?

SHAKAWN KUNGDAWN 27:1 ပူးပေါင်းရင်းမြစ်များ

YOBA 29:3

Karai Kasang gaw ngai hte rau tut nawng nga nga ai rai nna nsin de ngai hkawm lai mat wa yang shi ngai hpe nhtoi jaw ya nga ai.

SHAKAWN KUNGDAWN 11:1

Madu hta shim nga lu na matu ngai kam hpa nngai. “Ntsa malen u langai mi zawn bum ni hkan pyen hkawm u,

SHAKAWN KUNGDAWN 118:21

Madu e, nang ngai hpe htan ya nna, ngai hpe awng padang jaw ya nit dai majaw, ngai nang hpe shakawn na nngai.

SHAKAWN KUNGDAWN 118:6

Dai Madu ngai hte rau rai nga ai rai nna, ngai hpa hpe mung n hkrit nga nngai; Kadai wa ngai hpe hpa di lu na rai nga a ta?

SHAKAWN KUNGDAWN 18:28

Madu e, nang ngai hpe nhtoi jaw ya ndai; nye a nsin hpe mung, nang jahkoi kau ya nga ndai.

SHAKAWN KUNGDAWN 18:29

Nang nye a gumlau hpyen ni hpe gasat na matu, ngai hpe n-gun atsam jaw ya nga ai; shanhte a dap ni hpe dang kau na, daru magam n-gun mung jaw ya nga ndai.

SHAKAWN KUNGDAWN 18:46

Dai Madu gaw ahkrung nga ai law! Ngai hpe makawp maga ai wa gaw a lu u ga law! Ngai hpe hkye hkrang la ai Karai Kasang gaw galu kaba nga ai hpe htawn tsun mu.

SHAKAWN KUNGDAWN 19:14

Nye a shingbyi shara hte nye a hkye hkrang la ai Madu e, nye a n-gup ga ni hte nye a sumru ai lam ni gaw na a man e sharawng awng nga u ga law.

SHAKAWN KUNGDAWN 3:8

Awng padang gaw Madu kaw nna rai nga ai- Shi gaw shi a amyu masha ni a ntsa e, shaman ya nga u ga law.

SHAKAWN KUNGDAWN 43:2

Nang gaw ngai hpe makawp maga ai wa rai nga ndai; ngai hpe hpa majaw nang kau da nga n ta? Nye a gumlau hpyen ni a gumshem ai hta ngai hpa majaw nni nkri hpe matut hkam sha ra nga a ta?

SHAKAWN KUNGDAWN 62:2

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai gaw galoi mung sum hkrum na nngai n rai.

SHAKAWN KUNGDAWN 62:6

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai galoi mung sum hkrum na n rai.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

PRU MAT 15:2

Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 2:5

Ya chyawm gaw, Yaku a matu mara ni e, dai Madu anhte hpe jaw ai nhtoi hta anhte hkawm nga saga!

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

YEREMIA 20:11

Rai ti mung, Madu e, nang gaw n-gun ja ai hte n-gun chyalai rawng nga ndai rai nna ngai hpang maga de nga nga ndai, ngai hpe zingri zingrat ai ni sum mat na mara ai. Shanhte n dang lu nga ma ai majaw, htani htana kaya hkrum na mara ai. Shanhte a kaya hkrum ai lam gaw galoi mung malap kau lu na ra ai n rai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

LUKA 2:30

Na a hkye hkrang la ai lam hpe nye a myi hte chyaw mu lu se ai,

LUKA 3:6

Shaloi, masha amyu ni yawng gaw, Karai Kasang a hkye hkrang la ai lam mu lu na mara ai!’”

YAWHAN 1:9

Dai nhtoi gaw mungkan ga de du sa nna, masha nlang hte a ntsa e jahtoi ya ai nhtoi majing rai nga ai.

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

2 KORINHTU 12:9

Rai ti mung Karai Kasang gaw, “Nye a chyeju gaw na a matu ram ging nga ai, hpa majaw nga yang, nang gawng kya ai shaloi nye a n-gun atsam gaw ja dik rai nga ai,” nga nna ngai hpe mahtai jaw ni ai. Dai re ai majaw Hkristu a n-gun atsam gaw ngai hpe makawp maga nna shingbyi shangun nga ai lam myit hta hkam sha lu n ga, nye a gawng kya ai lam a majaw ngai kabu gumrawng n ma rai nga nngai.

TARA JAHPRANG 7:18

Shanhte hpe hkum hkrit myit; dai Madu nanhte a Karai Kasang gaw Egutu hkawhkam wa hte shi a masha ni yawng hpe kaning di kau nu ai hpe adum nga mu.

TARA JAHPRANG 7:21

Dai rai nna ndai masha ni hpe hkum hkrit myit. Dai Madu nanhte a Karai Kasang gaw nanhte hte rau rai nga ai; shi gaw galu kaba ai Karai Kasang rai nga ai hte hkrit kamyin ging ai wa rai nga ai.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

HEBRE 13:6

Dai re ai majaw, “Dai Madu gaw ngai hpe karum ai wa rai nga ai, ngai hpa hpe mung hkrit kang na n rai. Kadai wa ngai hpe hpa di lu na rai ta?,” nga nna nden ja ai myit hte anhte tsun nga ga.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 22:5

Dai mare hta shana mung n nga na ra ai; pyengdin a nhtoi mung, jan a nhtoi mung, shanhte n ra ma ai: hpa majaw nga yang, dai Madu Karai Kasang gaw shanhte hpe nhtoi jaw na mu ai; dai hta n ga, shanhte gaw, hkawhkam tai nna htani htana prat dingsa up nga lu na mara ai.

SHINGRAN 7:10

Shanhte gaw nsen kaba hte, “Hkye hkrang la ai lam gaw, tingnyang hta dung nga ai anhte a Karai Kasang hte Sagu Kasha kaw na rai nga ai law!,” nga nna jahtau ma ai.