SHAKAWN KUNGDAWN 26:3 - Jinghpaw Common Language Bible 2009

³ Na a dinggrin tsaw ra myit gaw nye a lam woi ningshawng rai nga ai; na a sadi sahka ai myit mung ngai hpe tut nawng e, lam woi ya nga ai.

Jinghpaw Hanson Version Bible

³ Na a chyeju nye a myi man e anga nga nna, Na a sadi sahka hta ngai a hkawm nga nngai.

SHAKAWN KUNGDAWN 26:3 ပူးပေါင်းရင်းမြစ်များ

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

SHAKAWN KUNGDAWN 101:2

Nye a sat lawat ni mara n kap na ra ai. Nang ngai kaw galoi aten e, du sa wa na n ni? Ngai gaw nye a nta hta san seng ai asak hkrun lam hte shanu nga na nngai;

SHAKAWN KUNGDAWN 119:142

Na a ding man ai lam htani htana prat dingsa agrin nga na ra ai. na tara mung tut nawng e teng man nga ai.

SHAKAWN KUNGDAWN 25:5

Na a teng man ai lam hte maren, asak hkrung nga lu na matu ngai hpe sharin ya e, nang gaw nye a Karai Kasang rai nga nna ngai hpe hkye hkrang la ai wa rai nga ndai majaw, ngai nang hta tut nawng kam hpa nga nngai.

SHAKAWN KUNGDAWN 52:1

Galu kaba ai masha wa e, nang gaw hpa majaw na a n hkru ai lam hta gumrawng nga n ta? Karai Kasang a tsaw ra myit gaw htani htana agrin nga ai.

SHAKAWN KUNGDAWN 86:11

Madu e, nang ngai hpe galaw shangun mayu ai lam ngai hpe sharin ya e, ngai gaw na a ga hpe kangka ai hte madat mara nga na nngai; nang hpe tsep kawp ap nawng ai myit masin hte daw jau lu na lam, ngai hpe sharin ya e.

ESAIA 2:5

Ya chyawm gaw, Yaku a matu mara ni e, dai Madu anhte hpe jaw ai nhtoi hta anhte hkawm nga saga!

ESAIA 8:20

Nanhte gaw shanhte hpe, “Dai Madu nanhte hpe kaning nga sharin nga ai hpe madat mu! Nat myihtoi ni tsun ai ga hpe hkum madat myit, shanhte nanhte hpe tsun ai ga gaw ru yak tsin-yam hpe yeng seng kau ya lu ai n rai,” ngu nna htan na myit dai.

LUKA 6:36

Nanhte a Kawa Karai Kasang matsan dum chye ai hte maren, nanhte mung matsan chye dum mu.

YAWHAN 14:6

Yesu gaw, “Lam gaw ngai rai nga nngai, teng man ai hte asak mung, ngai rai nga nngai; ngai hta nna n rai yang kadai mung, nye Wa kaw n du wa lu ai.

2 KORINHTU 3:18

Dai rai nna anhte yawng gaw man magap hpaw kau sai myi man ni hte dai Madu a hpung shingkang a shingna hpe bai nhtang htawng madun nga ga ai. Dai hpung shingkang nan wenyi ngu ai Madu kaw na du sa nna Madu hte grau grau bung jat wa ai hpung shingkang maga de anhte hpe galai shai wa shangun mi ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.

2 YAWHAN 1:4

Na a kashu kasha ni nkau mi gaw, Kawa Karai Kasang anhte hpe hkang da mi ai hte maren, dai teng man ai lam hta e asak hkrung hkan sa nga ma ai hpe mu hkrup nngai majaw ngai ja ja kabu gara nga nngai.

3 YAWHAN 1:11

Nye a tsaw ra ai jinghku wa e, n kaja ai lam hpe n re ai sha kaja ai lam hpe len la nga u. Kaja ai amu galaw ai wa gaw Karai Kasang hte seng nga ai; n kaja ai amu galaw ai wa chyawm gaw Karai Kasang hpe garai n mu n chye wu ai.