SHAKAWN KUNGDAWN 26:11 - Jinghpaw Common Language Bible 2009

¹¹ Nye a matu chyawm gaw, tara ai lam hpe ngai galaw nga nngai; ngai hpe matsan dum ai hte hkye hkrang la e law!

Jinghpaw Hanson Version Bible

¹¹ Ngai chyawm gaw, nye a myit san pra ai hte hkawm nga nngai: Ngai hpe hkye hkrang la e, ngai hpe matsan dum la e law.

SHAKAWN KUNGDAWN 26:11 ပူးပေါင်းရင်းမြစ်များ

NEHEMIA 13:14

Nye a Karai Kasang e, na a Nawku Htingnu a matu mung, dai hte seng ai nawku daw jau ai amu ngu ai ngai galaw ni ai ndai amu yawng hte hpe adum nga u law.

NEHEMIA 13:22

Ngai gaw Lewi masha ni shanhte hkum jasan jaseng na matu mung, Bansa Nhtoi hpe teng teng chyoi pra nga na matu mung chyinghka ni hpe sin na matu mung, hkang da se ai. O Karai Kasang, ndai lam a majaw ngai hpe dum nga e law, na a galu kaba ai tsaw ra myit a majaw ngai hpe matsan dum la e law.

NEHEMIA 13:31

Ngai gaw htuk manu ai aten ni hta, shagu hkungga nat na hpun hte shawng si ai nsi naisi hte shawng myin ai namsi namsaw ni la sa na matu lajang da nngai. O Karai Kasang e, ndai amu yawng mayawng hpe adum ya nga rit; dai amu a majaw ngai hpe chyeju jaw ya e law.

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

SHAKAWN KUNGDAWN 101:2

Nye a sat lawat ni mara n kap na ra ai. Nang ngai kaw galoi aten e, du sa wa na n ni? Ngai gaw nye a nta hta san seng ai asak hkrun lam hte shanu nga na nngai;

SHAKAWN KUNGDAWN 26:1

O Madu e, teng man ai lam hpe ngai galaw nna nang hta tsep kawp kam hpa nga nngai majaw ngai hpe mara n kap ai wa ngu nna htawn shana ya e.

SHAKAWN KUNGDAWN 49:15

Rai ti mung, Karai Kasang gaw ngai hpe mawai la nna; shi ngai hpe si du a lata kaw nna hkye hkrang la na ra ai.

SHAKAWN KUNGDAWN 49:7

Masha gaw shi a hkum hpe shi nan galoi mung hkrang la lu ai n rai; shi gaw Karai Kasang hpe shi a bunglat n jaw lu nga ai.

SHAKAWN KUNGDAWN 69:18

Ngai hpe hkye hkrang la na matu, sit sa wa rit; nye a gumlau hpyen ni a lata kaw na, ngai hpe mawai la e.

ESAIA 38:3

“Madu e, ngai gaw nang hpe kangka ai hte sadi dung let daw jau ni ai, nang ngai hpe galaw shangun mayu ai amu hpe tut nawng shakut galaw ni ai amu ni hpe dum ya e law. Shi gaw ahkup ahka nga hkra jahtau hkrap hpang wa wu ai.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

1 HTESALONI 2:10

Kam sham nga ai ni nanhte a man e anhte a arawn asam san seng nna teng man ai hte mara n rawng nga ai gaw anhte a matu nanhte nan sakse ni rai nga myit dai, dai hte maren Karai Kasang mung sakse rai nga ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.