SHAKAWN KUNGDAWN 26:1 - Jinghpaw Common Language Bible 2009

¹ O Madu e, teng man ai lam hpe ngai galaw nna nang hta tsep kawp kam hpa nga nngai majaw ngai hpe mara n kap ai wa ngu nna htawn shana ya e.

Jinghpaw Hanson Version Bible

¹ Yehowa e, nye a myit san pra ai hte ngai hkawm nga nna, Myit n kashai let, Yehowa hpe shamyet shanat nga nngai majaw, Ngai hpe tara dara ya e.

SHAKAWN KUNGDAWN 26:1 ပူးပေါင်းရင်းမြစ်များ

2 HKAWHKAM 20:3

“Madu e, ngai gaw nang hpe kangka ai hte sadi dung let daw jau ni ai; nang ra sharawng ai hpa lam hta rai ti mung ngai tut nawng shakut shaja galaw ai amu ni hpe dum ya e law.” Shi gaw ahkup ahka nga mat hkra hkrap let hpyi nem wu ai.

YOBA 2:3

Dai Madu gaw, “Nang gaw nye a shangun ma Yoba hpe matsing da wu ni? Shi gaw kam sham nna mai kaja ai wa rai nhtawm shi zawn re ai mi, ginding aga ntsa e kadai n nga nga ai. Shi gaw ngai hpe nawku nna sadi sahka hte n hkru n hkra ai amu hpa hpe mung n galaw nga ai. Nang gaw mara hpa mung n nga ai shi hpe jahten kau shangun na matu ngai hpe hkalem nga ndai, rai ti mung Yoba chyawm gaw dinggrin naw kam sham nga ai wa rai nga ai,” ngu nna tsun wu ai.

YOBA 4:6

Nang gaw Karai Kasang hpe nawku ndai, na a asak hkrun lam gaw mara shagun shara n nga nga ai; dai rai nna nang gaw kam hpa ai hte myit mada shara lu la ang nga ndai.

SHAKAWN KUNGDAWN 121:3

Shi gaw nang hpe kataw shangun na ra ai n rai; nang hpe makawp maga ai wa gaw tut nawng e dum hprang nga ai.

SHAKAWN KUNGDAWN 15:2

Lam shagu hta Karai Kasang a ga hpe madat mara ai wa gaw teng man ai amu hpe tut nawng e galaw nga nna; shi tsun ai ga mung teng man ai hte myit malang nga ai majaw,

SHAKAWN KUNGDAWN 21:7

Dai hkawhkam wa gaw Chyahtum Chyalai n-gun rawng ai Madu hpe kam hpa nga ai; Madu a dinggrin tsaw ra myit a majaw shi tut nawng e shim lum nga na ra ai.

SHAKAWN KUNGDAWN 25:2

nye a Karai Kasang e, nang hpe ngai kam hpa nga nngai. Kaya kahpa sum mat ai kaw na ngai hpe hkye hkrang la e; nye a gumlau hpyen ni hpe awng padang hte hkum kabu shangun nga et!

SHAKAWN KUNGDAWN 25:21

Nang hpe ngai kam hpa nga nngai majaw, nye a mai kaja ai hte myit malang ai gaw ngai hpe bau sin nga u ga.

SHAKAWN KUNGDAWN 26:11

Nye a matu chyawm gaw, tara ai lam hpe ngai galaw nga nngai; ngai hpe matsan dum ai hte hkye hkrang la e law!

SHAKAWN KUNGDAWN 28:7

Dai Madu gaw ngai hpe makawp maga ai hte ninggang tai ya nga ai; ngai shi hpe kam hpa nga nngai. Shi gaw ngai hpe karum la ai lam jaw ya ai hte ngai hpe kabu gara shangun nga ai; Ngai shi hpe kabu gara ai mahkawn ga ni hte shakawn nga nngai.

SHAKAWN KUNGDAWN 31:14

Rai ti mung, O Madu e, nye a kam hpa ai gaw nang hta nga nga li ai; Nang gaw nye a Karai Kasang rai nga ndai.

SHAKAWN KUNGDAWN 35:24

Madu e, nang gaw ding hpring ai wa rai nga ndai majaw ngai hpe mara n kap ai wa re ngu nna tsun ndau ya e; nye a gumlau hpyen ni hpe nye a jaw e, awng padang hte hkum kabu shangun et.

SHAKAWN KUNGDAWN 37:31

Shi gaw Karai Kasang a tara hpe shi a kraw lawang hta kyem da nga ai; dai tara hpe galoi mung ahkan sa nga na ra ai.

SHAKAWN KUNGDAWN 4:5

Madu hpe ra n rawng ai shagu hkungga ni hpe nawng jau nna; shi hta kam hpa nga mu.

SHAKAWN KUNGDAWN 43:1

O Karai Kasang e, ngai hpe mara n kap ai wa ngu nna tsun shana ya e; n kam n sham ai masha ni kaw na nye a maw mawn ai lam hpe makawp maga ya e. Masu magaw ai ni hte n hkru n shawp ai masha ni a lata kaw nna ngai hpe hkrang shaw la e!

SHAKAWN KUNGDAWN 54:1

O Karai Kasang e, na a daru magam n-gun hte ngai hpe hkye hkrang la e; na a grau htum ai n-gun hte ngai hpe shalawt dat e!

SHAKAWN KUNGDAWN 62:2

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai gaw galoi mung sum hkrum na nngai n rai.

SHAKAWN KUNGDAWN 62:6

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai galoi mung sum hkrum na n rai.

SHAKAWN KUNGDAWN 7:8

Nang gaw masha amyu baw yawng hte a tara agyi wa rai nga ndai; Madu e, ngai hpa mara n kap nga nngai hpe nang chye nga ai rai nna, nye a maga de tsap nna tara dara ya e.

SHAKAWN KUNGDAWN 94:18

“Ngai kashawt taw nga nngai,” nga nna ngai tsun nngai; rai ti mung, Madu e, na a dinggrin tsaw ra myit hte ngai hpe pawn sharawt la nga ndai.

GA SHAGAWP 20:7

Myit malang nna jaw ai amu hpe galaw ai kawa hpe lu la ai kasha ni gaw a nga ai.

GA SHAGAWP 29:25

Kaga masha ni na a lam hpe myit yu ai lam hta sa ginchya nang ai gaw hkrit tsang shara rai nga ti mung, nang gaw dai Madu hta kamhpa lashum nga ai rai yang, nang shim nga lu nga ndai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

HEBRE 10:23

Anhte yin la kam sham ai makam masham a myit mada ai lam hta n shamu n shamawt hkra anhte maju jung nga ga; hpa majaw nga yang, Karai Kasang gaw shi tawn da ai ga sadi hta kangka re ai wa rai nga ai hpe anhte kam hpa lu ga ai.

1 PETRU 1:5

Dai gaw kam sham ai marang e hpang jahtum ai aten hta dan pru u ga nga nna lajang shajin da sai hkye hkrang la ai chyeju hpe hkam la lu mu ga; Karai Kasang a n-gun atsam hte makawp maga da hkrum nga ai nanhte a matu rai nga ai.

2 PETRU 1:10

Dai re ai majaw, nye a hpu nau ni e, nanhte hpe Karai Kasang e shaga la ai hte lata la sai ngu ai lam hpe tut tut hkam sha nga na matu grau nna shakut shaja nga mu. Shing rai galaw myit yang gaw, nanhte a makam masham hpe galoi mung kabai kau na myit dai n rai.

1 SAMUELA 2:9

“Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.

1 SAMUELA 24:15

Dai Madu gaw an hta na kadai wa shut ai hpe jeyang nna daw dan hparan ya nu ga. Ndai lam hpe shi mada yu nna, ngai hpe makawp maga la ai hte na a lata kaw na mung hkye la u ga law,” ngu nna tsun wu ai.