SHAKAWN KUNGDAWN 24:8 - Jinghpaw Common Language Bible 2009

⁸ Dai magrau grang ai hkaw hkam wa gaw kadai rai nga a ta? Shi gaw n-gun atsam hte n-gun chyalai rawng ai wa hte majan hta awng padang ninglaw lu ai Madu rai nga ai.

Jinghpaw Hanson Version Bible

⁸ Hpung shingkang rawng ai, ndai Hkawhkam wa gaw, kadai wa rai nga a ta? N-gun chyalai rawng ai, share kaba ngu ai Yehowa, Majan hta share kaba tai ai Yehowa rai nga ai.

SHAKAWN KUNGDAWN 24:8 ပူးပေါင်းရင်းမြစ်များ

SHAKAWN KUNGDAWN 50:1

Dai Chyahtum Chyalai n-gun rawng ai Madu Karai Kasang mungga tsun ai; sinpraw kaw nna sinna maga du hkra na mungkan ting hpe shi shaga nga ai.

SHAKAWN KUNGDAWN 93:1

Madu gaw hkawhkam rai nga ai. Shi gaw daru magam hpung shingkang hte n-gun hpe bu hpun da nga ai. Mungkan ga hpe ngang ngang kang kang shi gaw da nna dai gaw shamu shamawt n lu nga ai.

PRU MAT 15:3

Dai Madu gaw majan gasat ai share shagan wa rai nga ai; Dai Madu gaw shi a mying rai nga ai.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

KOLOSE 2:15

Dai wudang ntsa e Hkristu gaw lamu hte aga ntsa na n-gun atsam rawng ai ni hte ahkang aya lu ai yawng hte hpe htawk jahkrat yeng seng kau nhtawm, shanhte hpe bawng masha shatai kau nna padang dip yan hkawm ai a hpang e hkan nang shangun ai hte shawa masha ni e jawm yu ai masha ni shatai kau nu ai.

SHINGRAN 6:2

Ngai yu dat yang, gumra ahpraw langai mi hpe ngai mu nngai. Dai hta jawn ai wa gaw ndan langai mi lang nga ai; shi hpe janmau langai mi shagup ya wu ai rai nna, shi gaw awng padang lu ai wa rai nga ai hte maren, padang dip la na matu ninglaw pru sa wa ai.