SHAKAWN KUNGDAWN 24:7 - Jinghpaw Common Language Bible 2009

⁷ Mare chyinghka ni hpe hpaw malang da mu, prat dingsa na chyinghka ni hpe hpaw mu; magrau grang ai hkawhkam wa shang wa na ra ai.

Jinghpaw Hanson Version Bible

⁷ Hpung shingkang rawng ai Hkawhkam wa shang lu u ga, Mare chyinghka ni e, tinang a baw hpe sharawt mu; Prat dingsa na chyinghka ni e, tinang a hkum sharawt mu.

SHAKAWN KUNGDAWN 24:7 ပူးပေါင်းရင်းမြစ်များ

2 SAMUELA 6:17

De a matu ngu nna Dawi gap tawn ai Sum kata shi a shara ngu na kaw dai Sumpu hpe shanhte la shang wa nna tawn da ma ai. Dai hpang dai Madu a matu shagu hkungga hte mahku hkungga ni nawng jau ya ma ai.

1 HKAWHKAM 8:11

dai Madu a hpung shingkang htoi kabrim nga ai rai nna shanhte gaw bai nhtang sa nna shanhte a daw jau magam bungli ni hpe n galaw lu nga ma ai.

1 HKAWHKAM 8:6

Dai hpang hkinjawng ni mung Ga Shaka Sumpu hpe Nawku Htingnu kata de hpai jashawn nhtawm Chyoi Pra Htum Ai Shara na singkaw tu ai hkrung kanu yan a npu e dai hpe tawn da ma ai.

SHAKAWN KUNGDAWN 132:8

Madu e, na a daru magam n-gun a kumla rai nga ai Sakse Sumpu nga ai Nawku Htingnu de sa wa nna; dai shara hta htani htana shanu nga u.

SHAKAWN KUNGDAWN 21:1

Madu e, nang gaw hkawhkam wa hpe n-gun atsam jaw ya nit dai majaw, shi kabu gara nga ai; nang gaw shi hpe padang ninglaw lu shangun ndai majaw shi kabu gara nga ai.

SHAKAWN KUNGDAWN 21:5

Nang karum la ai a majaw, shi a hpung shingkang galu kaba nga ai; nang shi hpe gumhkawng ai hte arawng sadang jaw ya nit dai.

SHAKAWN KUNGDAWN 97:6

Sumsing lamu ni gaw shi a ding man ai lam hpe htawn tsun nga nna; amyu baw ni yawng hte mung shi a hpung shingkang hpe mu nga ma ai.

ESAIA 26:2

Mare chyinghka ni hpe hpaw malang da mu, kangka ai masha amyu baw hte jaw ai amu galaw ai masha amyu baw ni shang lu mu ga.

ESAIA 62:10

Yerusalem amyu masha ni e, Mare kata na pru mu, Nhtang wa nga ai na a amyu masha ni a matu nmaw lam galaw mu! Nmaw lam kaba lajang mu; nlung ni hpe jasan kau mu! Masha amyu baw ni chye lu mu ga, masat kumla sharawt tawn mu!

MIHKA 4:8

Yerusalem na nang Karai Kasang gaw sagu rem wa gaw langchyi ntsa kaw nna yu nga ai zawn shi a amyu masha ni hpe yu mada nga ai; dai mare gaw shawoi na zawn mungdan a mare daju kalang mi bai tai wa lu na ra ai.

HAGI 2:7

Ngai gaw maigan amyu mahkra hpe jahten kau nna shanhte a arung arai ni ndai shara de la shawn ai hkrum na mara ai. Nawku Htingnu gaw sut rai ni hte hpring na ra ai.

HAGI 2:9

Nawku Htingnu nnan gaw dingsa hta grau hkik hkam na ra ai. Ngai gaw nye a amyu masha ni hpe ngamu ngamai ai hte ngwi pyaw sim sa lam jaw na we ai.” Chyahtum Chyalai N-gun rawng ai dai Madu tsun nu ai.

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

MARKU 16:19

Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.

1 KORINHTU 2:8

Mungkan a du hkawhkam ni hta na kadai wa mung ndai hpaji byeng-ya hpe chye ma ai n rai; chye taw gaw, hpung shingkang rawng ai Madu hpe shanhte wudang hta jen da na ma ai n rai.

YAKU 2:1

Nye a hpu nau ni e, nanhte gaw hpung shingkang rawng ai Madu anhte a Madu Yesu Hkristu hpe kam sham ai ni re ai hte maren, masha ni hpe shinggan lam hku mu mada da ai hta hkan nna langai hte langai hpe shai ai hku galoi mung hkum kanawn mazum nga myit.

1 PETRU 3:22

Yesu Hkristu gaw sumsing lamu de lung mat wa nhtawm, Karai Kasang a hkra maga de anga nga ai rai nna lamu kasa ni yawng hte sumsing lamu na ahkang aya lu ai ni hte, hpung dagu rawng ai ni yawng hpe up hkang nga ai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.