SHAKAWN KUNGDAWN 24:6 - Jinghpaw Common Language Bible 2009

⁶ Dai zawn re ai masha ni gaw Karai Kasang hpang de sa ai ni rai nna, Yaku a Karai Kasang man e, du ai ni rai nga ma ai.

Jinghpaw Hanson Version Bible

⁶ Ndai amyu shi hpe tam ai amyu rai nga ai: Na a myi man hpe hkan tam ai ni Yaku rai nga ai. [Selah.]

SHAKAWN KUNGDAWN 24:6 ပူးပေါင်းရင်းမြစ်များ

SHAKAWN KUNGDAWN 105:4

Karum hpyi na matu, dai Madu hpang de sit shang wa mu, shi hpe n sim n sa nawku daw jau nga mu.

SHAKAWN KUNGDAWN 22:30

Du wa na ban prat masha ni gaw shi hpe daw jau na mara ai; du wa na ban prat du hkra, dai Madu a lam hpe masha ni tsun kajai wa na mara ai.

SHAKAWN KUNGDAWN 27:8

“Ngai hpe nawku daw jau na sa rit,” nga nna nang tsun ndai shaloi, “Madu e, ngai sa wa na nngai,” ngu nna ngai htan ni ai.

SHAKAWN KUNGDAWN 73:15

Lama, dai zawn re ai lam ni hpe ngai tsun kau ai rai tim; na a amyu masha ni hta na marai langai mi zawn ngai asak hkrung nga sana n rai.

ESAIA 53:10

Dai Madu gaw, “Shi hkrum sha ang ai nni nkri gaw nye a myit ra lam rai nga ai; shi a si hkam ai amu gaw mara raw dat ya na shagu hkungga rai nga ai. Dai rai nna, shi gaw shi a aru arat ni hpe mu na ra ai; shi gaw asak galu ai hte hkrung nga na ra ai, shi hku nna sha, nye a yaw shada ai lam awng dang wa na ra ai.

YAWHAN 1:47

Yesu hpang de Nahtanela sa wa nga ai hpe mu wu ai shaloi, shi hpe sha-ang nna, “Sawt ai myit n rawng ai, Israela masha majing hpe yu yu mu,” ngu wu ai.

ROMA 4:16

Dai ga sadi gaw jep ai Tara hpe hkan shatup ai ni a matu sha n rai Abraham zawn Karai Kasang hpe kam sham ai ni yawng a matu mung rai nga ai, hpa majaw nga yang Abraham gaw anhte yawng mayawng a wenyi lam hta Kawa rai nga ai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.