SHAKAWN KUNGDAWN 24:4 - Jinghpaw Common Language Bible 2009

⁴ Sat lawat hte myit sawn ai lam hta san seng ai ni, hpara sumla ni hpe n nawku ai ni n teng n man ai ga sadi ni hpe n jaw ai ni rai ma ai.

Jinghpaw Hanson Version Bible

⁴ San seng ai lata hte chyoi pra ai myit rawng nna, Tinang myit masin kaman lila hpe n nawn n sawn ai hte, Hkalem ai hku n dagam ai wa, rai lu ai.

SHAKAWN KUNGDAWN 24:4 ပူးပေါင်းရင်းမြစ်များ

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

YOBA 17:9

Hkungga lara wa na matu tsun hkrum ai ni gaw shanhte ding man nga ma ai hpe grau grau nna chye na wa ma ai.

YOBA 9:30

Kaning re ai sabya hte mung nye a shut hpyit mara ni hpe kashin kau lu ai n rai.

SHAKAWN KUNGDAWN 143:8

Nang hpe ngai kam hpa nga nngai majaw, jahpawt manap shagu hta, na a dinggrin tsaw ra myit ngai hpe a shadum ya nga rit. Nye a akyu hpyi ai ga gaw nang kaw hkrang lung wa nna, ngai hkawm sa wa ang ai lam, ngai hpe madun ya e.

SHAKAWN KUNGDAWN 15:4

Shi gaw Karai Kasang hpe nyet kau ai ni hpe matsat nga ai; Madu a ga madat mara ai ni hpe shagrau sha-a nga ai. Ga sadi shatup na matu kade wa yak hkra rai ti mung, shi jaw da ai ga sadi ni hpe tut nawng e galaw shatup nga ai.

SHAKAWN KUNGDAWN 18:20

Ding man ai amu hpe ngai galaw ai majaw, Madu gaw ngai hpe shagrau nga ai; ngai gaw mara n kap ai wa rai nga nngai majaw, shi ngai hpe shaman ya nga ai.

SHAKAWN KUNGDAWN 25:1

O Madu e, nye a akyu hpyi ai ga hte nang hpe nawng jau nga nngai;

SHAKAWN KUNGDAWN 26:6

Madu e, ngai mara n kap nga nngai hpe madun lu na matu, nye a lata hpe ngai kashin nngai; nawku daw jau na matu na a tawn hkungri hpe shinggrup hkawm nngai.

SHAKAWN KUNGDAWN 51:10

O Karai Kasang e, san seng ai myit ngai hta hpan shapraw ya e; sadi dung ai wenyi hte myit masin nnan ngai hpe jaw ya rit.

SHAKAWN KUNGDAWN 51:12

Na a hkye hkrang la ai kaw na lu la ai kabu gara ai lam, ngai hpe bai jaw ya e; nang hpe madat mara mayu ai myit ngai hta bang ya e.

SHAKAWN KUNGDAWN 73:1

Karai Kasang gaw myit masin san seng ai Israela amyu masha ni hpe kaja wa, chyeju jaw ya nga ai.

GA SHAGAWP 20:9

Marai langai ngai, shi gaw shi a yubak mara hta na lawt lu sai nga nna myit masin hta asan sha hte, kadai wa teng teng tsun lu nga a ni?

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

YEREMIA 5:2

Nang gaw dai Madu hpe nawku na matu tsun tim pyi, nang tsun ai ga hpe nang lachyum n shapraw nga ndai.

EZEKELA 18:15

Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan ni hpe n sha nga ai: kaga masha wa a madu jan hpe mung n shaw nga ai.

EZEKELA 18:6

Shi gaw Israela a hpara sumla ni hpe n nawku, hkum da ai hkungri ni hta nawng jau ai shagu hkungga shan n sha rai nga ai. Shi gaw kaga masha jan hpe n shut ai hte hking sa ai aten hta dai numsha hte n kanawn nga ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MAHTE 5:8

“Myit masin san seng ai ni gaw a lu ma ai; hpa majaw nga yang, shanhte gaw Karai Kasang hpe mu lu na maru ai!

KASA 14:15

Hkau hte e, “Hpa rai dai galaw wa myit ta? An mung nanhte hte maren shinggyim masha yan sha arai ga ai! Ndai kaman lila amu ni hpe kau da nna, sumsing lamu hte ginding aga nammukdara hte dai hta rawng ai nga manga hpe hpan tawn da ai ahkrung nga ai Karai Kasang hpang de kayin wa myit ga, ngu nna she nanhte hpe dai Kabu Gara Shiga hkaw dan ai rai ga ai.

KASA 15:9

Madu gaw shanhte hte anhte a lapran e hpa jashai ginhka ai lam n galaw ai sha, shanhte kam sham ai a marang e, shanhte a yubak mara ni hpe raw dat kau ya mu ai,

2 KORINHTU 7:1

Tsaw ra ai jinghku ni e, ndai ga sadi ni yawng gaw anhte hpe jaw da ai rai nga ai. Dai re ai majaw anhte gaw hkum hkrang hte wenyi hpe awu asin di kau ai matsat shabat nga manga hta na tinang hkum hpe jasan jaseng kau nhtawm Karai Kasang hpe hkrit hkungga let chyoi pra htum ai hku asak hkrung nga ga.

TARA JAHPRANG 4:19

Nanhte mu lu ai lamu na ajan, shata hte shagan ni hpe nawku daw jau ai agung alau mung n hkrum nga myit ga; dai gaw kaga masha yawng a matu dai Madu nanhte a Karai Kasang san da ya ai ni rai nga ai.

1 TIMOHTI 1:10

akyang lailen n kaja ai ni, num shada la shada nga sha ai ni, masha rim makoi nna gumhpraw hte shaw la shangun ai ni, masu nna n teng n man ai sakse hkam ai ni, shing n rai hpa hku hpa lam hku nna mung, dai teng man ai makam masham a sharin shaga ai tara hte nhtan shai ai ni a matu galaw da ai tara rai nga ai.

1 TIMOHTI 2:8

Hpung a nawku daw jau ai hpawng shagu hta lasha ni hpe akyu hpyi shangun mayu nngai. Karai Kasang kaw ap nawng machyai da hkrum sai lasha ni gaw masin pawt ai lam, ndang kalang re ai lam n lawm ai sha chyoi pra ai lata sharawt nna akyu hpyi mu ga.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak lu ai ni e, nanhte a lata ni hpe jasan jaseng da mu. Sawt ai ni e, nanhte a myit masin kraw lawang ni hpe jasan jaseng da mu.

SHINGRAN 21:27

Rai ti mung, awu asin re ai hpa mung dai mare de shang lu na n rai. Matsat shabat awu asin amu galaw ai wa, masu magaw lam hkan ai wa mung dai mare hta galoi mung shang lu na n rai. Sagu Kasha a asak laika hta amying ka lawm ai ni chyu sha dai mare hta shang lu na mara ai.