SHAKAWN KUNGDAWN 24:1 - Jinghpaw Common Language Bible 2009

¹ Ndai mungkan hte dai hta nga ai arai yawng mayawng hte gaw Madu a rai nga ai; Aga hte de a ntsa e nga ai arai yawng mayawng mung shi a rai nga ai.

Jinghpaw Hanson Version Bible

¹ Lamu ga hte de a yawng mayawng hta, Mungkan ga hte dai hta shanu nga ai ni nlang hte hpe, Yehowa madu nga ai.

SHAKAWN KUNGDAWN 24:1 ပူးပေါင်းရင်းမြစ်များ

1 HKAWHKAM LABAU 29:11

Nang gaw galu kaba nna daru magam n-gun hte hpung shingkang mung, hkik hkam ai hte arawng aya kaba hkam la ai wa rai nga ndai. Sumsing lamu hte ginding aga ntsa na nga manga hte gaw na a rai nga ai; nang gaw hkawhkam wa rai nna yawng mayawng a ntsa na tsaw dik htum ai up hkang ai wa rai nga ndai.

1 HKAWHKAM LABAU 29:16

O Madu anhte a Karai Kasang e, na a chyoi pra ai mying ningsang hpe shagrau sha-a na matu Nawku Htingnu galaw na sut gan ndai ni yawng hpe anhte rau la sa wa ga ai; rai ti mung dai arai ni yawng nang kaw na hkrai rai nga ai hte dai ni yawng hpe nang madu da nga ndai.

2 HKAWHKAM LABAU 25:9

Amazia gaw myihtoi wa hpe, “Ataw, shanhte a matu gumhpraw jaw kau mase ai gaw kaning di na rai ta?,” ngu nna san wu ai. Myihtoi wa gaw, “Dai Madu gaw dai hta grau nna nang hpe nhtang jaw lu nga ai!,” ngu nna tsun htang wu ai.

YOBA 34:13

Karai Kasang gaw shi a daru magam n-gun, marai langai ngai kaw na hkam la nga a ni? Marai langai ngai shi hpe ndai mungkan ga a hpareng hku san tawn da a ni?

YOBA 41:11

Shi hpe kadai gasat lu nna naw shim nga lu na rai ta? Ndai mungkan ga masha ni kadai mung dai hpe galaw lu ma ai n rai.

YOBA 41:3

Shi hpe sa shangun na matu shi nang hpe hpyi lajin na rai wu ni? Shi gaw nang hpe matsan yu dum la na matu hpyi nem na rai wu ni?

SHAKAWN KUNGDAWN 50:10

Nam maling kata hkan nga ai dusat yam nga ni yawng hte kawng hkying mun ni hta nga nga ai yam nga ni yawng hte gaw nye a rai nga li ai.

SHAKAWN KUNGDAWN 50:12

“Ngai kawsi ai hkrum wa yang lusha a matu ngai nang kaw hpyi na n rai; hpa majaw nga yang, mungkan ting hte dai hta nga ai arai yawng mayawng hte gaw nye a rai nga li ai.

SHAKAWN KUNGDAWN 89:11

Sumsing lamu hte ginding aga gaw na a rai nga ai; mungkan ga hte dai hta nga ai arai yawng mayawng hte hpe mung nang galaw da nit dai.

SHAKAWN KUNGDAWN 89:12

Dingdung hte dingda hpe nang hpan da nit dai; Tabura bum hte Hermon bum ni mung nang hpe kabu gara mahkawn shakawn ma ai.

SHAKAWN KUNGDAWN 98:7

Panglai hte dai hta rawng ai hkrung mahkrung yawng hte e, marawn kashaw nga mu; mungkan ga hte dai hta shanu nga ai ni yawng hte e, shi hpe mahkawn mangoi nga mu!

PRU MAT 19:5

Ya chyawm gaw nanhte nye a ga madat nna, nye a ga shaka hpe mung shadik shatup myit dai rai yang, nye a amyu masha majing tai na myit dai. Lamu ga ting nye a rai nga li ai, nanhte mahtang ngai lata la ai amyu masha ni tai na rai myit dai,

PRU MAT 9:29

Mawshe gaw shi hpe, “Mare kaw nna ngai pru mat wa ai shaloi jang, nye a lata hpe sharawt nhtawm dai Madu hpe hpyi nem ya na nngai; shaloi jang mu ngoi ai gaw hkring mat nna sin marang ni mung dai hkan e htu sana n rai. Dai Madu gaw ginding aga hpe madu nga ai hpe nang chye lu na rai ndai.

Daniela 4:25

Nang gaw uhpung kaw na gawt shapraw kau ai hkrum nhtawm, matse labye dusat ni hte rau nga na rai ndai. Nang gaw dumsu zawn sanit ning tup tsingdu tsingman sha nna, na a ntsa e numri hkrat bun, gangbang shara hta yup nga na rai ndai. Dai shaloi nang gaw Tsaw Htum ai Karai Kasang gaw masha mungdan yawng hpe up hkang nna, shi lata la ai masha kadai hpe mung shi jaw ya lu nga ai hpe, nang yin la na rai ndai.

MIHKA 4:13

Dai Madu gaw, “Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,” ngu nna tsun ai.

NAHUM 1:5

Bum ni gaw dai Madu a man e ashun nga ai; kawng ni shi a man e byawng mat nga ai. Dai Madu dan pru ai shaloi ginding aga ashun nga ai; mungkan ga hte dai hta nga ai masha ni hkrit gari ma ai.

1 KORINHTU 10:26

Hpa majaw nga yang, “Lamu ga hte hpawn, dai hta na nga manga hte gaw, dai Madu a hkrai rai nga ai,” nga nna Chyum Laika hta tsun nga ai.

TARA JAHPRANG 10:14

Dai Madu gaw tsaw htum ai sumsing lamu ni hpe mung, ginding aga hte de a ntsa na nga manga hte hpe mung madu da nga ai.