SHAKAWN KUNGDAWN 23:3 - Jinghpaw Common Language Bible 2009

³ Shi gaw ngai hpe n-gun atsam ningnan jaw ya nga ai. Shi ga sadi jaw da sai hte maren, ding man ai lam ni hta shi ngai hpe lakawn wa nga ai.

Jinghpaw Hanson Version Bible

³ Nye a myit masin hpe shi shalan shabran ya nna, Shi amying nsang a matu mara, Dingman ai lam hta ngai hpe akawn wa nngai.

SHAKAWN KUNGDAWN 23:3 ပူးပေါင်းရင်းမြစ်များ

YOBA 33:30

masha asak hpe hkye hkrang la ai hte kabu gara ai asak hkrun lam jaw ya nga ai.

SHAKAWN KUNGDAWN 106:8

Rai ti mung, shi gaw shi a galu kaba ai daru magam n-gun hpe madun dan na matu, ga sadi tawn da sai hte maren, shanhte hpe hkye hkrang la nu ai.

SHAKAWN KUNGDAWN 109:21

Rai ti mung, nye a Tsaw Htum Ai Madu e, nang jaw da sai ga sadi hte maren, ngai hpe karum la e; na a mai kaja ai tsaw ra myit a majaw, ngai hpe mawai la e.

SHAKAWN KUNGDAWN 119:176

Ngai gaw mat mat ai sagu zawn dam hkawm nga nngai; na a tara hpe n hprai kau nga nngai majaw, na a shangun ma re ai ngai hpe sa lakawn la e law.

SHAKAWN KUNGDAWN 19:7

Madu a tara gaw hkum tsup nga ai; dai gaw n-gun atsam ningnan jaw ya nga ai. Madu a hkang da ai ga ni teng man kam ging nga ai majaw, dai tara n lu ai ni hpe hpaji byeng-ya jaw ya nga ai.

SHAKAWN KUNGDAWN 31:3

Nang gaw nye a shingbyi shara hte dahpran shara rai nga ndai; nang ga sadi tawn da nit dai hte maren, ngai hpe woi awn lam madun la e.

SHAKAWN KUNGDAWN 31:4

Nye a matu galaw da sai mahkam kaw na ngai hpe shalawt la e law; hkrithpa shara kaw na mung, ngai hpe makawp maga la e.

SHAKAWN KUNGDAWN 34:3

Dai Madu a galu kaba ai lam hpe ngai hte rau htawn tsun ga; shi a mying nsang hpe anhte jawm shakawn ga!

SHAKAWN KUNGDAWN 5:8

Madu e, Ngai gaw gumlau hpyen law law lu nga nngai! Na myit ra ai hku, galaw lu u ga, ngai hpe lam woi la e; na a lam hkan lu hkra nye a matu na a lam hpe jasan ya rit.

SHAKAWN KUNGDAWN 51:10

O Karai Kasang e, san seng ai myit ngai hta hpan shapraw ya e; sadi dung ai wenyi hte myit masin nnan ngai hpe jaw ya rit.

SHAKAWN KUNGDAWN 51:12

Na a hkye hkrang la ai kaw na lu la ai kabu gara ai lam, ngai hpe bai jaw ya e; nang hpe madat mara mayu ai myit ngai hta bang ya e.

SHAKAWN KUNGDAWN 79:9

Karai Kasang e, anhte hpe karum la mi, anhte hpe hkye hkrang la mi; na a mying nsang a gawp e, anhte hpe mawai la mi.

SHAKAWN KUNGDAWN 85:13

Ding man ai lam gaw dai Madu a shawng e, sa wa nna; shi a matu lam shajang shajin ya na ra ai.

GA SHAGAWP 4:11

Ngai gaw nang hpe hpaji byeng-ya hte teng man ai asak hkrun lam hpe sharin ya ni ai.

GA SHAGAWP 8:20

Ngai gaw ding hpring ai lam hta hkawm sa nna, teng man ai tara dara lam hta ngai hkan nga nngai.

ESAIA 42:16

“Myi kyaw ai nye a amyu masha ni hpe shanhte galoi mung garai n hkawm yu ai lam hku ngai woi lakawn wa na nngai. Ngai gaw shanhte a nsin hpe nhtoi shatai kau nna marawk marak re ai mung hpe shanhte a man e shatsawm shara da na nngai. Ndai ni gaw nye a ga sadi ni rai nga ai, ngai gaw dai ni hpe n hprai ai sha shatup na nngai.

YEREMIA 31:25

Ngai gaw hki ba hkrum ai ni hpe n-gun nnan awai ya nhtawm kawsi hpang gara hkrum nna n-gun kya nga ai masha shagu hte hpe lusha hte jahkru shakat ya na nngai.

YEREMIA 31:8

Ngai gaw shanhte hpe dingdung maga de nna woi wa nhtawm, lamu ga htum ai shara kaw nna shanhte hpe shinggyin da na nngai. Myi n mu ai ni hte lagaw hten ai ni, hkum gawng li ai num ni hte shinggyim machyi hkrum ai num ni gaw shanhte hte rau sa wa na mara ai. Shanhte gaw amyu kaba bai tai wa na mara ai.

EZEKELA 20:14

Rai ti mung, dai hku ngai n galaw nngai, hpa majaw nga yang, Egutu mung kaw na Israela amyu masha ni hpe ngai woi wa sai lam mu ai masha amyu baw ni a man e nye a amying jahpoi kau ai lam n tai shangun nngai.

EHPESU 1:6

Shi a tsaw ra ai kasha a marang e manu jahpu n hpyi ai sha anhte hpe jaw ai hpung shingkang rawng ai shi a chyeju a majaw Karai Kasang hpe shakawn kungdawn ga law!

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.