SHAKAWN KUNGDAWN 22:7 - Jinghpaw Common Language Bible 2009

⁷ Ngai hpe mu ai ni yawng hte gaw ngai hpe mani asawng nga ma ai; shanhte gaw shanhte a shinglet ni hpe shaw dan nhtawm baw ni hpe kanga dan nga ma ai.

Jinghpaw Hanson Version Bible

⁷ Ngai hpe mu ai ni nlang ngai hpe asawng kau nna, N-gup nhkyeng let baw kanga nga ma ai.

SHAKAWN KUNGDAWN 22:7 ပူးပေါင်းရင်းမြစ်များ

YOBA 12:4

Ya chyawm gaw nye a manang ni pyi ngai hpe mani ma ai; ngai gaw ding man ai hta mara n kap nga tim pyi, shanhte mani ma ai; rai ti mung Karai Kasang gaw nye a akyu hpyi ga ni hpe htan ya ai aten nga nga yu sai.

YOBA 16:10

Masha ni ngai hpe yu ashu ma ai; shanhte ngai hpe wang shinggrup da let, nye a myi man bye ya ma ai.

YOBA 16:4

Nang gaw nye a shara hta nga nna ngai mung na a shara hta nga ai rai yang, nang shaga lu ai lam shagu hpe ngai shaga lu nngai. Ngai gaw hpaji hku nna nye a baw hpe ngai kanga lu nngai; ga mawru hte nang hpe marit si shangun nga lu ai.

SHAKAWN KUNGDAWN 109:25

Masha ni ngai hpe mu ma ai shaloi shanhte ngai hpe mani asawng nga ma ai; shanhte gaw n kaw n law re ai hku nna, shanhte a baw ni hpe kanga dan ma ai.

SHAKAWN KUNGDAWN 31:18

Masu magaw ai ni, gumrawng gumtawng ai hte myit tsaw myit dap rawng nga nna, ding hpring ai masha ni a lam hpe n kaw n law nga nna tsun ai ni yawng hte hpe jasim kau u.

SHAKAWN KUNGDAWN 44:14

Amyu baw ni a ka-ang e, nang anhte hpe mani chyai hpa galaw kau nit dai rai nna; shanhte gaw shanhte a baw kanga let, anhte hpe jahpoi asawng nga ma ai.

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

ESAIA 57:4

Nanhte gaw kadai hpe mani asawng nga myit ni? Masu magaw ai nanhte gaw kadai hpe mani jahpoi nga myit ni?

MAHTE 27:29

Dai hpang shanhte gaw ju lakung ni hte janmau langai mi galaw hkri la nhtawm shi a baw hta shagup ya mu ai, shi hkra lata hta mung kumba ginlang yan mi jum shangun mu ai. Dai hpang shanhte shi a man e lahput hput di let shi hpe jahpoi asawng nna “Yuda ni a Hkawhkam e, nang asak galu n ga law!,” ngu mu ai.

MAHTE 9:24

Shi gaw, “Yawng yen mu! Dai numsha ma gaw yup pyaw nga ai sha rai nga ai,” ngu mu ai. Shaloi shanhte yawng shi hpe mani asawng kau ma ai.

MARKU 15:20

Shi hpe asawng asang di ngut jang, dai hkyeng ai hpun nba hpe shanhte raw kau nna, shi a hpun palawng ni hpe bai jahpun ya mu ai. Dai hpang shi hpe wudang hta jen da na matu shapraw sa wa mu ai.

MARKU 15:29

Lam e lai sa wa nga ai ni mung tinang a baw ni hpe kanga let, “Aha! Nawku Htingnu hpe run kau nna masum ya na laman e bai de da na nga ai wa e!

LUKA 16:14

Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

LUKA 23:11

Herod hte shi a hpyen ma ni Yesu hpe n kaw n law aroi arip jahpoi asawng di nna reng ai hpun palawng jahpun nhtawm, Pilat hpang de bai nhtang sa shangun dat mu ai.