SHAKAWN KUNGDAWN 22:6 - Jinghpaw Common Language Bible 2009

⁶ Rai ti mung, ngai gaw masha langai mi n rai mat ni ai; latung shingtai langai mi rai nga nngai, masha shagu e n kaw n law re ai hte matsat kau ai hkrum nga nngai!

Jinghpaw Hanson Version Bible

⁶ Ngai chyawm gaw, masha n rai, shingtai rai nga nngai: Masha shatan shara, amyu masha ni a matsat shabat ngai rai nga nngai.

SHAKAWN KUNGDAWN 22:6 ပူးပေါင်းရင်းမြစ်များ

2 HKAWHKAM LABAU 14:11

Asa gaw dai Madu shi a Karai Kasang hpe, “O Madu e, nang chyawm gaw n-gun ja wa hkra karum ya lu nga ndai. Dai rai nna ya jang anhte hpe karum la mi. O Madu anhte a Karai Kasang e, nang hta anhte shamyet shanat nga ga ai majaw na a mying ningsang hta ndai hpyen hpung kaba hpe gasat ninghkap na matu anhte pru sa wa na ga ai. Madu e, nang gaw anhte a Karai Kasang rai nga ndai, kadai mung nang hpe dang kau lu na matu myit mada lu nga ai n rai,” ngu nna hpyi tsun wu ai.

YOBA 25:6

Dai rai yang, masha gaw hpa wa rai ta? Byet, shingtai ni rai nga a ni? Karai Kasang a man e masha gaw hpa manu dan nga a ni?

SHAKAWN KUNGDAWN 25:3

Nang hpe kam hpa ai ni hta sum ai lam n hkrum nga ai; nang hpe gumlang ai ni a ntsa e chyawm gaw tin tin du nga ai.

SHAKAWN KUNGDAWN 31:1

Madu e, makawp maga la na matu, nang kaw ngai du sa nngai. Ngai hpe galoi mung asum hkum hkrum shangun nga et. Ngai hpe hkye hkrang la e, ngai hpyi nngai!

SHAKAWN KUNGDAWN 31:11

Nye a gumlau hpyen ni yawng hta, grau nna nye a htingbu ni ngai hpe n kaw n law di mi ai; ngai hpe chye ai ni mung, ngai hpe hkrit nna, shanhte gaw ngai hpe lam nmaw e mu mada ma ai shaloi; shanhte hprawng kagat mat wa ma ai.

SHAKAWN KUNGDAWN 41:5

Nye a gumlau hpyen ni gaw nye a lam hpe matse ai hku tsun nga ma ai; shanhte gaw ngai si nna, masha ni ngai hpe malap kau na matu, ra sharawng nga ma ai.

SHAKAWN KUNGDAWN 88:8

Nang gaw nye a manang ni hpe ngai hpe kau da shangun nit dai; nang ngai hpe shanhte a man e, matsat shabat shatai kau nit dai. Ngai gaw la sharawng da ai hkrum nga nngai hte lawt lam hpe n mu lu ni ai;

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 49:7

Israela a chyoi pra ai Karai Kasang hte hkye hkrang la ai wa gaw htum hkra n kaw n law di hkrum ai wa, masha amyu baw ni e n dawng hkrum ai wa hte mung du ni a shangun ma tai nga ai wa hpang de ning ngu tsun nga ai: “Hkawhkam ni gaw nang hpe dat kau dat ai mu na mara ai shanhte a hkungga lara ai hpe madun na matu rawt wa na mara ai; hkawhkam kasha ni mung dai hpe mu na mara ai, shanhte gaw nang hpe shagrau sha-a na matu gum dagup wa na mara ai.” Dai Madu gaw shi a shangun ma hpe lata la nu ai majaw ndai lam byin wa na ra ai; Israela a chyoi pra ai Karai Kasang gaw shi a ga sadi ni hpe shatup na ra ai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

SHARUNG SHAYAWT 3:30

Kayat hkrum nna n kaw n law roi hkrum ti mung, anhte gaw dai lam yawng mayawng hpe hkam la na ang nga ga ai.

MAHTE 11:19

Dai Masha Kasha du sa nna, lu let sha let nga ai shaloi, ‘Yu mu ndai wa gaw, sha marim ai wa, sabyi lu shalai ai wa, kang hta ai ni hte yubak kap ai ni a jinghku wa rai nga ai,’ nga nna bai tsun ma ai. Rai ti mung, Karai Kasang a hpaji byeng-ya chyawm gaw teng man nga ai lam hpe, dai hpaji ni a majaw byin wa ai akyu ni e sakse hkam ya nga ma ai,” ngu mu ai.

MAHTE 12:24

Hparishe ni dai hpe na ma ai shaloi, “Ndai wa gaw nat ni a du wa Bezebula jaw ai n-gun atsam hte n rai yang gaw, nat ni hpe shaden kau lu na n rai,” nga ma ai.

YAWHAN 7:15

Ahkang aya lu ai Yuda masha ni gaw mau ai hte, “Ndai wa gaw hpa jawng mung n lung yu ai mi kaning rai ndai daram wa chye chyang ai kun?,” nga ma ai.

YAWHAN 7:20

Shaloi shawa masha ni gaw, “Nang hta nat rawng nga ai, Nang hpe sat kau na kadai tam nga a ta?,” ngu nna htan mu ai.

YAWHAN 8:48

Shaloi Yuda masha ni gaw, “Nang gaw Samari masha rai ndai nga nna mung, nat shang ai wa rai nga nna mung, anhte tsun ai ga gaw jaw nga ai n rai ni?,” ngu nna Yesu hpe bai san mu ai.

HEBRE 13:12

Ndai lam a majaw, Yesu mung shi a asai hte masha ni hpe yubak mara kaw na jasan jaseng la na matu mare shinggan e si hkam nu ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!