SHAKAWN KUNGDAWN 22:5 - Jinghpaw Common Language Bible 2009

⁵ Shanhte gaw nang hpe shaga mu ai hte, hkrithpa shara kaw nna lawt lu nga masai; shanhte nang hpe kam hpa manoi manat nga ma ai hte myit daw myit hten nga ma ai n rai.

Jinghpaw Hanson Version Bible

⁵ Shanhte nang hpe shaga nna, lawt wa lu ma ai. Nang hpe kamsham nna, kaya kahpa n hkrum ma ai.

SHAKAWN KUNGDAWN 22:5 ပူးပေါင်းရင်းမြစ်များ

1 HKAWHKAM LABAU 5:20

Shanhte gaw Karai Kasang hpe kam hpa nga ma ai hte karum la na matu shi kaw akyu hpyi nga ma ai majaw shanhte a akyu hpyi ga ni hpe Karai Kasang htan ya nga ai. Hagari masha ni hte shi a jinghku hpyen hpung ni hpe dang kau lu na awng padang shi shanhte hpe jaw ya mu ai.

SHAKAWN KUNGDAWN 106:44

Ti mung, shanhte hpyi jahtau ai shaloi, Madu na ya wu ai; shanhte a myit ru myit tsang ai lam hpe shi dum ya mu ai.

SHAKAWN KUNGDAWN 31:1

Madu e, makawp maga la na matu, nang kaw ngai du sa nngai. Ngai hpe galoi mung asum hkum hkrum shangun nga et. Ngai hpe hkye hkrang la e, ngai hpyi nngai!

SHAKAWN KUNGDAWN 71:1

Madu e, makawp maga la na matu, ngai nang kaw du sa ring ngai; ngai hpe galoi mung hkum sum shangun et!

ESAIA 45:17

Rai ti mung Israela gaw dai Madu a majaw hkye hkrang la hkrum nga sai, Israela a awng padang gaw htani htana agrin nga ai; Israela a amyu masha ni gaw galoi mung kaya kahpa hkrum na ma ai n rai.’”

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

YEREMIA 50:7

Shanhte hpe mu ai ni yawng gaw shanhte hpe gasat kau nga ma ai. Shanhte a gumlau hpyen ni gaw, ‘Shanhte gaw dai Madu hpe yubak galaw shut kau manu ai, dai rai nna anhte galaw kau ai amu gaw shut ai n rai. Shanhte a kaji kawa ni gaw dai Madu hpe kam hpa ma ai, shanhte hkum nan mung shi hta sadi dung nga ang ma ai,’ ngu nna tsun ma ai.

Daniela 3:28

Hkawhkam wa gaw, “Shadrak, Meshak hte Abednego hte a Karai Kasang hpe shakawn kungdawn mu! Shi gaw shi a lamu kasa hpe shangun dat nna shi hpe daw jau kamhpa nga ai ndai marai masum hpe hkye mawai la nu ai. Shanhte gaw nye a hkang da ai ga hpe n madat ai sha, shanhte a Karai Kasang hta kaga karai shaje kadai hpe mung n gum dagup ai hte n nawku na matu asak dan hkra galaw ma ai.

ROMA 10:11

Dai Chyum Laika hta mung, “Shi hpe kam sham ai ni yawng mayawng hte gaw myit daw myit hten hkrum na n rai,” nga ai.

ROMA 9:33

Dai hpe Chyum Laika hta, “Yu u, masha ni ahtu kataw na nlung langai mi hte myit kataw shangun na lunghkrung langai mi hpe Ziun hta e ngai tawn da se ai. Rai ti mung nlung ngu ai Hkristu hpe kam sham ai wa gaw galoi mung myit daw hten na lam nga na n rai,” nga nna ka da nga ai.

1 PETRU 2:6

Hpa majaw nga yang, dai Chyum Laika hta mung, “Ngai gaw hpu ging ai nlung langai mi hpe lata la nna, dai hpe Ziun bum e njut jahtum na nlung hku ngai jahkrat da se ai, rai nna shi hta kam sham ai ni kadai mung kaya kahpa hte myit daw myit hten hkrum na n rai,” nga ai.

TARA AGYI 4:3

Yabin gaw hpri leng jahku tsa lu ai rai nna, Israela amyu masha ni hpe hkun ning tup gumshem nna kashun kashe du daw sai hkaw hte up hkang wu ai. Shaloi Israela amyu masha ni mung karum la na matu dai Madu hpe hpyi jahtau ma ai.

TARA AGYI 6:6

Israela gaw shanhte a majaw matsan hkrum nga sai.