SHAKAWN KUNGDAWN 22:16 - Jinghpaw Common Language Bible 2009

¹⁶ N hkru ai masha hpung mi, ngai hpe wang gawan da nna; gwi wunawng mi ngai kaw htim sa wa ai zawn shanhte ngai kaw htim sa wa ma ai; shing rai shanhte gaw nye a lagaw lata ni hpe gang je nga ma ai.

Jinghpaw Hanson Version Bible

¹⁶ Kaning rai nme law, gwi ni ngai hpe jawm nna, N hkru ai shawa hpung ngai hpe grup ma ni ai: Nye a lagaw lata hpe mung jahpye ya ma ni ai.

SHAKAWN KUNGDAWN 22:16 ပူးပေါင်းရင်းမြစ်များ

SHAKAWN KUNGDAWN 22:1

Nye a Karai Kasang e, nye a Karai Kasang e, nang hpa rai ngai hpe kau da nga n ta? Karum la na matu, myit chyum myit htum hte ngai hpyi jahtau ni ai, rai ti mung, ya du hkra, dai lam n du nga ai.

SHAKAWN KUNGDAWN 22:20

Ngai hpe nhtu kaw na hkrang shaw la e; gwi ni kaw na, nye a asak hpe hkye hkrang la e.

SHAKAWN KUNGDAWN 38:11

Nye a ningma ni a majaw, nye a manang ni hte htingbu ni ngai kaw n ni sa wa na ma ai; nye a dinghku pyi ngai hpe gang kau da nga ai.

SHAKAWN KUNGDAWN 59:14

Nye a gumlau hpyen ni gaw shana e nhtang wa nna, gwi ni zawn nying let, mare kata hkan, ningwan hkawn nga ma ai;

SHAKAWN KUNGDAWN 59:6

Shanhte gaw shana de nhtang wa nna, gwi ni zawn nying let, mare kata hkan, ningwan hkawm nga ma ai.

SHAKAWN KUNGDAWN 86:14

Karai Kasang e, gumrawng gumtawng ai masha ni ngai hpe sa gumlang nga ma ai; nang hpe hpa zawn n nawn ai ni hte gumshem ai masha hpung mi gaw ngai hpe sat hkyen nga ma ai.

ESAIA 53:5

Rai ti mung, anhte a yubak mara ni a majaw shi gaw hkala nba hkrum nga sai, anhte galaw ai n hkru ai amu a majaw kayat hkrum nga nu ai. Anhte gaw shi hkrum sha ai nni nkri ari a majaw mung, shi hkum ting htwi hkrum ai a majaw mung, shamai shatsai hkrum nga ga ai.

YEREMIA 12:6

Na a kahpu kanau ni hte na a dinghku masha ni pyi nang hpe gumle gumlau kau masai; shanhte gaw nang hpe gasat ninghkap ai hta lawm mat manu ai. shanhte gaw jinghku ga she shaga ti mung, shanhte hpe hkum kam et,” ngu nna tsun wu ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

MAHTE 26:57

Yesu hpe rim la ai ni gaw, tara sara ni hte salang ni hpawng nga ai Hkinjawng Agyi Kaba Kayahpa a nta de shi hpe woi shang mu ai.

MAHTE 27:35

Shi hpe wudang hta jen da ngut jang, shanhte shawun hpaida da ai hte shi a hpun palawng ni hpe jawm garan la mu ai.

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

MARKU 15:24

Dai hpang shanhte shi hpe wudang hta jen da nna, shi a hpun palawng ni hpe shanhte hta na kadai wa garan la ang na hpaida da nna garan la ma ai.

LUKA 23:23

Shanhte mahtang nsen kaba hte jahtau nna, Yesu hpe wudang hta jen da na lam atik anang hpyi ma ai majaw, hpang jahtum shanhte hpyi ai lam lu la mat wa manu ai.

LUKA 23:33

Ya pungkum ngu ai kawng du jang, shanhte gaw Yesu hpe mung, damya yan hpe mung, shi a hkra maga de langai mi, pai maga de langai mi di nna wudang hta jen da mu ai.

YAWHAN 19:23

Hpyen masha ni gaw Yesu hpe jen da ngut jang, shi a hpun palawng hpe la nna, mali brang di garan nhtawm, marai langai mi daw mi hpra la ma ai, dai kata palawng hpe mung shing di na maw ma ai; rai ti mung kata palawng gaw shakung n rawng ai lawng du nna htum hkra da ai rai nga ai.

YAWHAN 19:34

Dai re ai pyi hpyen masha langai mi gaw, Yesu a garep hpe ri hte galun waw ya wu ai rai nna, shaloi jang sai hte ntsin pru wa ai.

YAWHAN 19:37

Bai kaga laika langai mi hta mung, “Shanhte galun waw ai wa hpe mada yu na maru ai,” nga ai.

YAWHAN 20:25

Dai rai nna kaga sape ni shi hpe, “Anhte gaw Madu hpe mu lu saga ai,” ngu nna tsun dan mu ai. Shaloi Htawma gaw, “Shi a lata ni hta na hpri hkang ni ngai n mu, dai hpri hkang ni hta nye a layung nan ngai n shawn yu, shi a garep hta nye a lata n manaw lu yang gaw, ngai kam na nngai n rai,” ngu nna shanhte hpe tsun mu ai.

YAWHAN 20:27

Shaloi Yesu gaw Htawma hpe, “Na a layung nang e shawn yu nna, nye a lata ni hpe yu u; na a lata ladawn nna, nye a garep hpe mung manaw yu u; n kam hkum rai et, kam sham nga u!,” ngu wu ai.

HPILIPI 3:2

N hkru n shawp ai bungli galaw ai ni hpe sadi let makran nga mu; gwi ni hpe makran nga mu. Tinang a hkum hpe gadoi di ai masha ni hpe makran nga mu.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.