SHAKAWN KUNGDAWN 22:12 - Jinghpaw Common Language Bible 2009

¹² Gumlau hpyen law law ni gaw ngai hpe usu ni zawn wang gawan da mi ai; Bashan ga na matse ai usu ni zawn shanhte ngai hpe shinggrup da mi ai.

Jinghpaw Hanson Version Bible

¹² Usu law law ngai hpe jawm da mi ai, Bashan a gwila ni ngai hpe kawan da mi ai.

SHAKAWN KUNGDAWN 22:12 ပူးပေါင်းရင်းမြစ်များ

SHAKAWN KUNGDAWN 35:22

Rai ti mung, Madu e, nang gaw dai lam ni hpe mu nit dai majaw, Madu e, atsin sha hkum nga nga et, ngai hte ani sha nga nga u law!

SHAKAWN KUNGDAWN 38:22

Ngai hpe hkye hkrang la ai Madu e, ngai hpe ya jang karum la e law!

SHAKAWN KUNGDAWN 40:14

Ngai hpe sat na maw ai ni tsep kawp sum mat nna shanut kau ai hkrum mu ga. Nye a ru tsang ai lam ni a majaw kabu gara nga ai ni gaw shingdu de htingnut mat wa nna, kaya kahpa hkrum mu ga.

SHAKAWN KUNGDAWN 68:30

Mai-aw pa na matse labye dusat ngu ai Egutu mung hpe daru kau u; usu hpung ni hte shanhte a dumsu kasha ni ngu ai amyu baw ni gaw, nang hpe yawng jawm dingnyawm nna shanhte a gumhpraw sak jaw wa ai aten du hkra daru kau u. Majan shabyin na hpe ra sharawng nga ai ni hpe shabra kau u!

SHAKAWN KUNGDAWN 69:18

Ngai hpe hkye hkrang la na matu, sit sa wa rit; nye a gumlau hpyen ni a lata kaw na, ngai hpe mawai la e.

SHAKAWN KUNGDAWN 7:3

O Madu nye a Karai Kasang e, ngai masha langai ngai hpe shut kau ni ai rai yang mung, nye a manang wa hpe gumle gumlau galaw kau ni ai rai yang mung, shing n rai, matu kata nye a gumlau hpyen wa a ntsa e, kashun kashe amu galaw kau ai hte, ndai lam langai ngai hpe ngai galaw hkrup kau ni ai rai yang mung,

SHAKAWN KUNGDAWN 70:2

Ngai hpe sat na maw mawn ai ni tsep kawp sum mat nna shanut kau ai hkrum mu ga. Nye a ru tsang ai lam ni a majaw kabu gara nga ai ni gaw shingdu de nawku htingnut mat wa nna kaya kahpa hkrum sha nga mu ga.

ESAIA 34:7

Amyu masha ni gaw hpawlam hte usu ni zawn kadawng taw mat na mara ai, ginding aga gaw sai hte hkyeng nna sau hte ka-up da ai hkrum na ra ai.

YEREMIA 50:11

Dai Madu gaw, “Babelon mung masha ni e, nang gaw nye a amyu hpe hpya sha kau nit dai; nanhte gaw mam kabye nga ai dumsu shing n rai shabam ai gumra zawn kabu gara ai hte kayin hkawm nga myit dai,

EZEKELA 39:18

Shanhte gaw share ninghkrin ni a ashan sha nna, mungkan ga up hkang ai mung du ni a asai ni hpe lu na mara ai; yawng hte mung sagu la, sagu kasha, bainam hte hpum sau ai usu ni zawn sat kau hkrum na mara ai.

MAHTE 27:1

Jahpawt jau jau e hkinjawng agyi ni hte mung masha ni a salang ni yawng hte gaw, Yesu hpe sat kau na lam ni bawng ban ma ai.

KASA 4:27

Dai hte maren kaja wa teng teng Herod yan Pontu Pilat gaw maigan masha ni, Israela amyu masha ni hte rau Madu a Chyoi pra ai shangun ma rai nga ai, nang Meshia shatai sai Yesu hpe tai ninghkap na matu ndai mare e jawm hpawng nga ma ai.