SHAKAWN KUNGDAWN 21:4 - Jinghpaw Common Language Bible 2009

⁴ Shi gaw asak hpyi nu ai hte dai hpe nang jaw ya nit dai; dai gaw prat galu ai hte htani htana asak rai nga ai.

Jinghpaw Hanson Version Bible

⁴ Shi nang kaw na asak galu hpyi nna, Nang shi hpe htani htana nhtoi jaw da nu ai.

SHAKAWN KUNGDAWN 21:4 ပူးပေါင်းရင်းမြစ်များ

1 HKAWHKAM 2:33

Shan hpe sat kau ai ru hka amu a ari gaw Yoab a ntsa e mung, shi a amyu matu ni a ntsa e mung, htani htana prat dingsa a nga nga na ra ai. Rai ti mung dai Madu gaw Dawi a magam tingnyang hta dung nga ai shi a amyu matu ni hpe awng dang ai lam tut nawng jaw ya nga nu ga law,” ngu nna htan wu ai.

1 HKAWHKAM 2:45

Shi chyawm gaw ngai hpe shaman ya nna Dawi a mungdan hpe htani htana ngwi pyaw sim sa shangun na ra ai,” ngu nna tsun wu ai.

2 HKAWHKAM 11:12

Dai hpang Yehoiada gaw Yosha hpe woi shapraw la nhtawm shi a baw ntsa e janmau shagup ya ai hte hkawhkam aya hte up hkang na Tara ni rawng ai laika kanan langai, shi hpe ap ya wu ai. Dai hpang Yosha gaw namman jaw hkam la nna hkawhkam rai nga sai lam masat ndau hkam la wu ai. Amyu masha ni mung lahpawk dum let, “Hkawhkam wa asak galu u ga law!,” ngu nna jahtau tsun ma ai.

SHAKAWN KUNGDAWN 119:175

Ngai hpe asak jaw ya e, shaloi, nang hpe ngai shakawn nga n ga, na a sharin shaga ai ga matsun ni ngai hpe karum nga u ga.

SHAKAWN KUNGDAWN 119:77

Na a tara hta ngai sharawng awng nga nngai majaw, nye a ntsa e, matsan dum nga ya rit, ngai ahkrung nga lu na ring ngai.

SHAKAWN KUNGDAWN 13:3

Madu nye a Karai Kasang e, ngai hpe mada yu nna htan ya e. Ngai n si u ga, ngai hpe n-gun bai jaw ya e.

SHAKAWN KUNGDAWN 133:3

Dai gaw Hermon bum ntsa hte Ziun bum ni a ntsa e, hkrat ai numri ni zawn rai nga ai. Dai gaw galoi mung htum ngu n nga ai asak, dai Madu ga sadi jaw ya sai shi a shaman chyeju rai nga ai.

SHAKAWN KUNGDAWN 72:17

Hkawhkam wa a amying hpe galoi mung n malap kau lu mu ga; shi a mying gumhkawng ai lam, jan zawn agrin nga u ga. Hkawhkam wa hpe Karai Kasang shaman chyeju jaw ya ai zawn, amyu baw ni yawng mung, Karai Kasang shanhte hpe shaman ya na matu hpyi nga mu ga.

SHAKAWN KUNGDAWN 89:29

Shi a hkawhkam amyu gaw lamu zawn ngang grin wa na ra ai; shi a matu mara ni gaw tut nawng e hkawhkam tai nga lu na mara ai.

SHAKAWN KUNGDAWN 91:16

Ngai shanhte hpe asak galu shangun na nngai, ngai shanhte hpe hkye hkrang la na nngai,” nga nna tsun ai.

ZEHKARIA 6:13

Shi gaw dai hpe gaw gap ai wa tai nna hkawhkam arawng aya shagrau hkam la nhtawm shi a amyu masha ni hpe up na ra ai. Hkinjawng langai mung shi a tingnyang makau e nga na ra ai; shan gaw amu bungli hpe rau hkrum ra ai hte jawm galaw ai majaw ngwi pyaw sim sa ai hte ngwi ngawn nga na mara ai,” ngu nna tsun wu ai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.