SHAKAWN KUNGDAWN 21:3 - Jinghpaw Common Language Bible 2009

³ Nang gaw galu kaba ai chyeju ni hpe gun nna shi kaw sa ndai; shi a baw hta ja janmau nang gup ya nit dai.

Jinghpaw Hanson Version Bible

³ Nang shi hpe kaja ai wunli hte tau la nna, Shi a baw hta jet ai ja janmau gup ya nu ai.

SHAKAWN KUNGDAWN 21:3 ပူးပေါင်းရင်းမြစ်များ

2 SAMUELA 12:30

Dawi gaw pawng 75 li ai Amon karai Molek a hpara sumla baw kaw na lungseng ja janmau la wa wu ai. Dawi gaw lungseng mung la wa nna shi a janmau hta nan bang da wu ai. Shi gaw dai mare na lanep law law hpe mung la wa wu ai rai nna,

2 SAMUELA 2:4

Dai hpang Yuda masha ni Hebron mare de sa nhtawm Dawi hpe namman jaw ya let Yuda hkawhkam aya dang ya ma ai. Gilead mung na Yabesha masha ni Shawlu hpe makoi mayang kau sai shiga hpe Dawi na jang,

2 SAMUELA 5:3

Dai rai nna Israela ningbaw ni yawng gaw Hebron mare e nga ai Hkawhkam Dawi hpang de du sa ma ai. Shi mung shanhte hte chyoi pra ga shaka galaw nna jinghku hku tawn wu ai; shanhte gaw shi hpe namman jaw ya nhtawm shi mung Israela a hkawhkam tai wa nu ai.

1 HKAWHKAM LABAU 20:2

Dawi gaw ja hte san san galaw da nna pawng 75 li ai Amon hkawhkam wa a janmau la wu ai. Dawi gaw dai hta rawng ai lungseng la nna shi a janmau hta nan dai hpe bang da wu ai. Shi gaw dai mare na lanep law law hpe mung la wa wu ai.

2 HKAWHKAM LABAU 6:41

Madu Karai Kasang e ya rawt u; Ga Shaka Sumpu hte na a daru magam n-gun ndai Nawku Htingnu de shang nna dai yang e htani htana a shanu nga nu ga law. Na a hkinjawng ni galaw ai amu magup hpe shaman ya u law: na a mai kaja ai chyeju a majaw na a amyu masha ni yawng kabu gara lu mu ga law.

YOBA 41:11

Shi hpe kadai gasat lu nna naw shim nga lu na rai ta? Ndai mungkan ga masha ni kadai mung dai hpe galaw lu ma ai n rai.

SHAKAWN KUNGDAWN 18:18

Ngai ru tsang hkrum ai shaloi, ngai hpe gasat ma ai, rai ti mung Madu ngai hpe makawp maga da nga ai.

SHAKAWN KUNGDAWN 20:5

Shing rai, anhte gaw na a awng padang a majaw, kabu jahtau nga na ga ai; anhte a Karai Kasang hpe shakawn kungdawn ai hte na a awng padang ninglaw hpe masat poi galaw na ga ai. Na a hpyi lajin ai lam yawng mayawng hte hpe mung Madu htan ya nga u ga law.

SHAKAWN KUNGDAWN 31:19

Nang hpe shagrau sha-a ai ni a matu nang kyem da ya ai kaja ai chyeju ni gaw kade wa mauhpa rai nga a hka! Nang kade wa mai kaja nga ai hpe mung nang hta kam hpa nga ai ni hpe kade sha shim ai hku nang makawp maga ya nga ndai hpe mung masha shagu chye nga ai.

SHAKAWN KUNGDAWN 59:10

Nye a Karai Kasang gaw ngai hpe tsaw ra nga ai rai nna, ngai kaw sa wa na ra ai, nye a gumlau hpyen ni sum mat ai lam shi ngai hpe madun dan shangun na ra ai.

ROMA 11:35

Madu kaw nna chyeju bai htang ai hkrum u ga, kadai wa shi hpe hpa baw shawng sak jaw yu sata?,” nga nna rawng nga ai.

ROMA 2:4

Shing n rai nang gaw shi a n taw n tsang ai matsan dum ai chyeju hpe mung, myit sharang ai hte myit galu kaba ai hpe mung, nang n kaw n law di da wu ni? Karai Kasang gaw nang hpe myit malai lu shangun na matu lam madun woi awn nga ai rai nna shi gaw matsan dum lama ai Madu rai nga ai lam kaja wa nang chye nga ndai.

EHPESU 1:3

Anhte a Madu Yesu a Kawa rai nga ai Karai Kasang hpe chyeju dum shakawn ga law! Hpa majaw nga yang anhte Hkristu hte langai sha tai lu ai a marang e shi gaw sumsing lamu lahta tang hta e wenyi hte seng ai shaman chyeju lam shagu hpe jaw ya nga mani ai.

HEBRE 2:9

Rai ti mung anhte mu lu ai wa gaw Karai Kasang a chyeju a majaw yawng mayawng a matu si hkam lu hkra aten ladaw chyahkring mi laman sha lamu kasa ni hta shagrit da hkrum ai Yesu Hkristu nan rai nga ai. Dai Madu chyawm gaw si hkrung si htan a nni nkri hkam la wu ai majaw, ya hpung shingkang hte arawng sadang janmau shagup da nga ai hpe anhte mu lu ga ai.

SHINGRAN 19:12

Shi a myi ni gaw wan shinglet zawn tu nga ai. Shi a baw hta janmau law law gup da nga ai. Shi hta lai nna kadai mung n chye ya lu ai mying shi a ntsa e ka kap da nga ai.

1 SAMUELA 16:13

Samuela gaw tsanlun sau la nhtawm kahpu ni a man e Dawi hpe namman jaw ya wu ai. Dai shaloi jang, dai Madu a wenyi gaw Dawi hpe up hkang wu ai; dai shani kaw nna shi hte rau arai nga sai. Dai hpang Samuela mung Rama mare de nhtang mat wa wu ai.