SHAKAWN KUNGDAWN 20:8 - Jinghpaw Common Language Bible 2009

⁸ Shanhte ahtu ai hte kadawng mat wa ma ti mung, anhte rawt nna ngang ngang tsap nga lu na ga ai.

Jinghpaw Hanson Version Bible

⁸ Shanhte kataw nna kadawng mat masai, Anhte chyawm gaw rawt nna ngang ngang tsap nga ga ai.

SHAKAWN KUNGDAWN 20:8 ပူးပေါင်းရင်းမြစ်များ

2 HKAWHKAM 19:23

Na a hpyen leng mahkra hte Lebanon a tsaw htum ai bum ni hpe nang gasat dang la nit dai lam ngai hpe shakawng dan na matu na a dat kasa ni hpe ngai hpang de shangun dat nga ndai. Dai shara hkan na galu preng tsawm ai arit hpun ni hte hpu htum nna tsaw htum ai marau hpun ni hpe nang kran daw kau nit dai majaw grang dakat shakawng nga ndai hte dai hpun maling htinggram a maling mala shara de mung nang hkan dep nga nit dai.

2 HKAWHKAM LABAU 14:10

Asa gaw shi hpe gasat ninghkap na nga pru sa wa wu ai; lahkawng maga na hpyen hpung ni gaw Maresha mare makau na Zehpahta Kadit e shara la shajang nga ma ai.

2 HKAWHKAM LABAU 14:11

Asa gaw dai Madu shi a Karai Kasang hpe, “O Madu e, nang chyawm gaw n-gun ja wa hkra karum ya lu nga ndai. Dai rai nna ya jang anhte hpe karum la mi. O Madu anhte a Karai Kasang e, nang hta anhte shamyet shanat nga ga ai majaw na a mying ningsang hta ndai hpyen hpung kaba hpe gasat ninghkap na matu anhte pru sa wa na ga ai. Madu e, nang gaw anhte a Karai Kasang rai nga ndai, kadai mung nang hpe dang kau lu na matu myit mada lu nga ai n rai,” ngu nna hpyi tsun wu ai.

EZRA 8:22

Anhte a Karai Kasang gaw shi hpe kam sham ai masha shagu hte hpe shaman ya nga ti mung, shi kaw na kayin mat wa ai kadai hpe mung shi n ra sharawng ai hte ari jaw nga ai ngu shi hpe ngai tsun kau ni ai majaw, anhte hkrun lam hkawm nga yang, anhte hpe gumlau hpyen a lata kaw nna mung, bau sin makawp maga ya na matu gumra dap hpyen hpung mi hkawseng wa kaw hpyi na, ngai kaya mat ni ai.

SHAKAWN KUNGDAWN 124:8

Sumsing lamu hte ginding aga hpe hpan da ai dai Madu kaw nna, anhte hpe karum ai lam pru wa nga ai.

SHAKAWN KUNGDAWN 125:1

Dai Madu hpe kam hpa nga ai ni gaw galoi mung n ashun, galoi mung shamu shamawt n nga ai Ziun Bum zawn rai ma ai.

SHAKAWN KUNGDAWN 33:16

Shi a n-gun rawng ai hpyen luksuk a majaw hkawhkam wa majan dang ai n rai; hpyen ma langai mi gaw shi a n-gun a majaw awng padang lu ai n rai.

SHAKAWN KUNGDAWN 33:17

Majan gumra ni gaw awng padang a matu kaman lila rai nga ai; dai ni a n-gun kaba hte hkye hkrang la lu nga ai n rai.

GA SHAGAWP 21:31

Majan gasat na matu, hpyen gumra ni hpe lu shajin da tim; awng padang jaw ya ai gaw dai Madu sha rai nga ai.

HOSEA 14:4

Dai Madu gaw, “Nye a amyu masha ni hpe ngai hpang de woi la na nngai. Nye a myit masin mahkra hte shanhte hpe ngai tsaw ra na nngai; shanhte hpe ngai galoi mung masin pawt na nngai n rai.

MIHKA 7:8

Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.

YAWSHU 11:4

Shanhte gaw panglai hkin-gau na zaibru zawn law la ai luksuk kaba ni hte mung, gumra hte hpyen leng law law hte mung pru sa wa ma ai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.

1 SAMUELA 17:45

Dawi gaw, “Nang gaw ngai kaw nhtu, nri hte jinghkyen nri ni hte sa ndai; rai ti mung ngai chyawm gaw nang hkap daw ai dai Chyahtum Chyalai N-gun hte hpring ai dai Madu Israela hpyen luksuk ni a Karai Kasang a mying ningsang hte nang kaw sa ring ngai.