SHAKAWN KUNGDAWN 20:7 - Jinghpaw Common Language Bible 2009

⁷ Nkau mi shanhte a majan leng ni hte bai nkau mi shanhte a jawn gumra ni hpe kam hpa nga ma ai; rai ti mung, nanhte gaw anhte a Madu Karai Kasang a daru magam n-gun hpe kam hpa nga ga ai.

Jinghpaw Hanson Version Bible

⁷ Nkau mi gaw leng hta, nkau mi gaw gumra hta gumrawng nga ma ai; Anhte chyawm gaw, anhte a Karai Kasang a amying nsang hpe dum nga ga ai.

SHAKAWN KUNGDAWN 20:7 ပူးပေါင်းရင်းမြစ်များ

2 SAMUELA 10:18

Suri hpyen luksuk hpe Israela masha ni e gawt nhtang kau dat lu ma ai. Dawi hte shi a masha ni chyawm gaw Suri gumra leng gawt ai masha sanit tsa hte gumra jawn masha mun mali hte hpe sat kau ma ai. Gumra hpyen a up hkang du Shobak hpe mung shanhte hkala kau mu ai rai nna majan pa e shi si mat nga ai.

2 SAMUELA 8:4

Dawi gaw dai wa a gumra jawn masha hkying mi sanit tsa, lagaw hpyenla mun lahkawng hte hpe rim la lu wu ai. Bai hpyen leng latsa a matu gumra law ram daram shi tawn da ya nna, kaga ngam ai ni yawng hpe lahkap dan kau ya wu ai.

2 HKAWHKAM LABAU 13:16

Israela masha ni mahtang Yuda masha ni kaw na hprawng htaw mat wa ma ai rai nna Karai Kasang gaw Yuda masha ni hpe daru magam n-gun ahkang aya ap ya nga wu ai.

2 HKAWHKAM LABAU 14:11

Asa gaw dai Madu shi a Karai Kasang hpe, “O Madu e, nang chyawm gaw n-gun ja wa hkra karum ya lu nga ndai. Dai rai nna ya jang anhte hpe karum la mi. O Madu anhte a Karai Kasang e, nang hta anhte shamyet shanat nga ga ai majaw na a mying ningsang hta ndai hpyen hpung kaba hpe gasat ninghkap na matu anhte pru sa wa na ga ai. Madu e, nang gaw anhte a Karai Kasang rai nga ndai, kadai mung nang hpe dang kau lu na matu myit mada lu nga ai n rai,” ngu nna hpyi tsun wu ai.

2 HKAWHKAM LABAU 32:8

Shi gaw masha a daru magam n-gun lu wu ai; rai ti mung anhte chyawm gaw anhte hpe karum la nna anhte a majan ni hpe gasat ya na dai Madu anhte a Karai Kasang hpe lu ga ai,” ngu nna tsun wu ai. Shaloi amyu masha ni gaw shanhte a hkawhkam wa tsun ai ga ni a majaw myit n-gun lu la shajang nga ma ai.

YOBA 39:11

Shi a n-gun hpe nang kam nna na a li la ai amu galaw shangun na myit mada lu na n ni?

SHAKAWN KUNGDAWN 28:8

Dai Madu gaw shi a amyu masha ni hpe makawp maga nga ai; lata la hkrum ai shi a hkawhkam wa hpe makawp maga ai hte hkye hkrang la nga ai.

SHAKAWN KUNGDAWN 45:17

Nye a mahkawn ga gaw na a amying hpe htani htana dan hkung shangun na ra ai; masha shagu hte mung nang hpe prat ting shakawn kungdawn nga na mara ai law.

GA SHAGAWP 21:31

Majan gasat na matu, hpyen gumra ni hpe lu shajin da tim; awng padang jaw ya ai gaw dai Madu sha rai nga ai.

ESAIA 30:16

Shing rai na malai, Nanhte gaw gumlau hpyen ni a lata kaw na hprawng lawt lu na matu laram ai gumra ni jawn na she yaw myit dai. Hprawng lawt na matu nanhte lajang ai gaw jaw nga ai! Nanhte gaw nanhte a gumra ni laram nga ai ngu myit nawn la nga myit dai, rai ti mung nanhte hpe hkan shachyut ai ni gaw grau nna lawan na mara ai!

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

YEREMIA 17:5

Dai Madu gaw, “Ngai kaw na kayin mat wa ai masha ni hte shinggyim masha ni hte si chye ai masha a n-gun hta kam hpa nga ai ni hpe ngai daw dan na we ai.

1 SAMUELA 13:5

Hpilisti masha ni mung Israela ni hpe htim gasat na matu zup hpawng ma ai; shanhte hta hpyen leng mun masum, gumra jawn ai masha hkying kru hte panglai hkin-gau hkan na zaibru zawn law ai hpyenla ni nga nga ai. Shanhte gaw Betawen a sinpraw maga Mikmasha de sa wa nhtawm dai yang e dap jung ma ai.

1 SAMUELA 2:10

Dai Madu a gumlau hpyen ni gaw jahten kau ai hkrum na mara ai; shi gaw shanhte hpe ninghkap na matu sumsing lamu kaw na mu shangoi dat ya na ra ai. Dai Madu gaw mungkan ga ting hpe tara jeyang na ra ai; shi gaw shi a hkawhkam wa hpe daru magam n-gun jaw na ra ai, shi gaw shi lata la sai hkawhkam wa hpe awng padang lu shangun na ra ai.”