SHAKAWN KUNGDAWN 20:4 - Jinghpaw Common Language Bible 2009

⁴ Nang ra sharawng ai hpa hpe rai tim, shi nang hpe jaw ya u ga; na a yaw shada ai lam yawng mayawng hte hpe awng dang shangun u ga.

Jinghpaw Hanson Version Bible

⁴ Na a myit hta rawng ai hte maren shi jaw nna, Nang hpaji daw ai lam nlang hte hpe shabyin ya u ga.

SHAKAWN KUNGDAWN 20:4 ပူးပေါင်းရင်းမြစ်များ

2 SAMUELA 24:23

Arauna gaw arai yawng mayawng hkawhkam wa hpe ap ya nhtawm shi hpe, “Dai Madu na a Karai Kasang gaw na a hkungga hpe hkap la u ga law,” ngu nna tsun wu ai.

2 HKAWHKAM LABAU 9:12

Hkawhkam Shawlumon gaw shi a matu hkawhkam jan la sa ya ai kumhpa ni a matu bai jaw ya ai kumhpa hta kaga, Sheba Hkawhkam jan hpyi ai made jaw ya wu ai. Dai hpang shi hte shi a hpang hkan ai ali ama ni Sheba mung de nhtang mat wa ma ai.

SHAKAWN KUNGDAWN 145:19

Shi hpe hkrit hkungga ai ni a ra kadawn ai lam ni hpe shi jaw ya nna; shanhte a hpyi jahtau ai nsen ni hpe na ai hte shanhte hpe hkye hkrang la mu ai.

SHAKAWN KUNGDAWN 21:2

Shi a myit ra sharawng ai hku, nang lajang ya nit dai; shi a hpyi lajin ai lam ni hpe mung nang htan ya nit dai.

SHAKAWN KUNGDAWN 37:4

Dai Madu hta na a kabu gara ai lam hpe tam la u; shi gaw na a myit ra sharawng ai lam hpe jaw ya na ra ai.

GA SHAGAWP 11:23

Mai kaja ai masha ni gaw kaja ai akyu hpe tut nawng e, ra marit nga ma ai; tara n lang ai ni shanhte ra marit ai hpe hkam la lu ma ai shaloi, masha shagu masin pawt nga ma ai.

MAHTE 21:22

Nanhte gaw kam sham ai myit hte akyu hpyi myit yang, nanhte hpyi mahpyi mahkra lu la na marin dai,” ngu nna shanhte hpe tsun mu ai.

YAWHAN 11:42

Nang galoi mung nye a ga madat ya ndai hpe, ngai chye nngai. Rai ti mung nang ngai hpe shangun dat ndai hpe ndai grup yin e nga ai masha ni kam sham lu mu ga, shanhte a matu ngai ning ngu tsun nngai,” nga ai.

YAWHAN 16:23

“Dai shani nhtoi du jang, nanhte ngai hpe hpa mung n san na myit dai; ngai nanhte hpe kaja wa teng teng tsun made ga, nye a mying nsang hte nanhte hpyi mahpyi Wa gaw nanhte hpe jaw na ra ai.

TARA AGYI 13:23

Rai ti mung shi a madu jan mahtang, “Dai Madu an hpe sat kau mayu ai rai yang, an a hkungga ni hpe shi hkap la na n rai; ndai zawn re ai amu yawng shi an hpe madun dan na n rai; dai zawn re ai amu ya an hpe tsun dan na wu ai n rai,” ngu nna htan wu ai.

1 SAMUELA 26:19

Nye a madu hkawhkam wa e, ngai tsun na ga madat u. Dai Madu nan ngai hpe nhtang gumlau na hku nang hpe shadut ai rai yang, shi hpe nawng ya ai hkungga a majaw shi a myit hpe galai shai kau shangun nga u ga; rai ti mung masha e dai hpe galaw ai rai yang chyawm gaw dai Madu a dagam dala gaw shanhte a ntsa e hkrat bun nu ga. Dai Madu a lamu ga kaw nna maigan hpara ni hpe chyu sha nawku ai shara de ngai hpe gawt shapraw kau nga myit dai.