SHAKAWN KUNGDAWN 2:4 - Jinghpaw Common Language Bible 2009

⁴ Sumsing lamu hta nga ai shi a tingnyang kaw nna dai Madu gaw shanhte a gawng kya ai yaw shada lam ni hpe mani asawng ya nga ai.

Jinghpaw Hanson Version Bible

⁴ Lamu hta dung nga ai wa gaw mani nga ai, Dai Madu shanhte hpe asawng kau mu ai:

SHAKAWN KUNGDAWN 2:4 ပူးပေါင်းရင်းမြစ်များ

2 HKAWHKAM 19:21

dai Madu gaw, “Senahkerib e, Yerusalem mare gaw nang hpe mani nna jahpoi asawng nga ai.

SHAKAWN KUNGDAWN 11:4

Dai Madu gaw shi a chyoi pra ai Nawku Htingnu hta e, nga nga ai; sumsing lamu hta shi a tingnyang nga nga ai. Shara shagu hkan nga nga ai amyu masha ni hpe shi mada yu nna, shanhte hpa galaw nga ma ai hpe chye nga ai.

SHAKAWN KUNGDAWN 115:3

Anhte a Karai Kasang gaw sumsing lamu hta nga nga ai; shi ra ai hku hpa lam hpe mung shi galaw nga ai.

SHAKAWN KUNGDAWN 123:1

Madu e, nang up hkang nga ai Sumsing lamu de ngai mada yu nngai.

SHAKAWN KUNGDAWN 37:13

Rai ti mung, tara n lang ai ni gaw kade n na yang, jahten kau ai hkrum mat na hpe Madu chye nga ai majaw, shi shanhte hpe mani nga ai.

SHAKAWN KUNGDAWN 53:5

Shaloi, shanhte gaw shawng de galoi mung garai n hkrum kadup yu ai kaba la ai hkrit kahpra lam hpe hkrum hkra wa na mara ai; hpa majaw nga yang, Karai Kasang gaw shi a amyu masha ni a gumlau hpyen ni a nrut nra ni hpe gat kau ya na ra ai. Karai Kasang shanhte hpe ningdang kau mu ai majaw, Israela amyu masha ni shanhte hpe awng dawm dang kau na mara ai.

SHAKAWN KUNGDAWN 59:8

Rai ti mung, Madu e, nang gaw shanhte hpe mani kau nga ndai; tara maigan ni yawng hpe mung, nang ashu kau nga ndai.

SHAKAWN KUNGDAWN 59:9

Ngai gaw na a n-gun atsam hpe kam hpa nga nngai, O Karai Kasang e, nang gaw nye a shingbyi shara rai nga ndai.

GA SHAGAWP 1:26

Dai majaw nang ru tsang hkrum ai shaloi, ngai mani kau na we ai; nang hkrit kajawng hpa hpe hkrum kadup wa ai shaloi, nang hpe ngai asawng kau na we ai.

ESAIA 40:22

Dai gaw mungkan ga ntsa tsang, lamu madin a ntsa e shi a tingnyang hta dung nga ai wa shabyin dat nga ai; de a npu e nga ai amyu masha ni hpe kaji la ai kagyin ni hpe zawn yu nga ai. Shi gaw sumsing lamu hpe sumpan grang zawn kahpyan da nga ai, shanu nga na matu sum langai zawn kahpyan da nga ai.

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?