SHAKAWN KUNGDAWN 2:2 - Jinghpaw Common Language Bible 2009

² Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

Jinghpaw Hanson Version Bible

² Yehowa hte shi a Namman chya ai wa hpe, Ga ntsa hkawhkam ni rau hpawng nga nna, Du salang ni jawm bawng nga ma ai gaw:

SHAKAWN KUNGDAWN 2:2 ပူးပေါင်းရင်းမြစ်များ

SHAKAWN KUNGDAWN 110:5

Dai Madu gaw na a hkra maga hta nga nga ai. Shi pawt sindawng ai aten hta e; hkawhkam ni hpe anyawp kau na ra ai.

SHAKAWN KUNGDAWN 2:10

Hkawhkam ni e, ya ndai sadi jaw ai ga ni hpe madat mu; mungkan ga a du salang ni e, ndai sadi jaw ai lam hpe sharin la mu:

SHAKAWN KUNGDAWN 45:7

ding man ai lam hpe nang tsaw ra nga ai hte, n hkru n shawp ai amu hpa hpe mung n dawng nga ndai. Dai re ai majaw, Karai Kasang na a Karai Kasang gaw nang hpe lata la nit dai; kaga hkawhkam kadai wa hta mung, grau nna kabu gara ai lam, nang hpe jaw ya nga nit dai.

SHAKAWN KUNGDAWN 48:4

Hkawhkam ni jawm hpawng nga nna, Ziun bum hpe htim gasat na matu, shanhte pru sa wa ma ai.

SHAKAWN KUNGDAWN 48:5

Rai ti mung, shanhte gaw dai bum hpe mu ma ai shaloi mau mahka mat nhtawm; hkrit kajawng ai hte hprawng mat ma ai.

SHAKAWN KUNGDAWN 74:18

Rai ti mung, Madu e, na a gumlau hpyen ni nang hpe asawng asang di nga ai hpe, dum nga u.

SHAKAWN KUNGDAWN 74:23

Na a gumlau hpyen ni a sin pawt lahtet marawn jahtau ai hte; na a hpyen ni matut manoi garu ai nsen ni hpe hkum malap kau nga et.

SHAKAWN KUNGDAWN 83:6

Edom amyu masha ni hte Ishmaela amyu ni, Moba amyu masha ni hte Hagara amyu ni;

SHAKAWN KUNGDAWN 89:20

Nye a shangun ma kaja Dawi hpe chyoi pra ai namman sau hte chya ya nna hkawhkam aya dang ya se ai.

PRU MAT 16:7

Jahpawt e mung nanhte gaw htoi kabrim ai dai Madu a hpung shingkang hpe mu lu na marin dai. Nanhte shi hpe aput ai ga, rai sa, dai aput ai ga hpe shi na nu ai; an chyawm gaw shi a ga matsun ni hpe chyu sha gun hpai ai yan rai nga ga ai,” ngu nna tsun ma ai.

GA SHAGAWP 21:30

Dai Madu gaw nang hpe ninghkap ai rai yang, shinggyim masha a hpaji byeng-ya myit let nyan sam ai hte kraw dung nyan gade sung ti mung; dai gaw hpa mung akyu n rawng nga ai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

MAHTE 2:16

Sinpraw mung na hpaji rawng ai ni shi hpe hkalem mat wa sai lam Herod dum chye wu ai shaloi, shi ja ja masin pawt bu nga ai. Dai rai nna hpaji rawng ai ni kaw na shi san sagawn la tawn ai aten ladaw hpe sawn la nna Betlehem hte de a grup yin kahtawng hkan na asak lahkawng ning kaw nna lawu grit re ai lasha ma kaji nlang hte hpe sat kau na hkang dat wu ai.

MAHTE 26:3

Dai shaloi hkinjawng agyi ni hte mung masha ni a salang ni gaw Kayahpa ngu ai hkinjawng agyi kaba wa a htingnu wang kata e zuphpawng hpawng nga ma ai rai nna,

MAHTE 26:59

Shaloi hkinjawng agyi ni hte salang Kongsi hpawng ting gaw Yesu hpe sat kau lu hkra shi a lam masu ai sakse mu tam hkra shakut ma ai.

MAHTE 27:1

Jahpawt jau jau e hkinjawng agyi ni hte mung masha ni a salang ni yawng hte gaw, Yesu hpe sat kau na lam ni bawng ban ma ai.

LUKA 13:31

Dai ahkying hta nan, Hparishe nkau mi Yesu kaw sa nna, “Nang ndai kaw na pru mat wa nna kaga shara langai ngai de sa wa su, hpa majaw nga yang, Herod nang hpe sat na maw nga ai,” ngu nna shi hpe tsun mu ai.

YAWHAN 1:41

Shi gaw shi a kahpu rai nga ai Simun hpe shaloi jang tam la nna, “Meshia hpe anhte mu saga ai,” ngu nna shi hpe tsun dan wu ai. (Meshia ngu ai gaw Hkristu nga ai rai nga ai.)

YAWHAN 15:23

Ngai hpe n dawng ai wa gaw, nye Wa hpe mung n dawng ai wa rai nga ai.

YAWHAN 3:34

Karai Kasang e shangun dat ai wa gaw Karai Kasang a mungga ni hpe tsun nga ai, hpa majaw nga yang, Karai Kasang gaw shi shangun dat ai wa hpe hkum tsup re ai Wenyi jaw wu ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

KASA 9:4

Shi mung ga e kadawng taw mat ai hte, “Shawlu, Shawlu! Nang ngai hpe hpa rai zingri nga n ta?,” nga nna shi hpe tsun nga ai nsen langai mi na wu ai.

HEBRE 1:9

Nang gaw ding hpring ai hpe tsaw ra nna, shut ai lam hpe n dawng nga ndai. Dai majaw na a Karai Kasang ngu ai, Karai Kasang gaw, nang hpe lata la nna, na a manang hpe jaw ai hta grau kaba ai kabu gara ngu ai namman jaw ya nna shagrau sha-a nit dai,” nga ai.