SHAKAWN KUNGDAWN 2:10 - Jinghpaw Common Language Bible 2009

¹⁰ Hkawhkam ni e, ya ndai sadi jaw ai ga ni hpe madat mu; mungkan ga a du salang ni e, ndai sadi jaw ai lam hpe sharin la mu:

Jinghpaw Hanson Version Bible

¹⁰ Dai majaw hkawhkam ni e, hpaji daw mu, Ga ntsa tara agyi ni e, sharin achyin la mu.

SHAKAWN KUNGDAWN 2:10 ပူးပေါင်းရင်းမြစ်များ

SHAKAWN KUNGDAWN 45:12

Turu amyu masha ni nang hpe kumhpaw kumhpa sa jaw na mara ai; sut su ai ni mung na a myi man tam wa na mara ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 52:15

Rai ti mung, ya chyawm gaw masha amyu baw law law ni shi hpe yu mau na mara ai, hkawhkam ni gaw ga n shaga ai sha mau mat na mara ai. Shanhte gaw shanhte galoi mung n chye na yu ai arai lama mi hpe mu lu nna chye na wa na mara ai,” ngu nna tsun ai.

ESAIA 60:3

Masha amyu baw ni gaw na a nhtoi de, Hkawhkam ni gaw na a nhtoi nnan a jahpawt manap de du sa wa na mara ai.

YEREMIA 6:8

Yerusalem amyu masha ni e, ndai ru yak tsin-yam tsindam ni gaw nang hpe sadi jaw ai lam tai u ga, shing n rai jang, ngai nang hpe kau da na nngai; ngai gaw na a mare hpe kadai mung n nga ai zaibru jang shatai kau na we ai,” ngu nna tsun ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

ZEHKARIA 14:17

Chyahtum Chyalai N-gun rawng ai dai Madu ngu ai Hkawhkam wa hpe n sa nawku hkraw ai masha amyu baw langai ngai nga ai rai yang, shanhte a mungdan hta marang htu hkrat na ra ai n rai.