SHAKAWN KUNGDAWN 19:9 - Jinghpaw Common Language Bible 2009

⁹ Madu hpe hkrit hkungga ai lam mai kaja nga ai rai nna, dai gaw htani htana agrin nga na ra ai. Madu a tara dara ai lam teng man nga ai rai nna, dai gaw tut nawng e tara rap ra nga ai.

Jinghpaw Hanson Version Bible

⁹ Yehowa hpe hkrit hkungga ai lam chyoi pra nga ai rai nna, htani htana anga nga ai. Yehowa a tara dara ai ga teng nga ai rai nna, ahkum ara dinghpring nga lu ai.

SHAKAWN KUNGDAWN 19:9 ပူးပေါင်းရင်းမြစ်များ

NINGPAWT NINGHPANG 22:12

Lamu kasa gaw, “Dai ma hpe hkum hkra et; shi hpe hpa mung hkum di et. Na a shadang sha shingtai shi hpe jaw na nang n kanung nga nit dai majaw Karai Kasang hpe nang hkrit hkungga ai hte madat mara nga ndai hpe ya ngai chye ni ai,” ngu nna htan wu ai.

NINGPAWT NINGHPANG 42:18

Masum ya du ai shani hta Yosep gaw shanhte hpe, “Ngai gaw Karai Kasang hpe hkrit kamyin ai wa rai nga nngai. Dai rai nna mabyin lam langai mi a ntsa hta ngai nanhte a asak hpe jahkrung da ya na made ai rai nna ning di mu:

1 HKAWHKAM 18:12

Ngai pru mat wa ai shaloi jang, dai Madu a wenyi gaw n chye ai shara nkau mi de nang hpe woi mat wa na ra ai n rai ni? Dai hpang nang ndai yang e nga nga ai ngu nna Ahab hpe ngai tsun jang, shi nang hpe n mu tam ai shaloi ngai hpe sat kau na ra ai. Ngai chyawm gaw ma aten kaw nna dai Madu hpe kam sham nawku ai wa rai nga nngai hpe dum u law.

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

SHAKAWN KUNGDAWN 10:5

Tara n lang ai wa gaw lam shagu hta awng dang nga ai. Shi gaw Karai Kasang a tara dara ai lam ni hpe n chye na lu nga ai; shi gaw shi a gumlau hpyen ni hpe jahpoi asawng kau nga ai.

SHAKAWN KUNGDAWN 111:10

Madu hpe shagrau sha-a ai gaw hpaji rawng wa na lam rai nga ai; shi a hkang da ai ga matsun ni hpe madat mara hkan sa nga ai ni yawng hte hpe teng man ai tara dara lam jaw ya nga ai. Shi gaw htani htana shakawn kungdawn ai lam hkam la na ra ai.

SHAKAWN KUNGDAWN 115:13

Shi hpe shagrau sha-a ai masha shagu hta na, kaji ai kaba ai n nga, yawng hpe shaman ya na ra ai.

SHAKAWN KUNGDAWN 119:1

Dai Madu a hkang da ai tara hte maren, mara n kap ai hku asak hkrung nga ai ni gaw a lu ma ai.

SHAKAWN KUNGDAWN 119:106

Na a ding man ai ga matsun ni hpe madat mara hkan sa na matu, ngai dagam da ai ga sadi hte maren ngai hkan galaw shadik shatup nga na nngai.

SHAKAWN KUNGDAWN 119:111

Na a hkang da ai tara ni gaw prat dingsa na nye a sut gan ni rai nga ai; dai ni gaw nye myit masin kabu gara ai lam rai nga ai.

SHAKAWN KUNGDAWN 119:142

Na a ding man ai lam htani htana prat dingsa agrin nga na ra ai. na tara mung tut nawng e teng man nga ai.

SHAKAWN KUNGDAWN 119:39

Ngai hkrit kahpra ai hpe asawng asang re ai ni kaw na ngai hpe hkye mawai la e; na a tara dara ai lam ni gaw kade wa mauhpa rai nga a hka!

SHAKAWN KUNGDAWN 119:62

Ngai gaw shana yup tung e hprang wa nna, na a ding man ai tara dara lam a matu mara nang hpe ngai shakawn nga na nngai.

SHAKAWN KUNGDAWN 119:7

Na a ding hpring ai tara dara lam ni hpe sharin la lu nna, san seng ai myit hte nang hpe ngai shakawn na nngai.

SHAKAWN KUNGDAWN 119:75

Madu e, na a tara dara ai lam ding man nga ai hpe ngai chye nga nngai; nang sadi dung nga ndai majaw, ngai hpe ari jaw nga ndai.

SHAKAWN KUNGDAWN 12:7

Tara n lang ai masha ni gaw shara shagu hkan nga nga ma ai; n hkru ai lam hpe kadai mung sharawng awlaw nga ma ai. Madu e, anhte hpe tut nawng e, shim nga lu na matu bau sin ya mi, ndai zawn re ai masha ni a lata kaw nna anhte hpe kyem mazing da mi law.

SHAKAWN KUNGDAWN 147:19

Shi gaw shi a amyu masha ni hpang de, shi a mungga hte shi a sharin achyin ai matsun mungga hte tara ni hpe Israela amyu masha ni hpang de jaw ya nga ai.

SHAKAWN KUNGDAWN 36:1

Yubak gaw tara n lang ai masha wa a sung ai myit kraw kata hta shaga nga ai; shi gaw Karai Kasang hpe nyet kau nhtawm shi hpe hkrit hkungga ai lam hpa mung n nga ai, ngu nga ai.

SHAKAWN KUNGDAWN 36:6

Na a ding man ai lam gaw bum ni zawn tsaw nga nna, na a teng man ai lam mung hka panglai zawn sung nga ai. Masha hte dusat yam nga ni gaw na a lata hta rai nga ai.

PRU MAT 21:1

“Israela masha ni hpe ndai hkan sa tara ni jaw ya u:

GA SHAGAWP 8:13

Dai Madu hpe shagrau sha-a ai lam gaw n hkru ai lam hpe n dawng ai lam rai nga ai; ngai gaw gumrawng gumtawng ai hte myit tsaw myit dap ai n hkru ai lam hte n teng n man ai ga ni hpe n dawng nngai.

ESAIA 26:8

Anhte gaw na a myit hkan ga ai hte nang hpe myit mada ga ai; nang gaw anhte ra sharawng ai lam yawng rai nga ndai.

ESAIA 45:19

Ngai gaw machyi shim ai hku n tsun yu nngai, nye a yaw shada ai lam hpe makoi magap n galaw yu nngai. Katsi katsang re ai shara hta ngai hpe tam na matu, Israela amyu masha ni hpe ngai n lajin yu nngai. Ngai gaw dai Madu rai nga nngai, ngai gaw teng man ai ga hpe tsun nngai; Teng man ai amu hpe ngai chye shangun nngai.”

KASA 10:22

Shanhte gaw, “Anhte hpe hpyen latsa up ai du wa Korneli shangun dat mi ai. Shi gaw kaja ai masha langai mi rai nna Karai Kasang hpe hkrit hkungga ai hte Yuda amyu ting a man e grai myi man pa ai, hkungga lara hkrum ai wa rai nga ai. Karai Kasang a Lamu Kasa langai mi gaw, nang hpe Korneli shi a nta de shaga bang nna nang tsun ai ga madat la na lam hkang da nu ai,” ngu nna tsun mu ai.

ROMA 11:22

Ndai kaw Karai Kasang gaw gade daram matsan dum lama chye ai hte gade daram laja lana ari jaw chye ai wa re ai hpe anhte mu lu ga ai. Shi gaw yubak mara galaw ai ni hpe laja lana ari jaw nga ai rai ti mung nanhte gaw shi a matsan dum lama ai lam hpe hkam la ai lam hta matut nna ging dan hkra hkawm sa ai rai yang, shi gaw nanhte hpe matsan dum lama nga na ra ai. Rai ti mung nanhte mung shi a matsan dum lama ai hpe hkam la ging ai ni n tai myit yang gaw nanhte mung, gyi kau ai hkrum na marin dai.

ROMA 2:2

Shing re ai amu ni hpe galaw ai masha ni a ntsa e Karai Kasang jeyang daw dan ai gaw, teng man nga ai hpe anhte chye nga ga ai.

TARA JAHPRANG 4:8

Dai ni ngai nanhte hpe sharin achyin ya ni ai matsun maroi ga ni gaw kaning re ai amyu kaba gale ni hta mung, dai zawn re ai mi n lu nga ma ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!

SHINGRAN 16:7

Dai hpang dai tawn hkungri kaw na nsen langai mi mung, “Chyahtum chyalai n-gun atsam rawng ai Madu Karai Kasang e, na a jeyang ai lam ni gaw, kaja wa teng man ai hte ding hpring nga lit dai law!,” nga nna tsun ai ngai na nngai.

SHINGRAN 19:2

Shi a tara daw dan ai lam ni teng man ai hte ding hpring nga lu ai! Tinang a hpye ai amu hte ga ntsa ting hpe shut hpyit shangun ai shawa num hpe shi daw dan nu ai. Madu a shangun ma ni hpe sat kau ya ai majaw, Karai Kasang gaw shi hpe ari jaw nu ai!,” nga nna tsun ai ngai na nngai.

1 SAMUELA 12:24

Dai Madu a ga hpe madat mara nna, na a myit masin mahkra hte sadi sahka let shi hpe daw jau nga mu; nanhte a matu shi galaw dan nu ai amu kaba hpe adum nga mu.