SHAKAWN KUNGDAWN 18:7 - Jinghpaw Common Language Bible 2009

⁷ Shing rai, Karai Kasang gaw pawt sindawng ai a majaw, ginding aga gaw gari awam wa nna, bum ni a npawt nhpang ni mung shamu shamawt nga ai.

Jinghpaw Hanson Version Bible

⁷ Shaloi lamu ga shamu nna a wam nga ai, Bum ni a npawt nhpang ni gari nga ai: Shi myit kahtet ai majaw, dai hte kangi kanga rai ma ai.

SHAKAWN KUNGDAWN 18:7 ပူးပေါင်းရင်းမြစ်များ

SHAKAWN KUNGDAWN 34:16

Rai ti mung, n hkru n shawp ai amu galaw ai ni hpe shi hkum shingdang nga ai; shing rai, shanhte si wa ai shaloi, shanhte gaw alawan sha, malap kau ai hkrum nga ma ai.

SHAKAWN KUNGDAWN 34:18

Dai Madu gaw myit daw myit hten ai ni hte ani sha nga nga ai; myit mada shara n nga mat sai ni hpe shi hkye hkrang la nga ai.

SHAKAWN KUNGDAWN 39:13

Ngai garai n si mat wa yang, kabu gara let nga lu na matu ngai hpe masin hkum pawt nga e law.

SHAKAWN KUNGDAWN 40:2

Shi gaw ngai hpe hkrit hpa nhkun hta na mung, lup si shangun ai nawng wam hta na mung gang shaw la nhtawm; lunghkrung ntsa e, shim hkra ngai hpe tawn da nna makawp maga da ni ai.

SHAKAWN KUNGDAWN 46:2

Dai re ai majaw, ginding aga gaw ashun awam nga nna, bum ni sung ai hka nawng kaba hta di hkrat bang nhtawm;

YEREMIA 4:24

Bum ni hpe ngai mada yu ai shaloi, dai ni ashun nga ma ai, kawng ni kade nde ashun nga ma ai.

HABAKU 3:10

Bum ni nang hpe mu ai shaloi, dai ni hkrit gari ma ai; lamu ni kaw na hka ru hkrat nga ai. Ginding aga a npu na hka ni wu kadu nga ai hte dai ni a hka leng ni rawt lung wa nga ai.

HABAKU 3:6

Shi hkring ai shaloi, ginding aga ashun awam nga ai; nang praw mada yu ai shaloi, masha amyu baw ni hkrit gari nga ma ai. Htani htana bum ni ga gamang mat nna; dinggrin a nga nga ai kawng ni, moi prat kaw nna shi hkawm nga ai kawng ni lup shang mat nga ai.

ZEHKARIA 14:4

Dai aten hta, shi gaw Yerusalem mare a sinpraw maga na Tsanlun Bum ntsa e tsap nga na ra ai. Shaloi Tsanlun Bum gaw sinpraw maga kaw nna sinna maga du hkra ka-ang brang ga wa ai hte grai kaba ai kadit langai tai mat na ra ai; dai bum ka-ang hkup gaw dingdung maga de, de a ka-ang hkup gaw dingda maga de htawt sit mat na ra ai.

MAHTE 28:2

Dai shaloi akajawng sha grai ja ai nnang nawn kaba langai mi nawn wa ai. Dai Madu a lamu kasa langai mi lamu de nna yu hkrat wa nna, dai nlung hpe sa galau kau nhtawm, dai hta e dung nga ai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna shanhte nlang hte hta Chyoi Pra ai Wenyi hpring wa ai hte Karai Kasang a mungga hpe nden ja ai myit hte tsun dan hpang wa ma ai.

1 KORINHTU 13:2

Ngai myihtoi chye htoi ai hte sung ai lam yawng mayawng, chye chyang ai hpaji amyu myu hkum nga ai hte bum hpe jasit kau lu hkra re ai makam masham rawng ti mung, tsaw ra myit n rawng yang gaw, ngai hpa n rai nga nngai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.

TARA AGYI 5:4

Madu e, nang gaw Seira bum ni kaw na pru nhtawm, Edom ginwang kaw na pru sa wa ai shaloi, ginding aga ashun nna lamu kaw na marang htu hkrat nga ai. Rai sa, sumwi ni hta na hka ru hkrat wa nga ai.