SHAKAWN KUNGDAWN 18:6 - Jinghpaw Common Language Bible 2009

⁶ Nye a ru tsang ai hta, ngai gaw Madu hpe shaga nna; karum la na matu, nye a Karai Kasang hpe ngai shaga we ai. Shi a Htingnu hta, nye a nsen hpe shi na ya nna; karum la na matu, ngai hpyi jahtau ai nsen hpe shi madat ya ni ai.

Jinghpaw Hanson Version Bible

⁶ Ngai ru tsang ai hta ngai Yehowa hpe shaga nna, Nye a Karai Kasang hpe hpyi jahtau we ai. Shi a Htingnu hta nna shi nye a nsen madat nna, Ngai hpyi jahtau ai ga, shi a na hta shang lu ai.

SHAKAWN KUNGDAWN 18:6 ပူးပေါင်းရင်းမြစ်များ

2 SAMUELA 22:7

Ngai ru tsang hkrum ai shaloi, dai Madu hpe ngai shaga nngai; karum la na matu nye a Karai Kasang hpe ngai shaga nngai. Shi a htingnu hta nye a nsen hpe shi na wu ai rai nna, karum la na matu nye a hpyi jahtau ai ga hpe shi madat ya nga sai.

2 HKAWHKAM LABAU 30:27

Hkinjawng ni hte Lewi masha ni gaw amyu masha ni a matu dai Madu a shaman chyeju shaman ya na matu nga, hpyi nem ya nga ma ai. Sumsing lamu na shi a nta hta shanhte a akyu hpyi ga ni hpe Karai Kasang na ya ai hte hkap la nga ai.

SHAKAWN KUNGDAWN 11:4

Dai Madu gaw shi a chyoi pra ai Nawku Htingnu hta e, nga nga ai; sumsing lamu hta shi a tingnyang nga nga ai. Shara shagu hkan nga nga ai amyu masha ni hpe shi mada yu nna, shanhte hpa galaw nga ma ai hpe chye nga ai.

SHAKAWN KUNGDAWN 120:1

Ngai ru tsang hkrum nga ai shaloi, dai Madu hpe ngai shaga ai hte ngai hpe shi htan ya ni ai.

SHAKAWN KUNGDAWN 34:15

Dai Madu gaw ding hpring ai ni hpe mada mara nga nna; shanhte a hpyi jahtau ai nsen ni hpe madat ya nga ai.

SHAKAWN KUNGDAWN 5:7

Rai ti mung, na a galu kaba ai tsaw ra myit a majaw ngai na a nta de sa lu nngai; na a chyoi pra ai Nawku Htingnu hta ngai nawku lu nna nang hpe hkrit hkungga ai hte dingnyawm lu nga nngai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 55:5

Ngai gaw nau hkrit gari mat ai majaw ging mat ni ai; ngai gaw kajawng kaja re ai hte htinggrum da ai hkrum nga nngai.

PRU MAT 2:23

Shaning tsawmra mi na jang, Egutu hkawhkam si mat sai, rai ti mung Israela amyu masha ni chyawm gaw shanhte a mayam lit kata hta naw madai nga ai hte karum la na matu hkrap sharung nga ma ai. Shanhte a jahtau hkrap ai nsen gaw Karai Kasang hpang de hkrang lung wa nna,

HABAKU 2:20

Dai Madu gaw shi a chyoi pra ai Nawku Htingnu hta nga nga ai; ginding aga ntsa na masha shagu hte gaw shi a man e a sim sha nga mu ga.

MARKU 14:36

“Wa e, nye a Wa e! Nang gaw yawng mayawng hpe dang di lu nga ndai; ndai nni nkri ngu ai gawm hpe ngai kaw na shalai kau ya rit. Rai ti mung, Ngai ra ai hku n rai, na a myit ra ai hku she rai u ga,” ngu nna akyu hpyi wu ai.

KASA 12:5

Rai ti mung hpung masha ni yawng chyawm gaw Petru a matu mara Karai Kasang kaw aja awa akyu hpyi ya nga ma ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.