SHAKAWN KUNGDAWN 18:3 - Jinghpaw Common Language Bible 2009

³ Ngai gaw Madu hpe shaga ai hte, shi gaw ngai hpe nye a gumlau hpyen ni a lata kaw na hkye hkrang la nga ai. Madu gaw hpung rawng nga u ga law!

Jinghpaw Hanson Version Bible

³ Mai shakawn ai Yehowa hpe ngai shaga nna, gumlau ni kaw na ngai hkye la ai hkrum ni ai.

SHAKAWN KUNGDAWN 18:3 ပူးပေါင်းရင်းမြစ်များ

2 SAMUELA 22:4

Dai Madu hpe ngai shaga yang, ngai hpe nye a gumlau hpyen ni a lata kaw na hkye mawai la nga ai. Dai Madu hpe shakawn kungdawn mu!

NEHEMIA 9:5

Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

SHAKAWN KUNGDAWN 144:1

Ngai hpe makawp maga nga ai Madu hpe shakawn kungdawn mu! Shi gaw ngai hpe majan a matu zai ladat hpaji sharin ya ai hte ngai hpe lajang shachyip ya nga ai.

SHAKAWN KUNGDAWN 145:3

Madu gaw galu kaba nga ai majaw, nachying shakawn ging ai wa rai nga ai; shi a galu kaba ai lam hpe n dang chye lu nga ai.

SHAKAWN KUNGDAWN 3:4

Karum la na matu, Madu hpe ngai shaga nngai; shi ngai hpe shi a chyoi pra ai Bum kaw nna htan ya nga ai.

SHAKAWN KUNGDAWN 31:4

Nye a matu galaw da sai mahkam kaw na ngai hpe shalawt la e law; hkrithpa shara kaw na mung, ngai hpe makawp maga la e.

SHAKAWN KUNGDAWN 48:1

Dai Madu gaw galu kaba nga ai rai nna shi a chyoi pra ai bum ntsa e nga ai anhte a Karai Kasang a mare hta shi hpe tsaw htum ai hku shakawn kungdawn ra nga ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 55:16

Rai ti mung, karum la na matu ngai gaw Madu Karai Kasang hpe hpyi shaga ai; shi ngai hpe hkye hkrang la na ra ai.

SHAKAWN KUNGDAWN 62:3

Nanhte yawng gaw daw agrawp mat ai nhpan daram sha n-gun rawng ai masha langai mi hpe, galoi aten du hkra, shi hpe gasat na ngu nga myit ni?

SHAKAWN KUNGDAWN 62:8

Nye a amyu masha ni e, aten shagu Karai Kasang hpe kam hpa nga mu. Shi gaw anhte a shingbyi shara rai nga ai, nanhte a ru tsang lam yawng mayawng shi hpe tsun dan mu.

SHAKAWN KUNGDAWN 71:3

Nye a shim ai shingbyi shara hte n-gun ja ai hpyen dap tai nga nna, ngai hpe makawp maga la e; nang gaw nye a shingbyi shara hte dahpran shara rai nga ndai.

SHAKAWN KUNGDAWN 76:4

Karai Kasang e, na a hpung shingkang kade wa galu kaba nga lit hka! Na a hpyen ni hpe nang dang kau ai bum ni kaw na nang nhtang wa yang, na a arawng sadang gaw kade wa kaba nga lit hka!

SHAKAWN KUNGDAWN 91:15

Shanhte ngai hpe shaga yang, ngai shanhte hpe htan ya na nngai; shanhte ru tsang hkrum yang, ngai shanhte hte rau nga nga na nngai. Ngai shanhte hpe mawai la nna; shagrau sha-a na mawe ai.

SHAKAWN KUNGDAWN 91:2

“Nang gaw nye a dahpran shara hte ngai hpe makawp maga ai wa rai nga ndai; nang gaw nye a Karai Kasang rai nga ndai, nang hta ngai kam hpa nga nngai,” nga nna shi hpe tsun lu nga ai.

SHAKAWN KUNGDAWN 96:4

Dai Madu gaw galu kaba nga ai majaw grai shakawn ging ai wa rai nga ai; karai ni yawng hta shi hpe shagrau sha-a na mai nga ai.

YEREMIA 16:19

Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.

LUKA 1:71

anhte a hpyen ni hte anhte hpe n ju n dawng ai ni yawng a lata na hkye hkrang la mani ai.

KASA 2:21

Dai shaloi e dai Madu a mying nsang hpe gang shaga ai ni kadai mung, hkye hkrang la ai hkrum na ma ra ai,’ nga ai.

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.