Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




SHAKAWN KUNGDAWN 18:2 - Jinghpaw Common Language Bible 2009

2 Dai Madu gaw ngai hpe makawp maga ai wa rai nna; nye a ngang kang ai hpyen dap shi rai nga ai. Nye a Karai Kasang gaw ngai hpe makawp maga ai wa rai nna, shi hta ngai shim lum nga nngai. Shi gaw ngai hpe ninggang langai mi zawn makawp maga nna, ngai hpe makawp maga ai hte shim hkra bau sin nga ai.

အခန်းကိုကြည့်ပါ။ ကော်ပီ

Jinghpaw Hanson Version Bible

2 Yehowa gaw nye a lunghkrung, nye a hpyen dap, nye a hkye hkrang la ai Wa, Nye a Karai Wa, ngai shingbyi nga ai nye a lungpu, Nye a n-gang, nye a hkye la ai nrung, nye a langchyi, rai nga li ai.

အခန်းကိုကြည့်ပါ။ ကော်ပီ




SHAKAWN KUNGDAWN 18:2
18 ပူးပေါင်းရင်းမြစ်များ  

Nye a Karai Kasang gaw ngai hpe makawp maga ai wa rai nga ai; shi hte rau rai nga nngai majaw ngai shim nga lu nngai. Shi gaw ngai hpe ninggang langai zawn makawp maga ai hte; shi gaw ngai hpe hkap makawp la ai hte shim hkra tawn da nga ai. Shi gaw ngai hpe hkye hkrang la ai wa rai nga ai; ngai hpe makawp maga la ai hte kashun kashe du daw sai hkaw amu kaw nna mung hkye mawai la nga ai.


Dai Madu gaw nye a nsen hpe na ya ai majaw, ngai shi hpe tsaw ra nga nngai; shi nye a akyu hpyi ai ga ni hpe madat ya nga ai.


Dai shara hta, ngai gaw Dawi a aru arat langai ngai hpe hkawhkam kaba shatai na we ai; ngai lata la ai hkawhkam wa a up hkang ai tara hpe dai shara hta grin nga shangun na nngai.


Shi gaw ngai hpe makawp maga ya ai wa, nye a shamyet shanat shara wahpang; ngai hpe hkye hkrang la ai nye a dahpran shara, hte shim lum na matu, ngai kam hpa nga ai wa rai nga ai. Amyu baw ni hpe shi nye a npu e tawn da nu ai.


Nye a shingbyi shara hte nye a hkye hkrang la ai Madu e, nye a n-gup ga ni hte nye a sumru ai lam ni gaw na a man e sharawng awng nga u ga law.


Nye a dahpran shara rai nga ai Madu e, ngai nang hpe shaga nngai. Nye a hpyi jahtau ai nsen hpe madat ya e! Ngai shaga ai nsen hpe nang n htan ya ai rai yang, katsan ga e shang sa wa ai ni hta ngai lawm mat wa na nngai.


O Karai Kasang e, shanhte hpe hkum sat kau et, shing n rai, nye a amyu masha ni malap kau na mara ai. Anhte hpe makawp maga ai Madu e, na a n-gun atsam hte shanhte hpe shabra kau nna, shanhte hpe dang kau u.


Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai gaw galoi mung sum hkrum na nngai n rai.


Nye a hkye hkrang la ai lam hte arawng sadang gaw Karai Kasang hta rai nga ai; shi gaw n-gun ja ai hte ngai hpe makawp maga ai wa rai nga ai, nye a shingbyi shara mung rai nga ai.


Tara n lang ai ni a n-gun atsam hpe shi shadaw kau ya na ra ai; rai ti mung, ding hpring ai ni a daru magam n-gun hpe chyawm gaw shi rawt jat kaba shangun na ra ai law.


“Nang gaw nye a dahpran shara hte ngai hpe makawp maga ai wa rai nga ndai; nang gaw nye a Karai Kasang rai nga ndai, nang hta ngai kam hpa nga nngai,” nga nna shi hpe tsun lu nga ai.


Shi gaw shi a singkaw ni hte nang hpe magap da na ra ai, shi a lanu lahku mada mara ai hta nang shim nga lu na ra ai; shi a sadi sahka gaw nang hpe makawp maga ya ai hte, bau sin ya na ra ai.


Dai Madu gaw n-gun hte hpring ai nye a dahpran shara rai nga ai; shi gaw ngai hpe hkye hkrang la ai wa rai nga ai. Shi gaw nye a Karai Kasang rai nga ai, ngai shi hpe shakawn na nngai, nye wa a Karai Kasang rai nga ai majaw, shi a galu kaba ai lam hpe ngai mahkawn mangoi nga na nngai.


Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.


Shi gaw ding man ai hte myit malang ai masha ni a matu, karum la ai hte makawp maga ai lam jaw ya nga ai.


Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.


Madu e, nang gaw ngai hpe makawp maga ai hte n-gun atsam jaw ya ai wa rai nga ndai; nang gaw ngai hpe ru tsang hkrum ai aten ni hta karum la nga ndai. Mungkan ga a jahtum de na amyu baw ni gaw nang kaw du sa wa nna, “Anhte a kaji kawa ni gaw hpara sumla ni hta kaga hpa mung n nga nga ai, dai ni gaw hpa akyu n rawng ai hte kaman lila hkrai rai nga ai.


Bai Yesu gaw, “Ngai gaw Karai Kasang hta kam hpa manoi manat nga na nngai,” nga nna mung, “Karai Kasang ngai hpe jaw da sai kashu kasha ni hte rau ndai shara e nga nga nngai,” nga nna mung tsun ai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ