SHAKAWN KUNGDAWN 17:8 - Jinghpaw Common Language Bible 2009

^8-9 Tara n lang ai ni a gasat gala ai hte law la ai hpyen ni ngai hpe wang shinggrup nga ai kaw na na a myi sha ni hpe nang makawp maga ndai zawn ngai hpe na a singkaw ni a shingnip a npu e makoi da e.

Jinghpaw Hanson Version Bible

⁸ Ngai hpe zingri nga ai tara n lang ai ni hte, Nye a asak hpe grup grup kawan nga ai gumlau ni kaw na,

SHAKAWN KUNGDAWN 17:8 ပူးပေါင်းရင်းမြစ်များ

SHAKAWN KUNGDAWN 16:1

O Karai Kasang e, Ngai hpe makawp maga la e, Shim nga na matu, ngai nang hpe kam hpa nga nngai.

SHAKAWN KUNGDAWN 36:7

Karai Kasang e, na a dinggrin tsaw ra myit gaw kade wa hpu reng nga a hka! Na a singkaw ni a shingnip npu hta shingbyi shara anhte lu ga ai.

SHAKAWN KUNGDAWN 36:8

Nang jaw ya ai n taw n tsang re ai lusha hta anhte lu sha ga ai; na a mai kaja ai chyeju hte lwi ai hka nu kaw na nang anhte hpe lu shangun mi ai.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

SHAKAWN KUNGDAWN 57:2

Tsaw Htum ai Karai Kasang ngu ai, nye a ra kadawn ai lam shagu hta karum la ai Karai Kasang hpe ngai shaga nngai.

SHAKAWN KUNGDAWN 61:4

Nye a asak prat tup na a chyoi pra ai shara hta ngai nga nga lu n-ga; na a singkaw ni a npu e shim ai shara hta ngai shingwung lu n-ga.

SHAKAWN KUNGDAWN 61:5

O Karai Kasang e, nye ai ga sadi ni hpe na ya nit dai; nang hpe shagrau sha-a ai ni madu ai sali wunli ni nang ngai hpe jaw ya nit dai.

SHAKAWN KUNGDAWN 63:7

na a lam hpe shana tup ngai myit yu nga nngai. Na a singkaw ni a shingnip kata hta kabu gara ai hte ngai mahkawn mangoi nga nngai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

SHAKAWN KUNGDAWN 91:4

Shi gaw shi a singkaw ni hte nang hpe magap da na ra ai, shi a lanu lahku mada mara ai hta nang shim nga lu na ra ai; shi a sadi sahka gaw nang hpe makawp maga ya ai hte, bau sin ya na ra ai.

GA SHAGAWP 7:2

Ngai tsun matsun ai ga hte maren, galaw u; shing rai jang, nang hkrung nga lu na ndai; na a myi tum hpe nang makawp maga nga ndai zawn, nye a sharin shaga ai ga hta hkan nang na matu, sadi sahka ai myit rawng nga u.

ZEHKARIA 2:8

Nanhte hpe adup ai wa kadai mung nye a matu manu dan htum ai hpe adup ai wa rai nga ai,” ngu nna tsun wu ai. Dai rai nna, Chyahtum Chyalai N-gun rawng ai dai Madu gaw shi a amyu masha ni hpe hpya ayai kau ai masha amyu baw ni a matu ndai mungga hte hpawn ngai hpe shangun dat wu ai:

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de Karai Kasang shangun dat ai kasa ni hpe mung nlung hte kabai sat kau ndai. U kanu gaw, uhkai ni hpe, shi a singkaw npu e jahpawng da ai zawn, na a amyu masha ni yawng hpe ngai gade lang jahpawng da mayu timung, nang n hkraw ndai.

TARA JAHPRANG 32:10

“Katsi katsang, akrin akraw, nbung sha ahpawt ai nam mali hku brak hkawm nga ma yang, shi shanhte hpe mu la wu ai. Shi hkum hpe makawp maga da wu ai zawn shi shanhte hpe makawp maga ai hte lanu lahku la nga ai.

RUHTA 2:12

Nang galaw ai amu a matu dai Madu gaw nang hpe shabrai jaw ya u ga. Shingbyi shingwung a matu nang du sa ndai hte maren, Israela a Madu Karai Kasang kaw nna hkum tsup ai chyeju kumhpa nang hkam la lu u ga law!,” ngu nna htan wu ai.