SHAKAWN KUNGDAWN 17:7 - Jinghpaw Common Language Bible 2009

⁷ Na a mauhpa tsaw ra myit madun dan nna ngai hpe hkye hkrang la e; na a makau e nga lu yang, ngai gaw nye a gumlau hpyen ni a lata kaw nna shim lum nga nngai.

Jinghpaw Hanson Version Bible

⁷ Na a hkra lata hte gumlau rawt ai ni kaw na Kamsham ai ni hpe hkye hkrang la ai wa e, Na a mauhpa chyeju madun dan mu.

SHAKAWN KUNGDAWN 17:7 ပူးပေါင်းရင်းမြစ်များ

2 HKAWHKAM 19:22

Nang hpe n kaw n law di nna asawng asang di kau nit dai gaw kadai rai nga ai zawn nang myit nawn la wu ni? Nang gaw chyoi pra ai Israela a Karai Kasang ngai hpe n gawn n sawn di kau nga nit dai.

2 HKAWHKAM 19:34

Ngai hkum nan a arawng sadang a matu mung, nye a shangun ma Dawi hpe ngai jaw da sai ga shaka a majaw mung, ndai mare hpe ngai bau sin makawp maga nga na we ai!”

2 HKAWHKAM LABAU 16:9

Dai Madu hta sadi sahka myit rawng nga ai ni hpe n-gun atsam jaw ya na nga, shi gaw mungkan ga ting hpe mada azi yu wu ai. Nang chyawm gaw angawk ai hku galaw kau nit dai majaw ya kaw nna hpyen majan tut nawng ahkrum nga na nit dai,” ngu nna tsun wu ai.

SHAKAWN KUNGDAWN 20:6

Madu shi lata san da sai hkawhkam wa hpe awng padang ninglaw jaw ya nga ai lam, ya ngai chye ni ai; shi gaw shi a chyoi pra ai sumsing lamu kaw nna shi hpe htan ya nga ai hte shi a daru magam n-gun hte shi hpe hkik hkam ai awng padang ninglaw lam ni jaw ya nga ai.

SHAKAWN KUNGDAWN 31:21

Dai Madu hpe shakawn kungdawn mu! Ngai gaw wang da ai hkrum nna gasat hkrum nga ai shaloi, ngai hpe shi a tsaw ra myit madun dan ai gaw kade wa mauhpa rai nga a hka!

SHAKAWN KUNGDAWN 31:22

Shi gaw ngai hpe shi a man kaw na gawt shapraw kau hkrum sai zawn nawn nna, ngai myit yu ai hte hkrit kau ni ai. Rai ti mung, karum la na matu shi hpe ngai shaga yang, nye a hpyi jahtau ai nsen hpe shi na ya sai.

SHAKAWN KUNGDAWN 44:3

Na a amyu masha ni gaw dai lamu ga hpe shanhte a nhtu ni hte gasat dang la lu ma ai n rai; shanhte a n-gun atsam hte dai mung hpe lu la ai n rai. Dai gaw na a daru magam atsam hte na a chyalai n-gun shanhte hpe na a tsaw ra myit madun sai ngu ai nang shanhte hte rau shanu nga ai ga sadi ni a majaw rai nga ai.

SHAKAWN KUNGDAWN 60:5

Na a daru magam n-gun hte anhte hpe hkye hkrang la mi; anhte a akyu hpyi ai ga hpe mung htan ya mi, shing rai jang, nang tsaw ra ai amyu masha ni hkye mawai la ai hkrum na mara ai.

SHAKAWN KUNGDAWN 78:12

Egutu mung hta nga ai Zoan prang yang hta e, shanhte a kaji kawa ni yu nga yang, Karai Kasang gaw mauhpa lamik kumla ni hpe madun dan nu ai.

PRU MAT 15:6

“Madu e, na a hkra lata gaw daru magam n-gun hte hkrit hpa wa rai nga ai; dai gaw gumlau hpyen ni hpe agrawp kau nga ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

KASA 2:33

Shi hpe Kawa Karai Kasang a hkra maga de dung nga lu ai ahkang aya hte shagrau da nu ai hpang, Kawa Karai Kasang ga ndat jaw da ai Chyoi Pra ai Wenyi hpe hkam la nhhtawm ya nanhte mu lu na lu ai Wenyi hpe anhte a ntsa e ru jaw dat wu ai.

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!