SHAKAWN KUNGDAWN 17:4 - Jinghpaw Common Language Bible 2009

⁴ Kaga masha ni zawn, n hkru ai ga ngai tsun ai n rai; ngai gaw na a hkang da ai ga hpe madat mara nga nngai hte kashun kashe du daw sai hkaw re ai lam ni hta hkan nang kau ni ai n rai.

Jinghpaw Hanson Version Bible

⁴ Masha a amu, na a n-gup ga hte nhtan shai nga ai, Ngai chyawm gaw, n hkru ai ni a lam hpe koi nga nngai.

SHAKAWN KUNGDAWN 17:4 ပူးပေါင်းရင်းမြစ်များ

NINGPAWT NINGHPANG 6:11

Rai ti mung shinggyim masha shagu gaw Karai Kasang a man e n hkru nga ma ai hte kashun kashe du daw sai hkaw amu gaw shara shagu hkan chyam bra nga ai.

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

YOBA 15:16

Anhte gaw n hkru ai amu hpe hka zawn lu ga ai; rai sa, anhte gaw hten mat chye ga ai; anhte gaw manu n dan ga ai.

YOBA 31:33

Kaga masha ni gaw shanhte a yubak mara ni hpe makoi shakut ma ai; rai ti mung, ngai chyawm gaw galoi mung makoi ip da ai n rai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

MAHTE 4:4

Rai ti mung Yesu gaw, “Masha gaw muk hte sha hkrung nga lu na n rai, Karai Kasang a n-gup hta na pru ai mungga nlang hte hte hkrung nga lu na ra ai, nga nna chyum laika hta tsun nga ai,” ngu nna htan wu ai.

MAHTE 4:7

Yesu gaw, “Dai Madu na a Karai Kasang hpe nang chyam yu lu na n rai, nga nna mung ka da nga ai,” ngu wu ai.

YAWHAN 17:17

Dai teng man ai lam hta na a matu shanhte hpe shachyoi shapra nna san da u; na a mungga gaw teng man ai lam rai nga lit dai.

1 KORINHTU 3:3

Dai majaw nanhte gaw shinggyim ta re ai hku naw nga nga myit dai. Nanhte hta manawn masham ai hte ga li ga law rai nga myit dai majaw, dai gaw nanhte ndai mungkan hte seng ai hku asak hkrung nga ai ni re ngu ai hpe sakse madun nga ai n rai ni?

EHPESU 6:17

Bai hkye hkrang la ai lam hpe hpri gup chyawp zawn, hkap chyawp la nna, dai Wenyi e jaw ya ai Karai Kasang a mungga ngu ai nhtu hpe ahpye nga mu.

YAKU 1:18

Shi hpan tawn da ai amyu ni yawng hta e anhte nambat langai shara lu ai alat amyu tai u ga, shi a myit ra ai hku hte maren dai teng man ai mungga hte shi anhte hpe shaprat dat mi ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.

SHINGRAN 9:11

Shanhte hta, shanhte a ntsa e up hkang nga ai hkawhkam langai mi lu ma ai; Shi a mying Hebre ga hku Abadon rai nna, Grik ga hku Apolion (de a lachyum gaw, “Jahten sharun ai wa,”) ngu ai rai nga ai.

1 SAMUELA 26:11

Dai Madu nan hkawhkam shatai da sai wa hpe machyi shangun na matu ngai myit nga tim, dai Madu hkum kau ya nga ai. Sa, shi a nri hte ntsin namtau hpe chyawm gaw la mat wa ya ga,” ngu nna tsun wu ai.

1 SAMUELA 26:9

Rai ti mung, Dawi mahtang, “Shi hpe machyi shangun lu na n rai! Shi lata san da sai hkawhkam wa hpe machyi shangun ai wa hpe dai Madu teng teng ari jaw na rai wu ai.