SHAKAWN KUNGDAWN 17:3 - Jinghpaw Common Language Bible 2009

³ Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

Jinghpaw Hanson Version Bible

³ Nang nye a myit hpe dinglik ya yu nit dai; Shana e nang ngai hpe kawan yu nna, Ngai hpe chyam yu yang, hpa mung n mu ndai: Ngai myit ai lam nye a n-gup hte n shai li ai.

SHAKAWN KUNGDAWN 17:3 ပူးပေါင်းရင်းမြစ်များ

1 HKAWHKAM LABAU 28:9

Shi gaw Shawlumon hpe, “Ngai sha e, na nwa a Karai Kasang hta yin la nna labra ai myit n rawng ai sha, awng sharawng ai myit masin hte shi hpe daw jau na ngai nang hpe tsun shadut nngai. Anhte a myit mang ai lam hte ra sharawng ai lam yawng mayawng hpe shi chye ya nga ai. Nang shi kaw sa ai rai yang, shi nang hpe hkap la na ra ai; rai ti mung, nang shi hpe kayin kau da ndai rai yang, shi nang hpe htani htana kau da na ra ai.

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

YOBA 23:10

Rai tim, ngai hkawm ai lagaw lahkam shagu hpe Karai Kasang chye nga ai; shi ngai hpe chyam dinglik yu ai rai yang, ngai san seng nga nngai hpe shi mu lu na ra ai.

YOBA 24:14

Masha sat ai wa gaw nhtoi htoi jang rawt nna, matsan mayan ni hpe sat na nga, pru sa wa ai, shi gaw shana e hkan lagu hkawm nga ai.

SHAKAWN KUNGDAWN 11:5

Shi gaw kaja ai ni hpe mung, tara n lang ai ni hpe mung maren san jep nna; tara kata ai ni hpe shi a myit masin mahkra hte n dawng nga ai.

SHAKAWN KUNGDAWN 119:106

Na a ding man ai ga matsun ni hpe madat mara hkan sa na matu, ngai dagam da ai ga sadi hte maren ngai hkan galaw shadik shatup nga na nngai.

SHAKAWN KUNGDAWN 139:1

Madu e, nang ngai hpe manaw yu nna chye nga ndai.

SHAKAWN KUNGDAWN 139:23

Karai Kasang e, ngai hpe manaw yu nna nye a myit hpe chye ya e; ngai hpe chyam dinglik yu nna nye a myit sawn ai lam hpe mu chye nga ya e.

SHAKAWN KUNGDAWN 16:7

Shi ngai hpe lam woi nga ai majaw, Madu hpe ngai shakawn na nngai; shing rai shana e mung nye a htauli htaula myit gaw ngai hpe shadum jahprang nga ai.

SHAKAWN KUNGDAWN 26:2

Madu e, ngai hpe dinglik yu nna chyam yu et, nye a myit ra ai lam ni hte myit sawn ai lam hpe san jep ya e.

SHAKAWN KUNGDAWN 39:1

“Ngai galaw ai amu hta sadi sahka hte nga na ring ngai; nye a shinglet hte ngai yubak n galaw shangun na nngai. N hkru ai masha ni, ni nga yang, ngai hpa mung tsun dan na nngai n rai,” nga nna ngai tsun ni ai.

SHAKAWN KUNGDAWN 66:10

Karai Kasang e, nang gaw wan hte gumhpraw hpe shabyawng nna jasan ai zawn, anhte hpe chyam yu nga ndai. Dai zawn, nang gaw anhte hpe chyam yu ngut nit dai.

GA SHAGAWP 13:3

Nang tsun shaga ai ga hpe sadi maja nna, na a asak hpe makawp maga nga u; abrawp abrap nga nna tsun shaga ai wa gaw, shi a hkum hpe jahten sharun nga ai.

YEREMIA 12:3

Rai ti mung, Madu e, nang gaw ngai hpe chye ndai; Ngai hpa galaw ai hte ngai nang hpe kade daram tsaw ra nga ai hpe nang mu ndai. Ndai n hkru ai amyu masha ni hpe sat na sagu ni hpe zawn dun garawt mat wa u; shanhte hpe sat kau na aten ladaw da ai du hkra shanhte hpe sin da u.

YEREMIA 50:20

Dai nhtoi du jang, ngai ngam tawn da ai ndai amyu masha ni a mara ni hpe raw dat ya na nngai majaw, Israela amyu masha ni hta hpa yubak mung mu lu na ra ai n rai. Yuda ni hta mung n hkru n shawp ai amu hpa mung kap na ra ai n rai. Dai Madu ngai nan tsun ni ai,” ngu nna tsun ai.

HOSEA 7:6

Rai sa, shanhte gaw shanhte a maw mawn ai lam gaw wan htung zawn hkru nga ma ai. Shanhte a pawt sindawng ai gaw shana tup hkru nga nna jahpawt manap e wan shinglet zawn grung nga ai.

MIHKA 2:1

Masu magaw ga tsun ai ni hte n kaja ai hku maw mawn nga ai ni a matu dai gaw kade sha hkrit hpa rai nga a hka! Shanhte gaw ahkaw ahkang pru wa ai hte rau, jahpawt nhtoi htoi wa yang shanhte maw mawn da ai n hkru n kaja ai amu ni hpe galaw ma ai.

ZEHKARIA 13:9

Ngai gaw dai naw hkrung nga ai htam mi hpe wan hte jasan jaseng la ai gumhpraw zawn shanhte hpe jasan jaseng nna chyam yu na nngai; ngai gaw aja hpe chyam yu ai zawn shanhte hpe chyam yu na nngai. Dai shaloi shanhte ngai kaw hpyi wa nna, ngai mung shanhte hpe htan ya na nngai. Shanhte gaw nye a amyu masha ni rai nga ma ai lam ngai shanhte hpe tsun dan na nngai, ngai gaw shanhte a Karai Kasang rai nga nngai hpe shanhte yin la na mara ai,” ngu nna tsun ai.

MALAHKI 3:2

Rai ti mung, shi du ai nhtoi hpe kadai hkam sharang lu na rai ta? Shi dan pru yang kadai wa hkrung nga lu na rai ta? Shi gaw ja ai sabya zawn nhprang arai hpe shatsawm ai wan zawn rai na ra ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 16:9

Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

1 KORINHTU 4:4

Hpa majaw nga yang, ngai hkum dai myit asan sha, mara n lu dum nngai; rai ti mung ngai hta mara n kap ai ngu nna ngai n tsun mayu nngai, Ngai hpe jeyang ai wa gaw dai Madu rai nga ai.

2 KORINHTU 1:12

Anhte myit kata hta asan sha gumrawng na lam langai mi nga ai; dai gaw, ndai mungkan hta anhte a asak hkrung lam, grau nna nanhte hte kanawn mazum matut mahkai ai lam ni hta masha a machye machyang hta n shamyet shanat ai sha Karai Kasang a chyeju atsam hte anhte gaw Karai Kasang jaw ai teng man san seng ai myit masin e up hkang ai hku nna amu galaw ai lam rai nga ai.

YAKU 3:2

Anhte nga manga hte gaw ya sha ya sha shut chye ga ai. Rai ti mung masha langai mi gaw, shi tsun shaga ai hta galoi mung n shut ai rai yang gaw, dai wa gaw hkum tsup ai wa rai nna shi a hkum hkrang ting hpe hkang lu ai wa rai nga ai.

1 PETRU 1:7

Dai chyam dinglik hkrum ai lam gaw Karai Kasang hpe nanhte kam sham ai myit gaw jet nga ai kun? jen yu na matu rai nga ai. Jahten kau lu ai ja hpe pyi gaw wan hta ju shabyawng nna jen kau ra ai rai nna ja hta grau hpu reng ai nanhte a makam masham hpe mung ngang grin nga na matu jen kau hkrum lu na rai nga ai. Shing rai yang Yesu Hkristu bai dan pru ai nhtoi hta shakawn kungdawn ai, hpung shingkang hte arawng sadang hpe nanhte hkam la na marin dai.

1 SAMUELA 24:10

Ya sha, dai Madu gaw nang hpe nye a lata hta lungpu hku e ap ya sai hpe nang hkum nan mu lu na rai ndai. Nye a masha nkau mi mahtang nang hpe sat kau na matu tsun ma ai, rai ti mung nang gaw hkawhkam tai na matu dai Madu lata san da sai wa rai nga ndai majaw ngai nang hpe kachyi mi mung machyi n jahkrum n-ga law, ngu na a matu myit yawn let hkam sha nga nngai.

1 SAMUELA 24:12

Dai Madu gaw an hta na shut ai wa hpe jeyang nga u ga! Ngai nang hpe dik dik n machyi jahkrum na rai nga nngai majaw ngai hte hpai shai hkra nang galaw ai amu a matu chyawm gaw shi nang hpe ari jaw u ga.

1 SAMUELA 26:11

Dai Madu nan hkawhkam shatai da sai wa hpe machyi shangun na matu ngai myit nga tim, dai Madu hkum kau ya nga ai. Sa, shi a nri hte ntsin namtau hpe chyawm gaw la mat wa ya ga,” ngu nna tsun wu ai.

1 SAMUELA 26:23

Dai Madu gaw kangka ai hte ding hpring ai ni hpe kumhpa jaw ya nga ai. Dai ni shi gaw nang hpe nye a lata hta ap ya ni ai; rai ti mung dai Madu hkawhkam shatai da sai nang hpe chyawm gaw ngai n machyi hkra kau shangun na nngai.