SHAKAWN KUNGDAWN 16:8 - Jinghpaw Common Language Bible 2009

⁸ Madu ngai hte rau nga ai hpe ngai tut nawng e adum nga nngai; shi ani sha nga nga ai majaw, hpa mung ngai hpe jahkrit shama lu sana n rai.

Jinghpaw Hanson Version Bible

⁸ Nye a man e ngai Yehowa hpe tut tut tawn da na nngai, Nye a hkra maga e shi anga nga ai majaw, ngai n shamu na nngai.

SHAKAWN KUNGDAWN 16:8 ပူးပေါင်းရင်းမြစ်များ

SHAKAWN KUNGDAWN 109:31

Hpa majaw nga yang, shi gaw matsan mayan wa hpe makawp maga ya nna; shi hpe si na tara daw dan ya ai ni a lata kaw nna hkye hkrang la ai majaw rai nga ai.

SHAKAWN KUNGDAWN 110:5

Dai Madu gaw na a hkra maga hta nga nga ai. Shi pawt sindawng ai aten hta e; hkawhkam ni hpe anyawp kau na ra ai.

SHAKAWN KUNGDAWN 121:5

Dai Madu gaw nang hpe bau sin na ra ai; shi nang hpe makawp maga na matu, na a makau e nga nga ai.

SHAKAWN KUNGDAWN 139:18

Dai hte hpe hti yu na nga yang, shanhte gaw zaibru hta n ga law htam nga ma ai. Ngai yup hprang wa ai shaloi, nang hte rau ngai naw nga na nngai.

SHAKAWN KUNGDAWN 15:5

Shi gaw amyat n la ai sha, hkoi ya ai hte mara n kap ai wa hpe masu ai sakse tai ya na matu mayun kumhpa hpe jaw tim hkap la na wa n rai. Ndai lam ni hpe galaw shadik ai ni kadai mung tut nawng e shim nga na mara ai.

SHAKAWN KUNGDAWN 21:8

Dai hkawhkam wa gaw shi a gumlau hpyen yawng mayawng hte hpe rim la na ra ai; shi hpe n dawng ai masha shagu hte hpe mung shi rim kau na ra ai.

SHAKAWN KUNGDAWN 62:3

Nanhte yawng gaw daw agrawp mat ai nhpan daram sha n-gun rawng ai masha langai mi hpe, galoi aten du hkra, shi hpe gasat na ngu nga myit ni?

SHAKAWN KUNGDAWN 62:6

Shi chyu sha ngai hpe hkye hkrang la ai hte makawp maga nga ai; shi gaw nye a dahpran shara rai nga ai, ngai galoi mung sum hkrum na n rai.

SHAKAWN KUNGDAWN 62:7

Nye a hkye hkrang la ai lam hte arawng sadang gaw Karai Kasang hta rai nga ai; shi gaw n-gun ja ai hte ngai hpe makawp maga ai wa rai nga ai, nye a shingbyi shara mung rai nga ai.

SHAKAWN KUNGDAWN 73:23

Rai ti mung, ngai nang hte rau ani sha nga nga nngai hte; nang ngai hpe lata hte jum da nga ndai.

SHAKAWN KUNGDAWN 73:26

Nye a myit masin hte hkum hkrang n-gun ni yawm mat wa tim; Karai Kasang gaw nye a n-gun rai nga ai. Ngai hta ra kadawn ai lam yawng mayawng gaw shi rai nga ai.

HEBRE 11:27

Kam sham ai hte Mawshe gaw Hkawhkam wa a masin pawt ai hpe n hkrit ai sha Egutu mung kaw na pru mat wa wu ai. Shi gaw myi hte n mu lu ai Karai Kasang hpe mu lu ai zawn Egutu mung de bai nhtang wa na hpe ningdang kau wu ai.