SHAKAWN KUNGDAWN 16:7 - Jinghpaw Common Language Bible 2009

⁷ Shi ngai hpe lam woi nga ai majaw, Madu hpe ngai shakawn na nngai; shing rai shana e mung nye a htauli htaula myit gaw ngai hpe shadum jahprang nga ai.

Jinghpaw Hanson Version Bible

⁷ Ngai hpe hpaji daw ya ai Yehowa hpe ngai sha-a na nngai, Shana e pyi nye a myit masin ngai hpe sharin ya nga ai.

SHAKAWN KUNGDAWN 16:7 ပူးပေါင်းရင်းမြစ်များ

SHAKAWN KUNGDAWN 119:148

Shana tup n yup ai sha galeng taw nga let, na a sharin shaga ai ga ni hpe myit aru yu nga nngai.

SHAKAWN KUNGDAWN 119:55

Madu e, shana na aten ngai nang hpe myit dum nga nna; na a tara lam ni hpe ngai myit sumru yu nga nngai.

SHAKAWN KUNGDAWN 119:7

Na a ding hpring ai tara dara lam ni hpe sharin la lu nna, san seng ai myit hte nang hpe ngai shakawn na nngai.

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

SHAKAWN KUNGDAWN 22:2

Nye a Karai Kasang e, shani e, ngai nang hpe shaga ti mung; nang n htan ya ndai; shana e shaga ti mung, ban sa ai lam ngai n lu nga nngai.

SHAKAWN KUNGDAWN 42:8

Dai Madu gaw shani na aten hta, shi a dinggrin tsaw ra myit hpe madun dan ya u ga; shaloi, shana na aten hta, ngai mung mahkawn shakawn lu na nngai; nye a asak a Karai Kasang hpang de akyu hpyi lu n-ga.

SHAKAWN KUNGDAWN 63:6

Ngai yupku ntsa e kaleng nga ai shaloi nang hpe dum nga nngai; nang ngai hpe tut nawng karum la nga nit dai majaw

SHAKAWN KUNGDAWN 73:21

Nye a myit sawn ai lam ni gaw ahkup nga nna nchyi nmu hkrum nga ai shaloi, nye a hkam sha ai lam ni hta myit kraw yu machyi nga ai hte

SHAKAWN KUNGDAWN 73:24

Na a sharin matsun ai ga hte ngai hpe nang woi lakawn wa nna; nang ngai hpe hpang jahtum na aten hta hpung shingkang hte hkap la na ndai.

SHAKAWN KUNGDAWN 77:2

Ngai gaw Ru tsang hkrum ai aten ni hta, Madu hpe akyu hpyi nngai; shana tup ngai gaw nye a lata ni hpe sharawt nna akyu hpyi ai, rai ti mung, shalan shabran ai lam hpe ngai n mu lu nngai.

SHAKAWN KUNGDAWN 77:6

Ngai shana tup sung sung myit sumru yu nna nga shalai kau nngai; ngai myit aru yu ai hte, ndai lam hpe nye hkum ngai san yu nngai;

GA SHAGAWP 8:14

Ngai gaw hpaji daw nna, dai ni hpe galaw shapraw nga nngai; ngai hta chye na hkawn hkrang ai myit rawng nna, n-gun atsam hte hpring nga nngai.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

ESAIA 48:17

Nang hpe hkye la ai dai Madu Israela a chyoi pra ai Karai Kasang gaw ning nga tsun ai: “Ngai gaw na a mai kaja lam a matu nang hpe sharin achyin ya mayu ai wa hte nang hkawm sa mai ang ai lam hta nang hpe lakawn la ai wa dai Madu na a Karai Kasang rai nga nngai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

YEREMIA 12:2

Nang shanhte hpe hkai da ai hte shanhte ru jung nga ma ai; shanhte tu kaba wa nna asi si nga ai. Shanhte gaw na a mai kaja lam hpe tut nawng tsun ma ai, timung, shanhte gaw nang hpe teng teng hpa zawn n nawn nga ma ai.

YEREMIA 17:10

Ngai Madu nan masha a myit mang ai lam ni hpe sawk tam yu nna shinggyim masha ni a myit masin ni hpe chyam dinglik yu nga nngai. Langai hte langai hpe tinang a arawn alai hte tinang galaw ai amu hte maren, ngai shabrai jaw na nngai,” ngu nna tsun ai.

LUKA 6:12

Dai nhtoi hte hta Madu Yesu gaw akyu hpyi na nga, dai bum de pru sa wa nna, shana tup Karai Kasang kaw akyu hpyi let nga nga ai.

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.