SHAKAWN KUNGDAWN 16:4 - Jinghpaw Common Language Bible 2009

⁴ Tsasam karai ni kaw hkan gat ganawng nang ai ni gaw shanhte hkum nan hta ru tsang lam law law hkrum wa na mara ai. Shanhte a nawng jau ai hkungga hta ngai n lawm na nngai, shanhte a karai ni hpe ngai nawku na n rai.

Jinghpaw Hanson Version Bible

⁴ Lam kaga hkan ai ni a tsin-yam law wa na ra ai. Shanhte a sai kumhpa hta, ngai ru jaw lawm na nngai n rai. Shanhte a amying nye a n-gup hte shamying na nngai, n rai.

SHAKAWN KUNGDAWN 16:4 ပူးပေါင်းရင်းမြစ်များ

NINGPAWT NINGHPANG 35:14

Karai Kasang shi hpe ga shaga ai dai shara hta Yaku gaw masat dingsat nlung langai jung da nna, dai hta e sabyi ntsin hte tsanlun sau ni ru bun let nawng da wu ai.

SHAKAWN KUNGDAWN 32:10

Tara n lang ai ni gaw nni nkri hkam sha ra na ma ai, rai ti mung, Madu hpe kam hpa nga ai ni gaw shi a dinggrin tsaw ra myit hte makawp maga la ai hkrum nga ma ai.

SHAKAWN KUNGDAWN 97:7

Hpara sumla hpe nawku ai wa kadai rai ti mung, kaya kahpa hkrum nga nna; karai ni yawng gaw Madu a man e, dingnyawm nga ma ai.

PRU MAT 23:13

“Ngai Madu nan nanhte hpe tsun ai lam magup hpe madat mu; kaga hpara ni kaw akyu hpyi lu na myit dai n rai; shanhte a mying hpe pyi hkum tsun myit.

ESAIA 57:6

Nanhte gaw dai shara hkan na manen tsawm ai nlung ni hpe hta la nna dai ni hpe karai ni hku nawku myit dai. Nanhte gaw shanhte hpe shagu hkungga ni hpe zawn sabyi ru hkaw nna shadung hkungga ni hpe la sa ya nga myit dai. Ngai gaw ndai zawn re ai amu ni yawng hta awng sharawng nga nngai ngu nanhte myit nawn da myit ni?

ESAIA 65:11

“Rai ti mung, ngai hpe kau da nna nye a chyoi pra ai Bum ngu ai Ziun hpe hpa zawn n nawn nhtawm Gad hte Meni ngu ai Gam hte Auba a karai ni hpe nawku ai dai amu gaw nanhte a matu kaga ga shai wa na ra ai.

ESAIA 66:3

“Dai amyu masha ni gaw shanhte awng sharawng ai hte maren galaw ma ai. Shanhte gaw dumsu usu hpe shagu hkungga shatai na matu mung, shinggyim masha hpe shagu hkungga shatai na matu mung sat ma ai; shanhte gaw sagu kasha hpe shagu hkungga nawng nna gwi a du hpe gang daw ma ai; shanhte gaw shadung hkungga nawng ya ma ai, wa asai hpe mung nawng ya ma ai; shanhte gaw manam pyaw ai baw hkungga nawng ma ai, hpara sumla kaw akyu hpyi ma ai. Shanhte gaw matsat shabat re ai nawku lai ni hta sharawng awng ma ai. Dai ni yawng gaw shanhte a matu maren sha rai nga ai.

YEREMIA 7:18

Shanhte shamying ai Sumsing Lamu a Hkawhkam jan ngu ai hpara num a matu ma kaji ni gaw hpun hta, lasha ni gaw wan htung galaw, numsha ni gaw muk kabaw na matu muk shadung ni hpe kayau gumchya ma ai. Shanhte gaw ngai hpe nchyi nmu byin shangun na matu kaga karai ni hpe sabyi hkungga ni ru jaw nga ma ai.

JAW JAU 23:13

Dai hte rau lusha hkungga shatai na tsanlun sau hte kayau ai shadung mani pawng mali sak jaw na rai myit dai. Shing rai ndai manam pyaw ai sangau bat hpe dai Madu awng sharawng na wu ai. Bai sabyi ntsin palin 2 jan hpe mung dai hte rau nanhte nawng jau na rai myit dai.

YONA 2:8

Akyu n rawng ai hpara sumla nawku ai ni gaw nang hta sadi dung nga ai lam kau da manu ai.

YAWSHU 23:7

Dai hpang nanhte hta naw ngam nga ai ni gaw ndai kaga masha amyu ni hte n kanawn, shanhte a hpara mying n gang, n dagam ai hte dai hpara sumla ni hpe n dingnyawm nawku lu na rai myit dai.