SHAKAWN KUNGDAWN 16:1 - Jinghpaw Common Language Bible 2009

¹ O Karai Kasang e, Ngai hpe makawp maga la e, Shim nga na matu, ngai nang hpe kam hpa nga nngai.

Jinghpaw Hanson Version Bible

¹ Karai Wa e, ngai hpe bau sin ya e; nang hta ngai shingbyi nga nngai.

SHAKAWN KUNGDAWN 16:1 ပူးပေါင်းရင်းမြစ်များ

SHAKAWN KUNGDAWN 116:6

Dai Madu gaw matsan mayan hkrum ai masha ni hpe makawp maga ya nga ai; ngai hkrit tsang hpa hkrum ai shaloi, shi ngai hpe hkye hkrang la sai.

SHAKAWN KUNGDAWN 125:1

Dai Madu hpe kam hpa nga ai ni gaw galoi mung n ashun, galoi mung shamu shamawt n nga ai Ziun Bum zawn rai ma ai.

SHAKAWN KUNGDAWN 146:5

Yaku a Karai Kasang karum la ai lam hpe hkam la lu ai ni hte dai Madu shi a Karai Kasang hta shamyet shanat nga ai ni gaw a lu ma ai.

SHAKAWN KUNGDAWN 17:5

Ngai gaw na a lam hta tut nawng e hkawm nga nngai; dai lam kaw nna galoi mung n yit yu nngai.

SHAKAWN KUNGDAWN 17:8

Tara n lang ai ni a gasat gala ai hte law la ai hpyen ni ngai hpe wang shinggrup nga ai kaw na na a myi sha ni hpe nang makawp maga ndai zawn ngai hpe na a singkaw ni a shingnip a npu e makoi da e.

SHAKAWN KUNGDAWN 22:8

“Nang gaw Madu hpe kam hpa shamyet shanat nga ndai, nang hpe shi hpa majaw n hkye la na rai wu ni? Madu gaw nang hpe ra sharawng ai rai yang, shi nang hpe hpa majaw n karum ai nga na rai wu ni?,” nga nna shanhte tsun ma ai.

SHAKAWN KUNGDAWN 25:20

Ngai hpe makawp maga ai hte hkye hkrang la e; ngai hpe hkum sum shangun nga et. Shim lum nga na matu, nang kaw ngai sa du nngai.

SHAKAWN KUNGDAWN 31:23

Shi a kangka ai amyu masha ni yawng hte e, dai Madu hpe tsaw ra nga mu. Dai Madu gaw kangka ai ni hpe makawp maga nga ti mung, gumrawng gumtawng ai ni hpe chyawm gaw shanhte hkam la ging ai hte maren ari jaw ya nga ai.

SHAKAWN KUNGDAWN 37:28

hpa majaw nga yang, Madu gaw teng man ai lam hpe tsaw ra nga nna; kangka ai shi a amyu masha ni hpe n kau da nga ai majaw rai nga ai. Shi gaw shanhte hpe htani htana makawp maga nga ai, rai ti mung, tara n lang ai wa a aru arat ni gaw gawt shapraw kau ai hkrum na mara ai.

SHAKAWN KUNGDAWN 56:1

Karai Kasang e, ngai gaw gasat gala ai hkrum nga nngai, nye a gumlau hpyen ni ngai hpe aten shagu zingri zingrat nga ma ai majaw, ngai hpe matsan dum la e law.

SHAKAWN KUNGDAWN 60:1

Karai Kasang e, nang gaw anhte hpe ningdang kau nna; anhte hpe sum shangun kau nit dai. Nang gaw anhte hpe masin pawt kau ti mung, ya chyawm gaw, anhte hpang de bai kayin mada la mi.

SHAKAWN KUNGDAWN 7:1

O Madu nye a Karai Kasang e, makawp maga la na matu, ngai nang kaw du sa nngai; ngai hpe hkan shachyut ai ni yawng a lata kaw nna, ngai hpe mawai la ai hte hkrang shaw la e;

SHAKAWN KUNGDAWN 7:2

shing n rai yang, shanhte gaw hkanghkyi zawn ngai hpe kawa hpai mat wa na maru ai, ngai hpe hkye hkrang la na, kadai mung n nga ai shara hta, shanhte gaw ngai hpe ashep ashin di gang je kau na mu ai.

SHAKAWN KUNGDAWN 84:12

Chyahtum Chyalai n-gun rawng ai Madu e, nang hpe kam hpa nga ai ni gaw kade wa a lu nga ma hka!

SHAKAWN KUNGDAWN 9:10

Madu e, nang hpe chye ai ni gaw nang hpe kam hpa na mara ai; nang kaw sa ai ni kadai hpe mung, nang kau da nga ndai n rai.

SHAKAWN KUNGDAWN 97:10

N hkru ai ni hpe n ju n dawng nga ai ni hpe Madu tsaw ra nga ai; shi gaw shi a amyu masha ni a asak ni hpe makawp maga ya nna, tara n lang ai masha ni a n-gun atsam kaw nna mung, shanhte hpe mawai la nga ai.

GA SHAGAWP 2:8

Shi gaw kaga masha ni a ntsa e, tara rap ra ai hku kanawn mazum ai ni hpe makawp maga ya nna, shi hta myit maju jung ai ni hpe bau sin ya nga ai.

2 KORINHTU 1:9

Anhte gaw si ari daw dan hkrum ai ni rai ga ai ngu nna pyi tinang hkum hpe nawn da ga ai. Rai ti mung ning rai byin ai lam gaw, anhte gaw tinang a hkum hpe n kam hpa ai sha si mat ai ni hpe hkrung sharawt ai Karai Kasang hta shamyet shanat kam hpa nga na matu rai nga ai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.