SHAKAWN KUNGDAWN 15:3 - Jinghpaw Common Language Bible 2009

³ kaga masha ni hpe shatan nhkan ga n tsun nga ai. Shi gaw shi a manang ni hpe shut hpyit ai amu hpa mung n galaw ai hte, shi a htingbu ni a lam shiga n shapoi ya nga ai.

Jinghpaw Hanson Version Bible

³ Shi a shinglet hte baw law ai ga n tsun ai: Shi a jinghku wa hpe n shawp ai hku n galaw ai, Shi a htingbu wa hpe kaya kahpa n jahkrum ai wa;

SHAKAWN KUNGDAWN 15:3 ပူးပေါင်းရင်းမြစ်များ

GA SHAGAWP 22:10

Rai dum ai wa hpe shaden kau u, shaloi dai shara hta ga law ga la ai, n dang kalang re ai hte n gawn n sawn mying gang ai lam hpa mung n nga mat na ra ai.

GA SHAGAWP 25:3

Sumsing lamu gaw tsaw nga nna, nammukdara hka gaw sung nga ai zawn, hkawhkam wa a myit mang ai lam hte shi a myit sumru ai lam hpe anhte n dang dep hkawn nga ai rai nna, dai hpe nang galoi mung, chye lu ai n rai.

ESAIA 56:2

Ngai gaw Bansa Nhtoi hpe tut nawng hkan sa nna dai nhtoi hpe awu asin n di ai ni hpe shaman ya na nngai. Ngai gaw n hkru ai amu hpa mung n galaw ai ni hpe shaman ya na nngai,” ngu nna tsun ai.

JAW JAU 19:16

Marai langai ngai a lam hpe shi wawn shi htawn hkum rai myit. Marai langai ngai gaw shi asak a majaw jeyang hkrum wu ai shaloi karum la na matu sakse hkam ya u. Ngai gaw dai Madu rai nga nngai.

MAHTE 7:12

“Nanhte gaw, masha ni nanhte a matu hpa hkan galaw na tsaw matsaw hte maren, nanhte mung dai hku shanhte a matu hkan galaw mu: dai gaw Mawshe a jep ai Tara hte myihtoi ni a sharin shaga ai lam a lachyum nan rai nga ai.

ROMA 1:30

Shanhte gaw ga shaga baw law ai ni, kaga wa a sari jahpoi ai ga, kadum kahte ai ni, Karai Kasang hpe n dawng ai ni, manang wa hpe n kaw n law rai aroi ara re ai ni, gumrawng gumtawng ai ni, shakawng shakat rai grang dakat ai ni, n hkru n kaja ai amu amyu myu hpe myit shapraw nna galaw ai ni, kanu kawa ni a ga n madat ai ni,

ROMA 12:17

Nanhte hpe masha langai ngai n hkru n kaja ai hku tai yang, shi hpe n hkru n kaja ai hku hkum tai mu, masha shagu a myit hta htap htuk mai kaja ai ngu myit sawn la mai ai amu galaw na shakut shaja nga mu.

ROMA 13:10

Tinang a htingbu wa hpe tsaw ra ai wa gaw, dai wa hpe galoi mung n hkru n hkra ai lam galaw na n rai. Dai rai nna tsaw ra ai myit gaw jep ai Tara hpe shatup shadik ai lam rai nga ai.

TITU 3:2

Kadai hpe mung n kaja ai hku shatan nhkan ga n tsun ai sha sim sa ngwi pyaw hku hkau ai hku nga na hte, tut nawng masha yawng hte hpe sumnung ai myit madun dan mu ga, shanhte hpe tsun shadum nga u.

YAKU 4:11

Hpu nau ni e, nanhte shada da mara tam dinglun ai lam hkum galaw myit; tinang a Hkristan hpu nau wa langai mi hpe mara tam dinglun ai, shing n rai jeyang ai wa kadai mung dai Tara hpe mara tam dinglun ai hta n ga, dai hpe jeyang ai wa mung rai nga ai. Nanhte gaw Tara hpe jeyang myit yang gaw, dai Tara hpe madat mara hkan sa ai ni n rai, dai hpe jeyang ai ni sha rai manit dai.

3 YAWHAN 1:11

Nye a tsaw ra ai jinghku wa e, n kaja ai lam hpe n re ai sha kaja ai lam hpe len la nga u. Kaja ai amu galaw ai wa gaw Karai Kasang hte seng nga ai; n kaja ai amu galaw ai wa chyawm gaw Karai Kasang hpe garai n mu n chye wu ai.

1 SAMUELA 24:11

Yu yu u, nye wa e, ya ngai lang da nga ai na a ntsa palawng adaw achyen hpe mada yu u! Ngai nang hpe sat kau lu sha gaw rai sai, rai ti mung shing rai galaw na malai ndai adaw hpe sha kadoi di la nngai. Ndai hpe yu nna ngai nang hpe gumlau na matu n myit hkawn nga ai hpe mung, nang hpe n machyi shangun mayu ai hpe mung, nang hpe chye na hkawn hkrang shangun mayu nngai. Ngai chyawm gaw nang hpe hpa mung n shut n hpyit kau yu tim, nang mahtang ngai hpe sat kau na matu tam gyam hkawm nga ndai.