SHAKAWN KUNGDAWN 15:2 - Jinghpaw Common Language Bible 2009

² Lam shagu hta Karai Kasang a ga hpe madat mara ai wa gaw teng man ai amu hpe tut nawng e galaw nga nna; shi tsun ai ga mung teng man ai hte myit malang nga ai majaw,

Jinghpaw Hanson Version Bible

² Tara hkan ai myit hte hkawm nna, dinghpring ai amu galaw let, Shi a myit hta dingman ai ga tsun ai wa;

SHAKAWN KUNGDAWN 15:2 ပူးပေါင်းရင်းမြစ်များ

SHAKAWN KUNGDAWN 24:4

Sat lawat hte myit sawn ai lam hta san seng ai ni, hpara sumla ni hpe n nawku ai ni n teng n man ai ga sadi ni hpe n jaw ai ni rai ma ai.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

GA SHAGAWP 20:7

Myit malang nna jaw ai amu hpe galaw ai kawa hpe lu la ai kasha ni gaw a nga ai.

GA SHAGAWP 28:18

Myit malang nga u, shaloi nang shim nga na ra ai; nang lama n ding n man nga ai rai yang, akajawng sha kataw mat na rin dai.

ESAIA 33:15

Nanhte gaw jaw ai amu hpe tsun nna galaw ai rai yang nanhte asak hkrung lu na myit dai. Matsan mayan masha ni hpe masu hkalem na matu na a daru magam n-gun hpe hkum lang et; mayun kumhpa ni hkum hkap la et. Masha sat amu galaw maw mawn ai ni hte kaga n hkru ai amu galaw ai ni hte hkum kanawn et.

ESAIA 63:8

Dai Madu gaw, “Shanhte gaw nye a amyu masha ni rai nga ma ai; shanhte ngai hpe masu hkalem na mara ai n rai,” ngu nna tsun ai. Dai rai nna shi gaw shanhte hpe

MIHKA 2:7

Israela amyu masha ni gaw dagam dala hkrum nga ma ai ngu nna nang myit lu nga a ni? Dai Madu hta hkam sharang ai myit n rawng mat nu ai kun? Shi gaw dai zawn re ai amu hpe teng teng galaw wa na rai nga a ni? Shi gaw teng man ai amu galaw ai ni hpe matsan dum lama ai myit hte tsun shaga ai n rai ni?,” ngu nna tsun ai.

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

KASA 10:35

Karai Kasang gaw shi hpe hkrit hkungga nawku daw jau nna ding hpring ai amu galaw ai wa kadai hpe mung amyu n lata ai sha sharawng awng hkap la nga ai.

ROMA 2:10

Karai Kasang gaw shawng nnan e Yuda masha ni hpe rai ti mung, dai hpang maigan masha ni hpe rai ti mung, mai kaja ai bungli shachyen ai ni nlang hte hpe hpung shingkang arawng sadang hte ngwi pyaw simsa ai lam jaw na maru ai.

GALATI 2:14

Ya shanhte Kabu Gara Shiga a teng man ai lam hta ding ding n hkawm n sa nga ma ai hpe ngai mu mawe ai shaloi, shanhte yawng a man e Petru hpe, “Nang gaw Yuda masha rai nga ninglen Yuda masha zawn n rai, maigan masha ni zawn rai nga nhtawm me, maigan masha ni hpe Yuda masha ni zawn sak hkrung nga lu hkra kaning di shadut shagwi lu na n ta?,” ngu nna ngai tsun we ai.

EHPESU 2:10

Hpa majaw nga yang, anhte gaw Karai Kasang e tau hkrau lajang da sai mai kaja ai magam bungli ni hpe galaw na matu, Hkristu Yesu hte langai sha rai nga ai a marang e, Karai Kasang gaw anhte hpe hpan da mani ai.

EHPESU 4:25

Dai majaw masu ai ga hkum tsun mu; langai hte langai gaw tinang a kam sham ai hpu nau wa hpe teng man ai ga sha tsun u ga, hpa majaw nga yang, anhte yawng gaw Hkristu ngu ai hkum hkrang a daw chyen ni rai nga ga ai.

KOLOSE 3:9

Shada da masu magaw ga hkum tsun myit; hpa majaw nga yang, dai gawng shingyan dingsa hte hpawn tinang a arawn alai ni hpe nanhte raw kau nna gawng shingyan ningnan hpe dagraw la manit dai.

HEBRE 11:33

Dai ni gaw kam sham ai hte masha mungdan ni hpe gasat nna dang kau lu ma ai, Shanhte gaw ding hpring ai lam hpe hkan sa galaw nna Karai Kasang ga sadi jaw da ai lam hpe hkam la ma ai. Hkanghkyi ni a n-gup ni hpe pat kau lu ma ai.

1 YAWHAN 2:29

Hkristu gaw ding hpring nga ai hpe nanhte chye yang gaw dai ding hpring ai hku galaw hkawm sa ai masha shagu gaw Karai Kasang a kashu kasha ni rai nga ma ai hpe nanhte chye ang myit dai.

1 YAWHAN 2:6

Hkristu hkan sa galaw ai zawn hkan sa asak hkrung ai wa chyu sha Karai Kasang hte langai sha tai nna asak hkrung ai wa re ngu nna tsun lu nga ai.

1 YAWHAN 3:7

Shu sha ni e, kadai mung nanhte hpe lam n shadam myit ga; Hkristu gaw ding hpring nga ai hte maren, ding hpring ai amu galaw ai wa kadai rai ti mung ding hpring nga ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.