SHAKAWN KUNGDAWN 149:3 - Jinghpaw Common Language Bible 2009

³ Shi a mying nsang hpe ka manawt let shakawn mu; chying bau ni hte tingse ni hpe dum nna shi hpe shakawn mu.

Jinghpaw Hanson Version Bible

³ Ka let shi a amying hpe shakawn mu: Shupsheng hte tingse dum let, shi hpe mahkawn mangoi nga mu ga.

SHAKAWN KUNGDAWN 149:3 ပူးပေါင်းရင်းမြစ်များ

2 SAMUELA 6:14

Dawi mung shi a nshang grup hta sha, lachyit sumpan hpun da nna dai Madu hpe shagrau sha-a na nga shi a n-gun lagaw mahkra hte ka manawt nga ai.

2 SAMUELA 6:16

Dai Sumpu hpe mare kata de la shang wa nga ma yang, Shawlu a shayi sha Mihkala gaw hkuwawt hku mada yu wu ai, shaloi Hkawhkam Dawi gaw chyoi pra ka manawt hte gumlawt wa nga ai hpe mu wu ai rai nna hkyet yu sharung da wu ai.

1 HKAWHKAM LABAU 16:42

Mahkawn mangoi let shakawn kungdawn nga ma yang, Heman hte Yeduhtun yan mung pahke hte shupsheng ni hpe mung, kaga madum sumpyi ni hpe mung woi awn dum ma ai. Yeduhtun a amyu lakung ni chyawm gaw chyinghka ni hpe sin nga ma ai.

1 HKAWHKAM LABAU 25:6

Shi a shadang sha ni yawng gaw shanhte a kawa matsun madun ai npu hta Nawku Htingnu e nawku daw jau ai shaloi tingse madum sumpyi hte shupsheng ni hkan dum nang ma ai. Dai rai nna Asap, Yeduhtun hte Heman ni gaw hkawhkam a hkang da ai ga hte maren galaw ma ai.

2 HKAWHKAM LABAU 20:28

Shanhte gaw mare de du wa ai shaloi tingse sumpyi hte pahtau ni hpe dum let, mare na Nawku Htingnu de du wa ma ai.

2 HKAWHKAM LABAU 29:25

Dai hkawhkam wa gaw hkawhkam wa a myihtoi rai nga ai Gad hte myihtoi Nahtan yan a ga hku nna hkawhkam Dawi hpe dai Madu jaw ya ai Nawku Htingnu kata e tingse sumpyi, shupsheng ni hte,

EZRA 3:10

Htingnu gaw gap masha ni Nawku Htingnu npawt nhpang jahkrat hpang wa ma ai shaloi, hkinjawng ni gaw shanhte a palawng galu hpun nna lata hta pahtau lang let shara la shajang ma ai; Asap amyu lakung na Lewi masha ni mung shup sheng lang let dai yang e tsap nga ma ai. Shanhte gaw Hkawhkam Dawi a prat kaw nna hkang da ai matsun madun ga ni hte maren, dai Madu hpe shakawn kungdawn ma ai.

SHAKAWN KUNGDAWN 30:11

Nang gaw nye a yawn hkyen ai hpe kabu gara ka gumlawt ai hte galai ya nit dai; nye a myit yawn ai lam hpe nang la kau ya nna, kabu gara ai hte ngai hpe shinggrup da ya nit dai.

SHAKAWN KUNGDAWN 33:2

Dai Madu hpe tingse ni hte dum shakawn mu, sumri rawng ai madum sumpyi ni hte shi hpe shakawn mu.

SHAKAWN KUNGDAWN 81:2

Madum sumpyi shawng dum ai hte hpang wa mu, shup sheng ni hpe dum mu; pyaw ngawn ai tingse sumpyi hte daw raw ni hte dum mu.

SHAKAWN KUNGDAWN 81:3

Shata praw hte shagawng shani e, poi galaw na matu, pahtau dum mu.

SHAKAWN KUNGDAWN 87:7

“Ziun gaw anhte a shaman chyeju lam yawng hte hpe hkam la shangun ai hka hpawk rai nga ai,” nga nna shanhte ka manawt ai hte mahkawn shakawn ma ai.

PRU MAT 15:20

Arun a kana, myihtoi num Miriam gaw shi a chying la nna, numsha ni yawng mung shi a hpang hkan let chying ni hpe dum nhtawm ka ma ai.

YEREMIA 31:13

Dai hpang, numsha ni gaw ka manawt ai hte kabu gara na mara ai, lasha kaji kaba ni gaw kabu gara na mara ai. Ngai gaw shanhte hpe shalan shabran ai hte shanhte a sharung shayawt ai hpe kabu gara lam shatai ya na nngai, shanhte a yawn hkyen ai hpe kabu pyaw shangun na nngai.

YEREMIA 31:4

Ngai gaw nanhte hpe kalang mi bai de da na mawe ai. Nanhte gaw kalang mi bai chying bau ni dum let kabu gara ai hte ka manawt lu na rai myit dai.

TARA AGYI 11:34

Yephta gaw shi a dum nta nga ai Mizpa mare de nhtang wa wu yang, dai yang e shi a shayi sha shup sheng dum let ka manawt nhtawm shi hpe hkap tau la na nga, pru sa wa nga ai. Dai numsha gaw shayi sha shingtai rai nga ai.