SHAKAWN KUNGDAWN 149:2 - Jinghpaw Common Language Bible 2009

² Israela amyu masha ni e, nanhte a Hpan Madu a majaw kabu gara nga mu; Ziun a amyu masha ni e, nanhte a hkawhkam wa a majaw kabu gumrawng nga mu!

Jinghpaw Hanson Version Bible

² Israela gaw shi a Hpan Wa Ningsang hta kabu nga nna, Ziun a kashu kasha ni shanhte a Hkawhkam hta, sharawng awng nga mu ga.

SHAKAWN KUNGDAWN 149:2 ပူးပေါင်းရင်းမြစ်များ

YOBA 35:10

Rai ti mung, shanhte gaw shanhte a Hpang Wa Ningsang, nsin sin htum ai aten hta shanhte hpe myit mada shara jaw ya ai Karai Kasang hpang de kayin wa ma ai n rai.

SHAKAWN KUNGDAWN 47:6

Karai Kasang hpe mahkawn shakawn mu! Anhte a hkawhkam wa hpe mahkawn shakawn mu!

SHAKAWN KUNGDAWN 95:6

Sa marit, anhte shi hpe dingnyawm ai hte nawku daw jau ga; anhte a Madu Hpan Wa Ningsang Wa a man e, lahput hput di ga.

ESAIA 43:15

Ngai gaw dai Madu na a chyoi pra ai Karai Kasang rai nga nngai. Israela e, Ngai gaw nang hpe hpan da nngai, ngai gaw na a hkawhkam rai nga nngai,” ngu nna tsun ai.

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

ESAIA 54:5

Na a Hpan madu gaw na a matu madu wa zawn tai na ra ai- Chyahtum Chyalai N-gun rawng ai dai Madu gaw shi a mying rai nga ai. Israela a chyoi pra ai Karai Kasang gaw nang hpe hkye la na ra ai- shi gaw mungkan ga ting a up hkang du wa rai nga ai.

YOELA 2:23

Ziun a amyu masha ni e, kabu gara nga mu, dai Madu nanhte a Karai Kasang nanhte a matu galaw ya sai amu hta kabu sharawng nga mu. Shi gaw nanhte hpe aten ram ai marang nhpaw jaw manit dai; shi gaw nshung marang hpe mung, marang shadoi hpe mung, shawng de na hte maren, nanhte a matu jahtu ya nga sai.

HABAKU 1:12

Madu e, nang gaw moi chyaloi nhkoi prat kaw nna Karai Kasang rai nga ndai. Nang gaw nye a Karai Kasang rai nna, chyoi pra ai hte htani htana agrin nga ndai. Dai Madu nye a Karai Kasang hte ngai hpe makawp maga ai wa e, nang gaw Babelon masha ni hpe lata la nna shanhte hpe n-gun shaja ya nga ndai, shing rai shanhte gaw anhte hpe ari jaw lu nga ma ai.

ZEHPANI 3:14

Israela amyu masha ni e, kabu gara mahkawn mangoi ai hte jahtau garu nga mu! Yerusalem e, na a myit masin mahkra hte kabu awng sharawng nga u!

ZEHPANI 3:15

Dai Madu gaw nanhte a ari ahpri hpe jahkring kau nna nanhte a gumlau hpyen ni yawng hpe la kau ya na ra ai. Dai Madu Israela a hkawhkam gaw nanhte hte rau anga nga ai; Dai shara hta ya kaw nna hkrit tsang shara hpa mung nga na n rai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

MAHTE 21:5

Myihtoi gaw, “Ziun mare hpe tsun mu: Yu u, nanhte a hkawhkam wa gaw nanhte hpang de du sa wa ra ai! Shi gaw shagrit shanem ai myit hte, lawze kanu a kasha a ntsa e jawn nga ai; rai sa, lawze kanu a kasha ntsa e jawn nga ai,” nga ai.

MAHTE 25:34

Shaloi dai Hkawhkam wa gaw, shi a hkra maga de nga ai ni hpe, ‘Nye a Wa kaw na shaman ya ai lu la ai ni e! Sa marit! Ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu.

LUKA 19:27

Dai hta kaga, ya shanhte a ntsa e ngai hkawhkam tai nna up na n ra ai nye a hpyen ni hpe shaga dun wa nna, nye a man e sat kau maru,’ ngu nna hkang dat mu ai.

LUKA 19:38

“Madu a mying nsang hte du sa ai hkawhkam wa hpe Karai Kasang shaman ya u ga law! Sumsing lamu e ngwi pyaw ai hte, Tsaw htum ai shara e Karai Kasang a hpung shingkang rawng nga u ga law!” nga ma ai.

YAWHAN 19:15

Dai masha ni gaw, “Shi hpe sat kau mu! Sat kau mu! Wudang hta jen sat kau u!,” nga nna jahtau ma ai. Bai Pilat gaw, “Nanhte a hkawhkam wa hpe ngai wudang hta jen nna sat kau shangun mayu myit ni?,” ngu nna shanhte hpe san mu ai. Shaloi Hkinjawng agyi ni gaw, “Kehta Hkawhkam hta kaga anhte Hkawhkam n lu ga ai,” ngu nna htan mu ai.

TARA JAHPRANG 12:7

Dai yang e, dai Madu nanhte a Karai Kasang a hpung shingkang hte nanhte hpe shaman ya manit dai majaw nanhte galaw ai mai kaja lam ni hta nanhte hte nanhte a dinghku masha ni lu sha nna kabu gara nga na rai myit dai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

SHINGRAN 19:6

Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, “Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai!

1 SAMUELA 12:22

Dai Madu gaw kangka ai ga sadi shaka da nu ai hte maren, nanhte hpe shi a amyu masha majing shatai na, shi daw dan da nu ai majaw, shi nanhte hpe kau da na n rai.