SHAKAWN KUNGDAWN 148:5 - Jinghpaw Common Language Bible 2009

⁵ Dai Madu a mying nsang hpe yawng jawm shakawn nga mu ga! Na a mungga majaw, nga yawng danghta hpan da hkrum nga ai;

Jinghpaw Hanson Version Bible

⁵ Yehowa htet da nu ai rai nna, dai ni hpe hpan da wu ai majaw, Shi a amying nsang hpe shakawn kungdawn mu.

SHAKAWN KUNGDAWN 148:5 ပူးပေါင်းရင်းမြစ်များ

NINGPAWT NINGHPANG 1:6

Dai hpang Karai Kasang gaw, “Hka hpungnung hpe karan nna hka hte hka lahkawng brang karan na matu lamu madin nga u ga,” ngu nna hkang dat wu yang dai mung byin nga sai. Dai rai nna Karai Kasang gaw lamu madin hpe galaw nna madin kata e nga ai hka hte madin ntsa e nga ai hka hpe karan da wu ai.

SHAKAWN KUNGDAWN 103:20

Chyahtum Chyalai n-gun hte hpring nga nna Madu a hkang da ai ga ni hpe madat mara hkan sa let, shi tsun ai ga ni hpe madat mara nga ai lamu kasa ni e, shi hpe shakawn kungdawn nga mu.

SHAKAWN KUNGDAWN 95:5

Shi hpan da ai panglai hka hte shi hkum nan hkrang shapraw gaw da ai lamu ga hpe mung, shi up nga ai.

AMO LAIKA (AMOS) 9:6

Dai Madu gaw shi a nta hpe sumsing lamu ni hta gap da nna, ginding aga a ntsa e lamu madin tawn da nga ai. Shi gaw panglai hka ni hpe shaga dat nna dai ni hpe ginding aga ntsa de ru dat wu ai. Shi a mying shingteng gaw dai Madu rai nga a hka!

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.