SHAKAWN KUNGDAWN 146:7 - Jinghpaw Common Language Bible 2009

⁷ Shi gaw dip gamyet sha hkrum ai ni a hpang maga de, tara dara ya nna; kaw si hkrum ai masha ni hpe lusha shahpa jaw ya nga ai. Dai Madu gaw bawng dung ai ni hpe mung shalawt dat wu ai.

Jinghpaw Hanson Version Bible

⁷ Nni nkri hkrum ai ni hpe shi tara dara ya mu ai, Hku hku hkrum ai ni hpe lusha shahpa jaw mu ai. Yehowa gaw bawng dung ai ni hpe raw dat mu ai;

SHAKAWN KUNGDAWN 146:7 ပူးပေါင်းရင်းမြစ်များ

SHAKAWN KUNGDAWN 10:18

Zingri zingrat hkrum ai ni hte jahkrai nmai ni a hpyi jahtau ai nsen ni hpe nang na ya na ndai; nang gaw shanhte a maga de tara jeyang ya ai shaloi shinggyim masha ni gaw hkrithpa lam hpe bai naw shabyin sana n rai.

SHAKAWN KUNGDAWN 103:6

Madu gaw dip gamyet sha hkrum nga ai ni hpang maga de, tara dara ya nga nna; shanhte lu la ang ai ahkaw ahkang ni hpe jaw ya nga ai.

SHAKAWN KUNGDAWN 12:5

“Rai ti mung, ra kadawn ai ni gaw dip gamyet sha hkrum nga ma ai hte, zingri zingrat hkrum ai ni machyi madai sharung nga ma ai majaw, shanhte marit nga ai shim lam, ngai shanhte hpe jaw ya na matu, ya jang, ngai sa wa na nngai,” nga nna Madu tsun ai.

SHAKAWN KUNGDAWN 136:25

Shi gaw hkrung mahkrung guji guyang yawng hte hpe lusha jaw sha nga ai; shi a tsaw ra myit htani htana agrin nga ai.

SHAKAWN KUNGDAWN 142:7

Myit ru myit yak hkrum nga ai kaw nna ngai hpe shalawt la e; shaloi, na a mai kaja ai lam ni a majaw na a amyu masha ni a hpawng hta, nang hpe ngai shakawn kungdawn nga na nngai law.

SHAKAWN KUNGDAWN 35:10

“Nang hte bung ai wa langai mi mung n nga nga ai, nang gaw n-gun ja ai wa a lata kaw na gawng kya nga ai wa hpe, dip gamyet sha ai wa a lata kaw na matsan mayan wa hpe makawp maga ya nga ndai,” ngu nna nye a myit masin mahkra hte dai Madu hpe tsun dan na nngai.

SHAKAWN KUNGDAWN 68:6

Garen gari nga ai wa hpe shanu nga na nta shi jaw ya nga ai; bawng dung ai ni kabu gara ai shanglawt ahkaw ahkang lu la na matu, shi woi awn nga ai; rai ti mung, gumlau ai ni gaw akrin akraw re ai lamu ga hta shanu nga na mara ai.

SHAKAWN KUNGDAWN 68:7

O Karai Kasang e, na a amyu masha ni hpe nang woi awn nna; nam mali hpe nang woi lai mat wa ai shaloi,

SHAKAWN KUNGDAWN 72:4

Hkawhkam wa gaw matsan mayan masha ni hpe rap ra ai hku tara jeyang lu u ga; ra kadawn ai ni hpe mung karum ya lu u ga, shanhte hpe dip gamyet sha ai ni hpe dang kau lu u ga.

SHAKAWN KUNGDAWN 9:16

Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

ESAIA 9:4

Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.

YEREMIA 31:14

Ngai gaw hkinjawng ni hpe mu htum ai lusha hte jahpring ya na nngai, nye a amyu masha ni a ra kadawn ai lam yawng hpe myit shadik ya na nngai. Dai Madu ngai nan tsun ni ai,” ngu nna tsun ai.

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

LUKA 1:53

Kawsi hkrum ai ni hpe kaja ai hte jahkru shakat nna, sut su ai ni hpe kaman dat dat nu ai.

LUKA 4:18

“Madu a Wenyi nye a ntsa e nga nga ai: matsan mayan ni hpe Kabu Gara Shiga hkaw tsun dan na matu, Shi ngai hpe namman jaw ya ni ai. bawng dung ai ni hpe shalawt lu na lam, myi kyaw ai ni hpe myi bai mu na lam, hkaw tsun na matu mung, zingri zingrat hkrum ai ni hpe dat dat shangun na hte,

LUKA 9:17

Shaloi shawa masha ni sha nna yawng hkru kat mat ma ai. Shanhte a angaw angam adaw ahkyep hkan hta lahkawn la yang, ka shi lahkawng hpring dem naw rai nga ai.

KASA 16:26

Shaloi grai ja ai nnang nawn kaba langai mi wa nna, htawng nta npawt nhpang ni awam wa ai, shaloi jang chyinghka ni mahkra hpaw malang mat shajang nna bawng masha ni yawng a hkang hkyihkyang ni malaw mat wa ai.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,