SHAKAWN KUNGDAWN 146:4 - Jinghpaw Common Language Bible 2009

⁴ Shanhte si mat wa ai shaloi, ga nhpu de bai nhtang mat wa ai; dai shani jang, shanhte a maw mawn ai lam yawng htum mat nga manu ai.

Jinghpaw Hanson Version Bible

⁴ Shi a nsoi nsa hkyet mat yang, shi ga de bai nhtang mat wa ai rai nna, Dai shani jang, shi maw ai hku yawng hten mat wa ai.

SHAKAWN KUNGDAWN 146:4 ပူးပေါင်းရင်းမြစ်များ

NINGPAWT NINGHPANG 2:7

Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

NINGPAWT NINGHPANG 3:19

Ga hte nang shachyaw da ai hkrum nga ndai majaw ga de nang bai nhtang wa ai aten du hkra, ga kaw nna hpa hpe mung tu shaprut lu na matu nang gaw salu salat hte bungli shaja sha ra na ndai. Nang gaw ga hte shachyaw da nga ndai majaw ga bai tai na rin dai,” ngu nna tsun wu ai.

NINGPAWT NINGHPANG 6:17

Ngai mung asak hkrung ai ni yawng hte hpe shamyit kau na matu ga ntsa de hka kaba hte sha-u sha-ing dat na nngai. Ga ntsa na nga manga hte gaw si htum mat na mara ai,

YOBA 14:10

Rai ti mung anhte gaw si mat ai hte dai gaw anhte a hpang jahtum na lam rai nga ai; anhte si mat ga ai, anhte kanang e rai nga ga ai kun?

YOBA 14:21

Anhte a kashu kasha ni shagrau sha-a hkrum nga ma ai, rai ti mung de a lam anhte galoi mung n chye ga ai, shanhte kaya hkrum nga ma ai shaloi, anhte tsun hkrum nga ga ai n rai.

YOBA 17:1

Nye asak a jahtum aten gaw ni wa magang nga sai. Ngai gaw nsa sa yak nga nngai; lup sung hku hta jan nna nye a matu hpa mung ngam nga ai n rai.

YOBA 17:11

Nye a nhtoi ni lai mat wa sai; nye a yaw shada ai lam ni mung hkrat sum mat sai; nye a myit mada shara htum mat sai.

YOBA 27:3

Karai Kasang ngai hpe nsoi nsa jaw ya nga dingsa,

SHAKAWN KUNGDAWN 104:29

Nang myi man kayin mat wa ai shaloi, dai ni hkrit nga ma ai; dai ni a nsoi nsa ni hpe, nang dawm la kau ya ai shaloi, shanhte si wa nna, shanhte pru wa ai ga nhpu kaw nna dai ga nhpu de bai nhtang mat wa ma ai.

SHAKAWN KUNGDAWN 33:10

Dai Madu gaw masha amyu baw ni a shatawng shada ai lam ni hpe shanut kau ya nga ai; shanhte a maw mawn ai lam ni n awng dang u ga, shi shanhte hpe hkum shingdang da nga ai.

SHAKAWN KUNGDAWN 90:3

Nang gaw shinggyim masha ni hpe ga nhpu de bai shabai kau nna; shanhte hpe mi na shara de nhtang wa masu, nga nna nang tsun nga ndai.

HPAJI NINGLI 12:7

Anhte a hkum hkrang ni gaw ga nhpu de nhtang mat wa na ra ai. Asak a nsoi nsa chyawm gaw anhte hpe jaw ya ai Karai Kasang hpang de nhtang wa na ra ai.

HPAJI NINGLI 9:6

Shanhte a tsaw ra ai lam ni, n ju n dawng lam ni hte ra marit ai lam ni yawng gaw shanhte hte rau si mat nga ai. Shanhte gaw ndai mungkan hta byin hkrum hkra ai hpa lam hta mung galoi mung shang lawm lu sana ma ai n rai.

ESAIA 2:22

Si chye ai shinggyim masha ni hta hkum kam hpa nga et. Shanhte hpa tai nga ma ta?

SHARUNG SHAYAWT 4:20

Shanhte gaw dai Madu lata san da sai anhte a asak hka hpawk rai nga ai, Anhte hpe shang gasat ai hpyen shagu a lata kaw na anhte hpe makawp maga la na matu, anhte kam hpa nga ai dai hkawhkam wa hpe mung rim la ma ai.

Daniela 5:23

Nang gaw sumsing lamu Madu hpe ninghkap nhtawm shi a Nawku Htingnu na la wa ai gawm ni hte wan ni hpe la jashawn nga ndai. Nang mung, na a du magam ni mung, na a madu jan ni hte na a lashi num ni mung dai ni hta sabyi ntsin lu nhtawm, ja, gumhpraw, magri mang, hpri, hpun hte nlung ni hte galaw nna, myi n mu, na n na, hpa hpe mung n chye ai karai ni hpe shakawn kungdawn myit dai. Nang mahtang na a asak sumri sumdam hte nang galaw ai lam magup hpe yu hkang nga ai Karai Kasang hpe shagrau sha-a nga ndai n rai.

1 KORINHTU 2:6

Rai ti mung ngai gaw, Wenyi makam masham lam hta myit su kunghpan sai ni hpe hpaji byeng-ya hte kapyawn nna tsun dan nngai. Rai ti mung dai gaw ndai mungkan ga hte seng ai hpaji byeng-ya n rai; mungkan ga na du ni a hpaji byeng-ya atsam mung n rai; mungkan du ni a n-gun atsam gaw sum mat wa magang nga ai.