SHAKAWN KUNGDAWN 146:3 - Jinghpaw Common Language Bible 2009

³ Shinggyim masha ni a ningbaw ningla ni hpe hkum kam hpa nga et; shinggyim masha kadai mung nang hpe hkye hkrang la lu na n rai.

Jinghpaw Hanson Version Bible

³ Hpa hta mung n karum lu ai, du ni hte, Shinggyim masha hpe, hkum hpa nga myit.

SHAKAWN KUNGDAWN 146:3 ပူးပေါင်းရင်းမြစ်များ

2 HKAWHKAM 6:27

Shi gaw, “Dai Madu nang hpe n karum la ai rai yang, ngai gara hku karum shingtau lu na rai nga a ta? Hkaulan mam mung, sabyi mung ngai kaning rai lu na rai ta?,” ngu nna san wu ai.

2 HKAWHKAM LABAU 16:7

Dai aten hta myihtoi Hanani gaw Hkawhkam Asa hpang de sa nhtawm, “Dai Madu na a Karai Kasang hpe kam hpa na malai Suri hkawhkam hpe kam hpa nga ndai majaw Israela hkawhkam a hpyen luksuk ni gaw na a lata kaw na lawt mat wa masai.

SHAKAWN KUNGDAWN 108:12

Gumlau hpyen wa hpe hkap daw na matu, anhte hpe karum la mi; masha a karum la ai lam gaw kaman sha rai nga ai.

SHAKAWN KUNGDAWN 60:11

Gumlau hpyen wa hpe hkap daw na matu, anhte hpe karum la mi; masha a karum la ai lam gaw manu n dan nga ai.

SHAKAWN KUNGDAWN 62:9

Shinggyim masha yawng hte gaw nsa sa lai nbung kasha zawn sha rai nga ma ai; galu kaba ai wa hte kaji kadun ai wa mung, maren sha manu n dan nga ai. Shanhte hpe joi hta shen yu ai shaloi, shanhte a namnak hpa mung n rawng nga ma ai; shanhte gaw nsa sa lai nbung hta pyi grau nna tsang nga ai.

ESAIA 2:22

Si chye ai shinggyim masha ni hta hkum kam hpa nga et. Shanhte hpa tai nga ma ta?

ESAIA 22:25

Dai zawn byin wa ai shaloi, ngang ngang jung da ai sumprat gaw malawk pru mat wa nna hkrat mat na ra ai. De a ntsa e noi da ai arung arai gaw magup sumhpa a jahtum mung rai na ra ai,” nga nna tsun ai. Dai Madu nan tsun nu ai.

ESAIA 31:3

Egutu masha ni gaw karai ni n rai ma ai-shanhte gaw shinggyim masha sha rai ma ai. Shanhte a gumra ni gaw shingra tara hta grau ai wenyi n rai ma ai. Dai Madu amu galaw ai shaloi, n-gun ja ai masha amyu baw gaw hpyai rai mat na ra ai, karum la hkrum ai n-gun kya ai masha amyu baw mung di hkrat mat na ra ai. Shan gaw jahten kau ai hkrum na mara ai.

ESAIA 37:6

shi gaw ning ngu nna bai htan let htang dat wu ai: “Shi gaw nang hpe n hkye la lu ai ngu nna shanhte ma ga hku htawn tsun let Asuri masha ni nang hpe n jahkrit kajawng shangun u ga, dai Madu gaw nang hpe tsun nga ai.